Эрзянь Мастор/2004/15/Анекдотт

←Обращение

Эрзянь Мастор, № 15 (190), 12 августа 2004 редактор Нуянь Видяз, Кшуманцянь Пиргуж Анекдотт

Прявтлопа→

Статья на сайте газеты: № 190, 12.08.2004, Анекдотт

 

Анекдотт

Весёлгалема таркав сась поп. Симсь кода весе. Кода эрсияк, пурнавозтне кармасть попонть кевкстнеме — ули Паз эли арась? Тень лангс попось отвечась:

— Важодемадо кортнема важодема таркасо!

 

*  *  *

Эрясь эрзянь атясь аволь аламо. Сась оймень лисема шказо. Серьгедизе цёранзо.

— Содат, цёрам, улим-паром, сюпавчим аволь аламо.

— Содан, тетяй.

— Куломодом мейле весе сынст максыть чукча раськентень. Тевтеме куломам а сы.

— Те кода истя? — абунгадсь цёразо.

— Максат вал — топавтсак мелем, сестэ ёвтаса.

Цёрась таймаскадсь. А соды кода улемскак.

— Вадря, топавтса мелеть — окойники сась ёжос-превс цёрась.

— Содак, кулындерейть эрзятне чукчатнеде икеле, те, лиси, эрзятне весемеде-весемеде чаулат. Кадык куш чукчатне поладсызь эрямонь кист.

 

*  *  *

Селища велень попось кувака черензэ разедсь — арсесь кода кармавтомс эрицятнень церьковав яксеме.

— Церьковав апак яка тоначис а понгат, — мерсь весть тандавтнезь шабранстэнзэ.

— Пошёл тон в баню.., — мерсь тона каршо.

Кудонзо икельга кукорьк-кукорьк моли Олдай сырькайнесь.

— Олдай сырькай, мекс исяк эзить сакшно церьковав? Вант, пургинесь ледтянзат.

— У аптюк пря! Тонсь а содат мезть лабордат! — кежиявтсь ютыцясь.

— О-о-о, мон тонавттадызь! — серьгедсь мельганзо попось ды куроксто нолдась велеванть куля: колорадонь унжанть каршо пек лезды «святой ведесь». Ды мезе?

Кой-кить «кристиантнэнь» эйстэ понгсть те кечказонтень, модамарест эзизь пургсе куловтомасо. Читне пек псильть. Зярс учость «святоенть» лезксэнзэ, кадовсть пирезэст карчт-марчт. Ракасть «святоентень» кемицятнень лангсо веленек. Кулянь нолдтницянть лемдизь теде мейле «жук-попокс».

 

*  *  *

Сась наркоманось церьковав ды ушодсь штатолтнэнь мадстнеме. Мольсь малазонзо попось ды корты:

— Пазонь цёра, мезе тон теят?

— Иля лавга, тетяй, монь течи чачома чим.