Балыкчының чалбарыы
| ← Дус-Дагга чалбарыыры | Тыва улустуң алгыш-йөрээлдери (Күш-ажыл-биле холбашкан алгыш-йөрээлдер) |
Чер аңдарарда йөрээл → |
| Чаяан чылы: 1990. |
Эрик кыдыынга туруп алгаш, балыкчы кижи, аржаанын чажып, хемге сугга чалбарыыр, Саңны салылыр.
Балыкчының чалбарыы
Ак пөзүмнү
Өргүп тур мен.
Артыжымны
Чыдыдып тур мен.
Саңымны салып тур мен.
Далай ээлчи,
Даңгаар чалгып хайырлаңар.
Бедик таңдым,
Сыксыынга дүжүрүп,
Көскээ хөлертип,
Өршээңер, хайырлаңар!
Шыргай чердээзин,
Ажыкка өткүрүп хайырлаңар.
Бедик чердээзин
Сыксыынга дүжүрүп хайырлаңар.
Бедик дагның белинче
Үндүр чалгып хайырлаңар.