Yozib bayt burgadin, men aylayin dod...
Yozib bayt burgadin, men aylayin dod,
Shirin uyqumni zolim qildi barbod.
Qorong‘uda nechuk yo‘lni topadur,
Tuzub lashkar, o‘ngu so‘lga chopadur.
Chaqadur hech bir parvoye qilmas,
Faqiru boylarni ko‘zga ilmas.
Chaqadur necha bir gul-g‘unchalarni,
Qo‘li bog‘liq, beshikda bachchalarni.
Gahi tez o‘rmalab sakrab uchadur,
Gahi shum tulkidek boqmay qochadur.
Tutub bo‘lmas, ko‘rinmas mayda narsa,
Yotolmas chaqsa rohatda kimarsa.
Hakima holini etti ko‘p abtar,
Yo‘qolib burgalar, qolsun bu daftar.
|
This work was published before January 1, 1929, and is in the public domain worldwide because the author died at least 100 years ago. |