Аңланым. Шәйехзада Бабич

← Аҡтыҡ зарым

Аңланым (шиғыр) автор Шәйехзада Бабич

Башҡортостан мөхтәриәтенә ҡаршы татарға →

Ижад итеү ваҡыты: 1916.

Аңланым

Ел ҡыуып, күккә ҡарап, үткән ғүмерҙе белмәнем,
Иркә саҡтар үттеләр, яңғыҙ тороуҙы белмәнем.

Күкрәгемдә һүнделәр ялҡындарым хәсрәт менән,
Ирҙән айырылмаҡ әсе хәсрәт икәндер - белмәнем.

Ал мине, дуҫым, тиһәм дә, илтифат та итмәне,
Кескенә бер ҡыҙ менән торҙом да ҡалдым - белмәнем.

Ҡыҙ-ҡатындарҙың баҙары юҡ хәҙер, сөнки һуғыш,
Яңылышып, бик наҙланып киткән икәнмен - белмәнем.

Ул үҙенә ҡыҙ табыр, әммә миңә ҡайҙа кейәү?
Мин өмөт иткән кеше ҡасҡан икәнен белмәнем.

1916

---