Вельхозяйственнай артельть примернай уставоц/7
VII.
ТРУДТЬ ОРГАНИЗАЦИЯЦ, ОПЛАТАЦ И ДИСЦИПЛИНАЦ.
13. Артельть хозяйстваса сембе работатне йотафневихть сонь членонзон личнай трудсост внутренняй распорядоконь правилатнень коряс, конат примафт общай собранияса. Вельхозяйствань работатнень эса сиводезь работафтомс можна аньцек стама ломатть, конатнень улихть специальнай знаниясна и подготовкасна (агронопт, инженерхт, техникт и ст. тов).
[ 28 ] Временнай рабочайнь сиводемась нолневи аньцек исключительнай случайста, мзярда срочнай работатне аф пяшкоткшневихть эрявикс пингти артелень членонь уликс вийть полнай нагрусканц мархта, а тяфта жа строительнай работатненди.
14. Артелень члеттнень эзда правлениясь пуропни производственнай бригадат.
Полеводческяй бригадатне выделяндакшневихть аф сяда кржас, кода полнай севооборотонь пингс.
Полеводческяй бригадати макссевихть севооборотонь паксятнень эса участкат сембе севооборотть пингс.
Эрь полеводческяй бригадать мельге колхозонь правлениясь кемокснесыне специальнай актонь коряс сембе тейнза эрявикс инвентарьть, рабочай жувататнень и хозяйственнай постройкатнень.
Животноводческяй бригадатне выделяндакшневихть аф 3 кизода кржа пингс.
Эрь животноводческяй бригадать мельге артелень правлениясь кемоксни продуктивнай жуватат, обслуживаниянди [ 29 ]эрявикс инвентарь и тягловай вии и животноводческяй постройкат.
Артелень члеттнень йоткова работать макссесы сонць бригадирсь, конац обязан сембода цебярьста использовандамс эсь бригадасонза эрь колхозниктъ, аф нолнемс работань макссемста кодамовок кумовства, семейственность и строгайста лувондомс эрь колхозникть трудовой квалификациянц, опытонц и физическяй виенц, а пеки и идень потяфты аватнень — эрявихть тьождялгафнемс синь работасна, аф кучемс работама шачфтомада инголе ковонь пингс и ковонь пингс шачфтомада меле, нят 2 кофнень йотамс ванфтомс тейст питне пяле размерса синь мархтост средняйста тиф трудшитнень коряс.
15. Артельса вельхозяйственнай работатне тиендевихть сдельщинань основаса.
Артелень правлениясь тиенди и колхозниконь общай собраниясь кемокснесы вельхозяйственнай сембе работатненди выработкань нормать и расценкать эрь работати трудшиса.
[ 30 ] Эрь работати путневихть выработкань нормат, конат доступнайхть добросовестнайста работай колхозникти, рабочай жуватать, машинать и почвать состоянияснон лувозь. Эрь работати например; сокамс гектар, видемс гектар, тиемс окучка гектар хлопкати, тялямс тонна зерна, таргамс центнер якстерьряпс, таргамс гектар илянас, ваяфтомс гектар илянас, потямс литр лофца и лият — путневи питне трудшиса, работникть эрявикс квалификациянц лангс ванозь, работать сложностенц, трудностенц и артельти эрявикс ширенц лувозь.
Аф вестьта кржаксть недяляти бригадирсь лувондсы артелень эрь члентти тиф сембе работанц, и путф расценкатнень коряс тяшнесыне колхозникть трудовой книжказонза трудшитнень лувксснон, конатнень тиезень сон.
Артелень правлениясь эрь ковне сьормачни артелень членонь списка, коса азф мзяра трудши тисть колхозникне йотай ковть.
Эрь колхозникть круглай кизонь работанц и доходонц, счетоводта башка, [ 31 ]обязательна заверяет бригадирсь и артелень председательсь. Артелень эрь членть тиф трудшинзон колга ведомостсь лифневи сембонди содамс аф сяда поздна, кода кафта недяляда инголе общай собраниять самс, конац кемокснесыне артелень дохоттнень явондомаснон.
Кда полеводческяй бригадась цебярь работать вельде эсь мельганза кемокстаф участкатнень лангста сяви урожайда сяда лама средняй колхознайть коряс или животноводческяй бригадась цебярь работать вельде сатни тракснень эзда лама лофца, жуватать цебярь упитанностенц, од жуватать марнек ванфтоманц, то тяфтама бригадань сембе члеттненди артелень правлениясь йотафни доходонь начисления синь мархтост тиф сембе трудшитненди 10 проценттненди молемс размерса, бригадаса сембода цебярь ударникненди — 15 проценттненди молемс размерса, а бригадирти и фермань заведующайти — 20 проценттненди молемс.
Кда полеводческяй бригадась сонь [ 32 ]мельганза кемокстаф участкатнень лангста кальдяв работать сюнеда кочкай урожай средняй колхознайда кржа или животноводческяй бригадась кальдяв работать сюнеда максси сяда кржа лофца средняй удойть коряс, жуватать кальдяв упитанностенц и од жуватать кальдявста ванфтоманц, — то тяфтама бригадань сембе члеттнень доходста артелень правлениясь тиенди убавама 10 проценттненди молемс синь мархтост тиф сембе трудшитнень эзда.
Артельть доходонзон члеттнень йоткова явомасна йотафневи аньцек трудшитнень лувксснон коряс, конатнень тиезень артелень эрь членць.
16. Ярмаконь аванс может улемс максф артелень членти кизоньберьф аф 50 процентта оцю размерса тейнза работанкса сави суммать эзда.
Натуральнай аванснень макссесыне правлениясь артелень члеттненди сьоронь тялямать ушедомстакиге колхозть эсь-видевань нужданзонды явфневи 10—15 процентт тяляф сьороть эзда.
[ 33 ] Артельса, конат занимандайхть техническяй культурань видемаса, артелень члентти ярмаконь доходонь максомась йотафневи государствав хлопкань, иляназонь, мушконь, якстерьряпсонь, чайнь, табаконь и лиянь максомать аделаманц апак учентт, а сдачать шовор и аф вестта кржаксть недяляти 60 процентонь размерса ся ярмакнень эзда, конатнень артельсь получакшнесыне максф продукциянц инкса.
17. Артелень сембе члеттне сявондихть эсь лангозост обязательства строгайста ванфтомс эсь колхознай собственностьснон и государственнай машинатнень, конат работайхть колхознай паксятнень лангса, честнайста работамс, подчиняндамс уставть требованиянзонды, общай собраниять и правлениять постановлениянзонды, ваномс внутренняй распорядкань правилатнень, аккуратнайста пяшкотькшнемс правлениять и бригадирть ширде синь лангозост путневи работатнень и общественнай обязанносттнень, строгайста ваномс трудонь дисциплинать.
[ 34 ] Общественнай имуществать лангс бесхозяйственнайста и кальдявста ваноманкса, уважительнай причинафтома работама аф лисеманкса, кальдяв качествань работанкса и трудовой дисциплинать и уставть лия нарушениянзон инкса правлениясь виноваттнень лангс путни взысканият внутренняй распорядкань правилатнень коряс, например: одукс тиемс афдоброкачественнай работанц трудшинь апак тяштть, тиемс предупреждения, максомс выговор, порицания общай собранияса, сьормадомс равжа доскас, путомс штраф 5 трудшитненди молемс размерса, сяда низшай работас йотафтомс, временна работаста валхтомс.
Ся случайхнень пингста, мзярда артельть ширде примаф воспитаниянь и наказаниянь мератнень мархта мезевок аф тиеви, артелень неисправимай члеттнень колга правлениясь путнесы кизефксть общай собраниять инголи артельста синь исключандамаснон колга.
Исключандамась йотафневи ся порядкать коряс, кона ладяф вельхозяйственнай артелень уставть 8-це пунктонц эса.
[ 35 ] 18. Колхознай и государственнай собственностть всякай лаца салсемац, артелень имуществати и жуватати и МТС-нь машинатненди вредительскяй отношениясь ванондови артельть ширде, кода измена колхозонь обшай тевти и наротть врагонзонды лезксонь максома.
Ломаттнень, конат виноватт колхознай стройть основанзон тяфта преступнайста сяземасост, артельсь макссесыне судс рабоче-крестьянскяй государствать закононзон сембе строгостензон коряс наказаниянь максоманди.