Якстере теште/1924/15/Ведись кармавтома работамо

←Кодамо лезэзэ картуханть

Якстере теште, № 15, 27 мая 1924 г. редактор Васильев, Тимофей Васильевич
Ведись кармавтома работамо сёрмадызе Ф. Петров

Атингей велень эрямодо→

Якстере теште. Еженедельный орган мордовской секции при Ц. К. Р. К. П. (б.). — № 15, 27 мая 1924 г. — с. 3

[ 3 ]

Ведись кармавтома работамо.

Эрьва велисэ ули покш эли вишкене лей (речка). Леинть ули ламо виезэ. Те виенть аволь веси велитни ладясызь тевс. Веси содасызь, что ведись велявты мельнецень чаротнинь (колисатнинь).

Вединть эйсы можна аволь анцяк сюро яжамс. Сокиця ломанинть ули ламо роботазо яжамодо башка. Ряц эряви путомс кедь вий.

Коли ули лей, — эряви тейме пруд, ведись кепидима седе верев (кода мельнецясо).

Леинть келизы ве сажень а сэризы ве аршин. Истямо леинть вадря прудямозояк. Леинтинь вачкодима саженень кувалмосо чувтонь столбат. Леесь теиве седе теене (пельсаженьшка). Столба ды берек юткотнень валямат модасо.

Столбатнинь лангс ладядо ташто крандазонь чаро (колиса), анцяк спицатнинь таркась эрявить тейме лазонь лапат (веилка лацо). Лапатнинь келист-кувалмост — ве аршин. Покш чаронтень эряви ладямс еще вишкене чарыне (шестернень кондямо). Ведись карми чудиме лапатнинь ланга, чарось карми велямо ды вишка чаронть велявтомо.

Вишка чаронть лангс тонгома пикс, эли кшна (приводной ремень) а мейли аравт тезэнь мези тонеть эряви: мельнеця, веилка, пивцыма машина, маслина, олгонь керямо, тоцила, столяронь станок, мушконь томбамо доже кузьнецнень карми мехень пувамо.

Коли леись чуди ровна таркава, можна пирень валнома чаро тейме. Лапатнинь малас теима чувтонь обод (круг). Ободонтень содомс котошка каладо чакшт. Ободонтень эрявить пецик-пецик, чтобо чакшонь курготне вановольть верев ды велявольть пире енов. Коли чарось а карми велямо-чакшны саимат седе вишкенеть. Кода чарось карлой велямо, — чакшнэ кармить вединть амульдиме и валомо берек лангс. Се таркантинь, козонь валови чакшсто ведись, — аравтома покш очко. Очконь таркас можна тейме борозда, эли жалоб. Те бороздаванть (жалобганть) ведись еонць карми чудиме ков тонеть эряви: пирев, садув, паксяв, даже баков, эли кардайс. Истя коськи кизысь как а ули страшна.

Коли леись покш, — ськамот а теиве, — эвяви вейцы ки мартояк теимс.

Вана истя кармавтомс леись роботамо ломанинь и алашень кис. Вединтинь питни а пандома, андомс а эряви, сон истяк роботамо карми. Тонцить зато карязот оймить.

Ф. Петров.

This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]

This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home.

Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России.