Yola Zong O Baronie Vorth

YOLA ZONG O BARONIE VORTH.

Billeen Scallane an hys yola maween,
Thye heighed upa Buckeen twi hours avar dawn,
Thye paaced awi up to ee Cress o Shad,
Fan Buckeen hea pooked lick oan dhing mad.

"Faad deegoul ez upa thee, thou stouk " co Billeen,
"If thou dinna goe an chull daff thee yola skien."
Wi spur upa heel hea gaed him a goad
Fan Sooney, shu tumbled vlat upa road.

Co Sooney, "Billeen dowst thee zee faades lewer
Aul haar, an wi ein lick torches o tar?"
Fan ee loughraan itzel feight a big bawl
'Tus a gearded at freightened Billeen's yola caule.