Вельхозяйственнай артельть примернай уставоц/4
IV.
АРТЕЛЬТЬ И СОНЬ ПРАВЛЕНИЯНЦ ДЕЯТЕЛЬНОСТЬСНА.
6. Артельсь максси обязательства вятемс эсь коллективнай хозяйстванц планц коря, точнайста ваномок рабоче-крестьянскяй правительствать органонзон ширде установленнай вельхозяйственнай производствань платтнень и государствать инголе артельть обязательстванзон.
Артельсь примси точнайста пяшкодеманди: видемань, парина сокамань, междуряднай обработкань, сьора урядамань, тялямань и лов алу сокамань платтнень, конат латцевихть [ 15 ]колхоснень состоянияснон и особенностьснон лувозь, а станя жа жуватань водямать касфтомаса государственнай плантть.
Правлениясь и артелень сембе члеттне сявондихть эсь лангозост обязательства:
а) касфнемс колхознай паксятнень урожайностьснон правильнай севооборотонь сувафтомать и вятемать вельде, крхкаста сокамать, сортишень машфтомать, паринатнень и лов алу сокаматнень келептемаснон и цебярьста обработкаснон, техническяй культуратнень эсьпингова и цебярьста междуряднай обработкаснон вельде, хлопкать эсьпингова окучиваниянц, модати навозонь ускомать вельде, кода жуватань водяма товарнай ферматнень эзда, станя и колхознай пирьфнень эзда, минеральнай удобрениянь сувафтомать вельде, вельхозяйственнай вредительхнень каршес тюремать, аф юмафтозь-арафтозь и эсьпингстонза цебярьста урядамать вельде, оросительнай сооружениятнень ванфтомаснон и урядакшнемаснон [ 16 ]вельде, вирьхнень ваномаснон вельде, паксянь защитнай вирень полосань озафнемать вельде, местнай земельнай органтнень ширде путф агротехническяй правилатнень строгайста соблюденияснон вельде;
б) видеманди кочксемс сембода цебярь видьмотнень, аропнемс синь всякай соронь эзда, ладняс ванфтомс салсемать и портендамать эзда, ванфтомс синь чистай проветриваемай помещениянь эса, касфнемс сортовой посефнень;
в) касфнемс видема площадть артельть ряспоряжениянц ала ащи сембе модатнень использованияснон вельде, кальдяв модатнень цебярьгофтомаснон и обработкаснон вельде, апак соксек вастонь сокамать и колхозть эса землеустройствань йотафтомать вельде;
г) педа-пес использовандамс общественнай началаса сембе уликс тягловай вийть, сембе инвентарьть, вельхозяйственнай орудиятнень, видьмотнень и производствань лия средстватиень, конат ащихть артельти, и станя жа — сембе тракторхнень, двигательхнень, [ 17 ]молотилкатнень, комбайнатнень и лия машинатнень, конатнень макссесыне рабоче-крестьянскяй государствась МТС-нень вельде колхосненди лезксонди, ладямс правильнай уход обобществленнай живой и мертвай инвентарьхнень мельге, сатнемок сянь, штоба коллективнай хозяйстваса жуватась и инвентарьсь улельхть цебярь состоянияса;
д) организовандакшнемс животноводческяй фермат, а тоса коса ули возможность, станя жа алашань водяма фермат, касфтомс жуватань поголовьять и цебярьгофнемс породаснон и продуктивностьснон ферматнень эса, макссемс эсь членцнонды, конат честнайста работайхть артельнай производстваса, лезкс, штоба синь улельхть тракссна и мелкай жуватасна, сявомс племенной и улучшеннай производителень обслуживанияс аф аньцек фермань жувататнень, но ся жувататненьге, конат ащихть артелень члеттнень личнай пользованиясост, соблюдандакшнемс установленнай зоотехническяй и ветеринарнай правилатнень;
[ 18 ] е) касфнемс кормань производствать, цебярьгофнемс лугатнень и пастбищатнень, макссемс лезкс артелень ся члеттненди, конат добросовестнайста работайхть общественнай производстваса, коса возможна, обеспечендамс синь, штоба пользовандальхть колхознай пастбищаса, а станя жа, коса возможна, макссемс синь личнай пользованиясост ащи жуватаснонды трудшиснон счетс корма;
ж) развивать вельхозяйствань производствань сембе ляды отраслятнень вастонь природнай условиятнень коряс и развивать кустарнай промыслатнень районтть условиянзон коряс, ванфнемс и урядакшнемс уликс пруттнень, стройсемс од прутт и водендакшнемс эзост рыбнай хозяйства;
з) организовандамс общественнай началаса хозяйственнай и общественнай постройкань строямать;
и) касфнемс артелень члеттнень трудовой квалификацияснон, лездомс колхозникненди, штоба синь йотксост [ 19 ]аноклавольхть бригадирхт, трактористт, комбайнерхт, шоферхт, ветеринарнай фельдшерхт и санитархт, конюхт, свинархть, скотникт, чабатт, постуфт, хата-лабораториянь работникт;
к) кепсемс артелень члеттнень культурнай уровеньцнон, сувафтомс эряфозост газетат, книгат, радио, кино, тиендемс клупт, библиотекат и читальнят, стройсемс банят, парикмахерскяйхть, паксятненди тиемс валда и чистай статт, тиемс порядок велень ульцятненди, озафнемс эзгаст всякай шуфтт, а сембода пяк плодовой шуфтт, лездомс колхозникненди синь эряма кудснон цебярьгофтомаса и мазептемаса;
л) тарксемс аватнень колхознай производствати и артельть общественнай эряфс, путнемок способнай и опытнай колхозницатнень руководящай работас, валхнемс возможностьс коря синь лангстост кудонь работатнень яслянь, идень площадкань организовандамать вельде и ст. тов.