Yor istamakim, olam aro yor topilmas...
Yor istamakim, olam aro yor topilmas,
Topilsa dag’i mushfiqu g’amxor topilmas.
Axtarsang agar bir yaratib ikki jahonni,
Mendek senga bir zoru giriftor topilmas.
Hushyor netarsen tilabon, ey ko’zi usruk,
Mastona ko’zung davrida hushyor topilmas.
Ko’p yor agarchi topilur senga valekin,
Jon berguchi men kabi vafodor topilmas.
Diydor g’animat turur, ey telba Ubaydiy,
Diydoridin ayrilmaki, diydor topilmas.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse