Колхозонь эряф/1933/09/Вейхкса 9 кизот

 

Вейхкса  9  кизот

1924 кизоня май ковть 5-шистонза лиссь „Од—Веле“ мокшонь газетатть васенце номероц.

Ленинскай национальнай политикать идец, вехса кизот эряма кизонза ащесь и ащи вию тюрикс ленинскай национальнай политикать, партиять генеральнай китьксонц инкса, фсякай лаца оппортунистнень, партиять китьксонц эзда туйхнень, синь мархтост мирендайхнень и кулачествать каршес, велеть социалистическай одукс тиеманц инкса.

Тяниень пингонь вешфкснень коряс „Од Веле“ газетать лемоц верьдя ащи партийнай организациятнень путфкснон коряс ульсь полафтф „Мокшонь правданди“

Мекольдень 1-2 кизотнень эзда газетась тийсь оцю сатфкст работанц одукс тиеманц, трудяй массатненди малакстоптоманц эса. Сядошка бригадань вельдя, конат кучфтольхть велева мекольдень 2 кизотнень эзда, газетась кемокснезя сотксть велень трудяй крдатнень мархта оржаста пуропнезя тюремать партиять и правительствать ширьде путф задачатнень пяшкодемаснон инкса.

Вишкста касы и кемокстай рабвелькорскай ударниконь лувкссь. 1924 кизоня рабвелькорда ульсь 25 ломань, 1925 к — 80, 1926 — 150 лом. 1927 — 197 лом, 1928 кизоня 217 л, 1930 кизоня 400, 1931 к — 445 и 1932 кизоня 752 ломань.

Вов тя армиянь лувксть ланкс нажечни „Мокшонь Правдась“ велеса эсь работанц эса.

Цебярьгофтови газетать кяльширец, газетась йотни „кяльса галдоромань“ валхнень эзда конкретнай тевс, эрек работась, сяда малава, инь эрявиксста няфнесыне тяниень пингонь вешфкснень.

Газетать улихть оцю, аф спорямшка сатфксонза эсь работанц эса, но ня сатфкснень мархта ряц, улихть оцю афсатыкстка. Васень и инь оцю афсатыкссь ся, што минь ниньге афсатомшка кемя сотксоньке трудяй массатнень мархта, аш ниньге эрек эрь шинь оперативность тячиень шинь задачатнень пяшкодемаснон инкса тюреммса. Ня афсатыксне тейнек эрявихть машфтомс. Инь кемоста тюремс кемя, тевонь эрь шинь оперативностень инкса. Партиять ширьде тяниень пингонь путф-задачатнень инь оржаста инь оцюста няфтемаснон трудей массатненди пачфтемаснон инкса.

Касфтомс и тонафтомс тяниень пингонь вешфкснень коряс рабвелькоронь массать „Эрь рабвелькорсь ударник, эрь дарниксь рабвелькор“. Максомс тевонь лезкс вастонь стенань, бригаднай, районнай газетатненди синь работаснон йотафтомать эса.

Ня афсатыкснень, петемок конат улихть минь работасонок, минь работасонок, минь нинге сядонга пяк касфцаськ виеньконь партиять задачанзон пяшкодемаснон инкса тюремаса, сядонга пяк оржапцаськ оружияньконь фсякай лаца оппортунистнень, кулачествань иляткснень и лездыснон, синь мархтост мирендайхнень каршес, великодержавнай шовинизмать и вастонь национализмать каршес.

Касфцаськ „Мокшонь правдать“ трудяй массань пуроптынь роленц, арафцаськ вию тюрикс массатнень пуроптомаснон инкса, тяниень пингонь задачатнень пяшкодемаснон перьф.

Инголи тюремати тундань видемать шумордаманц инкса, сьоронь шачемать касфтоманц, вожтть лозунгонц „тиемс эрь колхозникть эряйкс“ пяшкодеманц инкса.

---