Vödem redaka, VpN 1951, Nüm: 5

NEODOBS BEVÜNETAPÜKI TE BALI.

Obs valik sevobs, das ‚Schleyer‛ edatikom Volapüki, älabölo tiko diali, das menef ölabonös püki valemik neudik bal in dakosäd bevünetik! Vö! dial at no nog evedon jenöf. Ibä tü timül at mekavapüks mödik paplägons e papropagidons as valemapüks, e nog ai jäfoy me datik valemapükas nulik. Jäf at blöfon vo, das neod bevünetapüka binon vemo gretik! Ab omögos-li ad fölön neodi at medü jaf bevünetapükas ai dönu votikas? Klüliko: nö! Pro dakosäd bevünetik valemapük bal saidon. Propagidobsöd demü atos te Volapüki: bevünetapük süperik at! Süadükobsöd utanis, kels slopons valemapükasitis votik, das neletons dub dun oksik jenöfikami diala sublimik obas, kel panotodon in spiked ela ‚Schleyer‛: Menefe bal, püki bal!

REDAK

Volapükaklub valemik Nedänik: Doküms

Se Volapükagased pro Nedänapükans 1951, Nüm: 5, Pad: 17.