Вельхозяйственнай артельть примернай уставоц/2
II.
МОДАТЬ КОЛГА.
2. Сембе межатне, конат сядинголе явфнезь артелень члеттнень модань наделснон, машфневихть, и сембе паксянь [ 7 ]наделхне шарфневихть фкя земельнай массивс, конац ащи артельть коллективнай пользованияса.
Модась, конань заньцесы артельсь (кода СССР-са всякай лия модаське), ащи общенароднай государственнай собственностекс. Сон, рабоче-крестьянскяй государствать закононзон коряс, кемоксневи артельть мельге срокфтома пользованияс, лиякс мярьгомс навечна, и аф рамсеви-мишендеви, артельть ширде аф макссеви арендас.
Советонь районнай исполнительнай комитетсь эрь артельти максси модать мархта срокфтома пользованиянди государственнай акт, конань эса путневихть точнай размерхт и границат модати, кона ащи артельть пользованиясонза, тяка пингть ня модатнень кирьфтамасна аф новляви, а новляви аньцек синь касфтомасна — либо государственнай фондонь свободнай модатнень счетста, либо лишнай модатнень счетста, конатнень занцесазь единоличникне, и стане, штоба афоль нолдав кодамовок чересполосица.
[ 8 ] Обобществленнай земельнай угодиятнень эзда явфневихть афоцю участканят личнай пользованиянди эрь колхознай дворти кода усадьбань мода (пере, сад).
Усадьбань модать размеронза, конат ащихть колхознай дворхнень личнай пользованиясост (аф лувомок эряма постройкань алу сатф модать), улихть кода пачфнемс ¼ гектарста сявомок ½ гектарс молемс, а башка райоттнень эса пачфневи 1 гектарти молемс, областной и районнай условиятнень лангс ванозь, конатнень латцесазь союзнай республикань наркомземтне ССР-нь Союзонь Наркомземть указаниянзон коряс.
3. Артельть единай земельнай массивоц кодамовок случайста не должен киремс. Артельста лисьф члеттненди артелень модань площадть эзда мода аф макссеви. Артельста лисихне могут получамс мода аньцек государственнай земельнай фондонь свободнай модатнень эзда.
Артелень модатне явшневихть [ 9 ]паксява утвержденнай севооборотть коряс. Севооборотонь паксятнень эса эрь полеводческяй бригадати кемоксневи постояннай участка севооборотонь сембе пингс.
Колхоснень эса, коса улихть крупнай животноводческяй фермат, кда эряви и ули синь сатомшка модасна, то тейст могут явфнемс модань определеннай участкат, конат кемоксневихть ферматненди и использовандакшневихть фермастонь жувататненди кормовой культурань видеманди.