Вельхозяйственнай артельть примернай уставоц/1
| ←Колхозникнень-ударникнень Омбоце Всесоюзнай С‘ездснон постановленияц | Вельхозяйственнай артельть примернай уставоц (1939) , edited by Горькин А., Лукьянов П., translated by Каргин В. I. Цельхне и задачатне. |
II. Модать колга→ |
| Печатлаф: Вельхозяйственнай артельть примернай уставоц, примаф колхозниконь-ударниконь Сембесоюзнай Омбоце С‘ездса и кемокстазь СССР-нь Народнай Комиссаронь Советсь и ВКП(б)-нь ЦК-сь февральть 17-це шистонза 1935 кизоня. — Перевод В. Каргина. — Мордгиз, 1939, Саранск. |
ВЕЛЬХОЗЯЙСТВЕННАЙ АРТЕЛЬТЬ
ПРИМЕРНАЙ УСТАВОЦ,
примаф колхозниконь-ударниконь Сембесоюзнай Омбоце С‘ездса и кемокстазь СССР-нь Народнай Комиссаронь Советсь и ВКП(б)-нь ЦК-сь февральть 17-це шистонза 1935 кизоня.
I.
ЦЕЛЬХНЕ И ЗАДАЧАТНЕ.
1. ________________ велень (станицань, веленянь, хуторонь, кишлаконь, аулонь) ________________ райононь трудящай крестьяттне добровольна пуромкшнихть вельхозяйственнай артельс, штоба общай производствань средстваса и общай организованнай трудса строямс коллективнай, лиякс мярьгомс, общественнай хозяйства, обеспечендамс полнай победа кулакть лангса, трудящайхнень сембе эксплоататорснон и вракснон лангса, обеспечендамс полнай победа нужать и шовда шить лангса, единоличнай мелкай хозяйствать [ 6 ]отсталостенц лангса, тиемс трудонь оцю производительность и тяфта обеспечиндамс колхозникненди сембода цебярь эряф.
Колхознай кись, социализмань кись трудящай крестьяттненди ащи единственна правильнай кикс. Артельть членонза макссихть обязательства кемокснемс эсь артельснон, честнайста трудендамс, колхознай дохоттнень явондомс трудс коря, ванфтомс общественнай собственностть, ванфтомс колхознай паршить, ванфтомс тракторхнень и машинатнень, ладямс алашатнень мельге цебярь уход, пяшкотькшнемс эсь рабоче-крестьянскяй государстваньконь заданиянзон, — и тяфта тиемс колхозоньконь большевистскяйкс, а сембе колхозникнень зажиточнайкс.