Vödem redaka, VpN 1950, Nüm: 1
Me nüm at yelod deglulid gaseda obsik primon. Fredobs dö sek at, e danobs utanis valik, kels egivons demü at läükotis oksik. Ab no kotenobs. Nüm alik binädon te me pads fol. Atos binon tu nemödik. Demü bükafräds jerik ye no mögos ad mödükumön numi at, pläsif num limanas Volapükaklubas bofik, ed ut lebonedanas gaseda at gretikumons. Sekü kod at begobs reidanes valik obsik ad keyufön nämiko ad gretükumön numi at.
Posä ‚Schleyer‛ idatikom Volapüki okik, no äbinos fikulik ad jafön ma sam sita fa om pedisinöla volapükis votik, ko sek, das nu näi Volapük i mekavapüks votik pagebons as valemapüks, e das igo ai dönu volapüks padatikons. If betikoy gudiko dini, no mutoy-li üfo dasevön, das binos fopik, ad labön volapükis mekavik mödik? Dial ela ‚Schleyer‛ ga äbinon, das ögebädoy in dakosäd bevünetik mekavapüki bal. Atos no binon-li i nog nu dial? If dasevoy atosi, stütolös kluo steifi obsik, e steifolös ad slüdön alani ad slopön Volapüki!
REDAK.
Volapükaklub valemik Nedänik: Doküms
Se Volapükagased pro Nedänapükans 1950, Nüm: 1, Pads: 1-2.