Xıdır Eren

Xıdır Eren, Ovacuğa Dêsımi rawo. Dewa xo Zeranıga. 15.02.1957 de Zeranıge de ama dina.

Heta mektebo sıftên qediyaine Zeranıge de bi. Mektebo wertên Keban de; mektebê malımine (musnoğine) Mamike de wand. Ebe sıra ra; Xolık (Dêsım-Qızılkilıse), Merxo / Qolca Khewun / Êlqajiye (Dêsım-Vacuğe), Olucak (İçel-Gülnar), Çakır (Çanakkale-Yenice) de malımine kerde. Çakır de ebe motorsiklet'a qeza kerde, qeza dıma ama Estenbol. Hetê ra malımine kerde (Fatih, Yeşilyurt, Etiler) heto bin ra sosyolociye wande, sosyolociye de master vıraşt. Hona malımine keno.

1983 ra nat Zazaki şiirun, meqalun, hêkatun nusneno. Hata nıka; Ware de "Dewa Zeranıge", Miraz de "Ontologiye" nuşiya. Ninan ra ber; internet de bo, taê qezetan de bo (Munzur Haber, Munzur, Dersim Hayat) şiirê xo, meqalê xo, hêkatê xo amay nustene.