Vemo balik

Vemo balik: Kolanel bäledik in Texasän ekonom vöno dö tims gudik bäledik, kelüp nog valikos ekanos palemön in Melop plo suäms levemo nedelidik. »Valeil laneda pelofom obe balna plo telel butas«, esagom. »No li edunol lemi?« sembal plisenelas esäkom. »No!« »Ab kikod no? Laned no li elabom völadi?« »Ebinom glun gudikün in Texasän lölik, yeb geilik füts lul, bluk smalik klinik egletom fluköfi e silinaseb no nog pedakiköl ebinom in gul bal, kel emekomöv obi vifiküno mani liegik.« »Ab lustomö! kikod no elensumol lofi?« »Bi - bi no elabedob butis!«

Se Volapük: Gased al pakam Volapüka 1894, Nüm: 2, Pads: 7-8.