Вельхозяйственнай артельть примернай уставоц/5
V.
ЧЛЕНСТВАТЬ КОЛГА.
7. Артелень членкс примамась йотафневи артелень члеттнень общай собраниясост, кона утверждандакшнесыне правлениять ширде максф од членонь спискатнень.
Артелень членкс могут сувсемс сембе трудящайхне, кода аватне, станя и алятне, конатненди топодсь 16 кизот.
Артельти аф примосевихть кулакне и сембе ся ломаттне, конат валхтфт кочкама праваста.
Примечания: Тя правилать эзда нолявихть изъятият:
а) лишенецень ся иттненди, конат лама кизонь пингс занимандакшнихть общественно-полезнай трудса и добросовестнайста работайхть;
б) бывшай ся кулакненди и синь семьянь членцнонды, конат советтнень и колхоснень каршес выступлениянкса паньфстаулезь, од поселениянь вастса 3 кизонь йотамс честнайста работасть и мольсть советскяй властть мероприятиянзон инкса и няфтезь, што синь исправились.
[ 21 ] Единоличник-крестьяттне, конат артели сувамда инголе 2-та кизонь пингть эзда мизь алашаснон и аш видьмосна, артели примсевихть стама условияса, кда максыхть обязательства эсь доходснон эзда рассрочкаса 6 кизоста пандомс алашать питненц и видьмотнень натураса.
8. Артельста исключениясь может улемс аньцек артелень члеттнень общай собранияснон решениянц коряс, конань эса присутствовандай аф ⅔ кржа артелень сембе члеттнень эзда. Артелень общай собраниянь протоколти обязательна сьорматкшневи, мзяра колхозник ульсь ся собраниять эса и мзяра вайгялень максыда исключениять инкса. Стама случайса, кда артелень членць сонь исключениянц колга постановлениять обжаловандасы советонь районнай исполнительнай комитетти, кизефксть окончательнайста решандакшнесы советонь районнай исполнительнай комитетть президиумоц, коза терневихть артелень правлениять председателец и жалобань максысь.