Zong Of Twi Maarkeet Moans

A moan vrem a Bearlough an anoor vrem a Baak,
Thaye zhoult upan oother at high Thurns o Cullpaak,
Themost wi egges an heimost wi thick,
Fan a truckle ee zhoulthered too nigh upa ditch.

Thick besom fighed a spagh wi kick an a blaake,
An awi gome her egges wi a wheel an car taape,
Shu ztaared an shu ztudied hi near parshagh moan,
Shu ztaared, clappu her baashes an up wi punaan,
Zien "a blaak vall, a blaak vall, Ich meigh vella knew,
Fan a vierd durst a bargher an a haar galshied too,
In durk Ich red virst mee left-vooted shoe."

"Swingale," co the umost, "thou liest well arent,
A big daal a masled, slavaak, an a kernt."
"Thou liest valse" co secun "that thou an ye thick
Maa bee haghed i more caar an angish than Ich."