Zajtša
| nadpis | Zajtša |
|---|---|
| awtor | Hajndrich Głowan |
| lěto | 1863 |
| žrědło | Łužičan, No 9/1863 b. 132 |
| licenca | public domain |
| nota | nowy pšawopis |
Źeń ten swita,
Škobrjonk wita
Jutšne zorja wjasołe;
W lěsach chłodnych,
W łukach młodnych
Njejo wiźeś gibanje.
Słyńca pruga
Potom stupa
Górej, buźit měrny swět;
Tog'dla błyšći
A se śišći
Do kuždego rožka nět.
Wšo což spašo
Wót se dašo
Znamje noweg' žywjenja;
Błoty, póla,
Wóda, rola
Jo półnego gibanja.
W młogich městach
Hyšć' we gnězdach
Lažy gnile wustrjety,
Jom' jo spanje
A smarcanje
Lubše, ak' swět zajutšny.
Na wsach luźe
Pak se zbuźe
A stawaju z póstolki,
A wjasole
Se nět strowje
Stare, młode, suseźi.
| nadpis | Zajtřa |
|---|---|
| awtor | Hajndrich Głowan |
| lěto | 1863 |
| žrědło | |
| licenca | public domain |
| nota | stary pšawopis |
Źeń ten swita,
Škobrjonk wita
Jutřne zorja wjasołe;
W lěsach chłodnych,
W łukach młodnych
Njejo wiźeś gibanje.
Slyńca pruga
Potom stupa
Górej, buźit měrny swět;
Tog'dla błyšći
A se śišći
Do kuždego rožka nět.
Wšo což spašo
Wót se dašo
Znamje noweg' žywjenja;
Bloty, póla,
Wóda, rola
Jo półnego gibanja.
W młogich městach
Hyšć' we gnězdach
Lažy gnile wustrjety,
Jom' jo spanje
A smarcanje
Lubše, ak' swět zajutřny.
Na wsach luźe
Pak se zbuźe
A stawaju z póstolki,
A wjasole
Se nět strowje
Stare, młode, suseźi.