Wen oły zich łiwa

by Józef Gara

←Maj makia kum cy mir

Wen oły zich łiwa by Józef Gara „Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa Gary

Błi, och błi→

[ 60 ]

Wen oły zich łiwa

Wen oły zich yms rod łiwa,
do müswer aoj trynkia.
Wen ych dy łiwy ny rüfa kon
müs ych cy jyr wynkia,
wen ych dy łiwy ny rüfa kon
ju, ju rüfa kon
müs ych cy jyr wynkia.

Ych wynk aoj myła aojga
an traot jyr ufa füs
Zy ej fir mejch dy siynsty
di majny waoda müs,
zy ej fir mejch dy siynsty
ju, ju dy siynsły
di majny waoda müs.

Ferym zuł zy ny waoda
ych ho zy ju zu gaon.
Zy höt cwe świöcy aojgieła
di łaojchta wii cwej śtaom,
zy höt cwe świöcy aojgieła
ju, ju aojgieła
di łaojchta wii cwej śtaom.