Xutbe
Gellê cema’at!
Xutbê ma wo êr, şexsiyêt Bısılmunti serawa..
Êr ruêj madi, isune ma vuni qê Bısılmuntiy, tênıka Nımajra, Rojıra û Zıkara yena mêdun.
Belê… Nımaj ow Rojı wow Zıka zi ha miyun Bısılmunitida.. Labelê, Bısılmuntiy tênıka pê ınuni ni qêdyena… Pa ınuna Huma Teala mara ınuni zi wazenuw. Gereka ma Rabb xûri çikı zi şiyerık ni tepışın. Ma tênıka yiri Qulatiy bıkerın.
Êr ruêj madi Pa Yi’wa, ma tikiy şiexun û efêndiyunı zi Humê’yir kêrda şiyerık.
İtadi şıma bêlka vuni, liya ın malê ma how vunu se.. Ma kumyow hıel, şêyx xû wo efêndi xû Humê’y xûri kêrdi şiyerık..
Buniyên Huma Teala ına mesla ser vunuw se;
Surê Towbi/Ayeta:31 “ Yini bie Humê’y, ehbarun xû (Din adamlarını), Rûhbanun xû (Rahibun xû) wo İ’sa laj Meryema xûri kêrdi Rabb…….”
Vextag Piyexmer ına ayet eshabun xûra vatêni, ow wext miyun eshabun Yira yow sahabı(Ow eshabı zi Adiyy bin Hatem’uw) Piyexmêrra va; “Ya Resulallah. Ma ket’a Ehbarun xû xûri nikerdêni Rabb.” In sahabı vêr Bısılmunitiyê xûra êhl kıtabrab/yow yawuıdib. Barcınê bıb Bısılmunı.. Ina qalê ın sahabira pê Piyexmêr ma ay eshabira va;
“Hıeqiqatıd şıma yiniri i’badet nikerdêni.Labelê çikog yin şımari kerdêni hıerum şıma ayê hıerum kawul kerdêni o çikogı zi şımar yin kerdêni hıelal şıma aye xûri hıelal qawul kerdêni.. Kum ina bıkeruw se wû, aynuni xûri kenuw Rabb “ (Tirmizi, İbn-i Munzır, İbn-i Ebu Hatem, Ebu Şeyh, İbn-i Murdeveyh, Beyhaki)
Gellê cema’at!
Qasud Humê eg ınê ina vunuwse, ma gereka ruınış ına vate Yi ser hola hol aqıl xû bışuğılin.
Ez zi, ına xutbê xû ser şımara nivuna; şıma şexun xû wo efêndiyun xûri i’badet kêni. Labelê eg şıma ow vatê yinog bie Qurun’i, qintêr Qurunir nid se, şıma zi quêni miyun ina yow reyow çoti.
Gellê êhl imun !
Buniyên QURUN Surê İsra’di mara çıta wazenuw;
Ayetun İsra’ra 22’ra hıetana 39’ın Huma Teala mara ınun wazenuw..
1- Pa Humê’yra çoyi xûri Rabb mekerên.
2- Dadi Buabiy xûri holi bıkerên. Qet’a yinir “”OF” mevajên.
3- Quılun Salehunrabên.
4- Hıeq merdımun şıma eg how şıma serawo se, hıeq yin têpya bıdên yin.
5- Hıeq feqirun û hıeq ayig rêyı ser mêndi hıeq aynuni zi bıdên yin.
6- İsraf mekerên. Kum israf bıkeruwse, wa bızunıg wû wo şêtun yow binunıri biyi bıra. Bızunenıg şêtun, vera Humê’y biyuw yow a’si.
7- Hema tı ni êşkêni bıun dadi û Buabiy xû se (tı merdimêkê feqiri se) otirow se, pê qala wueş zerê yin bıvıraz.
8- Bie umuıd meb. Zobinê ni, tı pueşmun bêni.
9- Semêd feqiriyra qıjun xû mekışên. (Kuırtaj mekerên). Çım çıra rısq yin Huma dunuw. Kum kıjun xû bıkışuwse wa bızunıg ına zahf yow guınawa pila..
10- Zinara düir şiyerên. Hol bızunênıg zina, yow hıeyasiziyawa pila.
11- Neheqi ser, yow gunıg Huma Teala qetıl yi kerduw hıerumse, ow tiri yow qetıl xû mıla mekerên. Qum şımara eg yow ten kışyow se, wahar ay mêyitır qısas estuw. Wa ow wahar ay mêyıti zi hûdıd Humê’y xû dım nierzuw. Hûkım Humê’y ser wa vınderuw.
12- Mal yêtimun mewerên. Kêg yin baliğ biyse, holiy ser mal yin bıdên yin.
13- Ehd xû biarên ca. Çımçıra ehd çoy çoy sera yow mes’uliyeta.
14- Tûjartiyê xûdi welçê xû çot metepşên. Çotiy/Yûnışiy mekerên.
15- Yow çik ser i’lm şıma çinikuwse ay çik dıma mequerên. Çımçıra , çim çoy û guêş çoy û qêlb çoy ınunra mes’ul têpşiyêni. (İtad Huma tela vunu;”bie dêlil qal mekerên. ” )
16- Riy e’rdıd pilli mekerên. Çımçıra tı ni êşkêni e’rd bıqılaşin, ni zi êşkêni bırasi Queyun/Qılun pilun.
17- Ini, piyorê yinidi xrabi esta o vêr Humê’yidi zi xraba.
Gellê Cema’at!
Huma Teala ına Surê İsra’di ın hiqmetun xûra xever dunuw ma..Hiqmet, ma zunig piyorê QURUN’awa, labelê ına sured, Huma Teala mara wazenug, wa ma tıvêr Qurun’ıd ni gêri Hiqmet.
Hanik Bısılmuntiyê Qurun; Pa Nımajo pa Rojı wo pa zıkawa, ınunizi xû miyunıd winena. Kum ın qêdıra bıkeruw se, wa bızunıg Huma Teala yira wiyertuw. Kumı zi ınuni nikeruw se, wa wuı zi bızunıg e’zab Humê’y zahf çetınuw… Şıma bımuni emunê Humê’y…
Çımey
editNuştekar:Hezreti Mıhammed Deme: 632 Ca: Meka