Uzoringda nure ayondur, ayon...
Uzoringda nure ayondur, ayon
Ki, andin kunu oy nishondur, nishon.
Balo o’qlarin otg’ali jonima,
Iki egma qoshing kamondur, kamon.
Raqibingdin o’lmas ayon yaxshilik,
Ki, qavli-yu fe’li yomondur, yomon.
Hayotimg’a zikri labingdur sabab,
Yo’q ersa, tiriklik gumondur, gumon.
Manga sud erur sudi ishqing g’ami,
Aning harna g’ayri ziyondur, ziyon.
Erursan gahi ko’z, gahi jon aro,
Senga bu iki yer makondur, makon.
Nechuk el erur ohi sardim mening,
Jahon bog’I andin xazondur, xazon.
Jigar birla ko’nglum qilib qon g’aming,
Iki ko’z yo’lidin ravondur, ravon.
Ulus kelsa mendin fig’onga, netong,
Ishim kecha-kunduz fig’ondur, fig’on.
Netong chiqmasa Munis ul ko’ydin,
Ki, ul anda g’amdin omondur, omon.
|
This work was published before January 1, 1929, and is in the public domain worldwide because the author died at least 100 years ago. |