Вельхозяйственнай артельть примернай уставоц/8
VIII.
АРТЕЛЬТЬ ТЕВОНЗОН МАРХТА УПРАВЛЕНИЯСЬ.
19. Артелень тефнень вятьсыне артельть членонзон обшай собраниясна, а собранияста собранияс йоткть — общай собранияса кочкаф правлениясь.
20. Общай собраниясь ащи артелень управлениянь высшай органкс.
Общай собраниясь:
а) кочкси артелень председатель и [ 36 ]артелень правления, а станя жа артельти ревизионнай комиссия, тяконь шовор ревизионнай комиссиять кемокснесы советонь районнай исполнительнай комитетсь;
б) йотафни од членонь примамат и артельть составста исключандамат;
в) кемокснесы годовой производственнай планть, приходно-расходнай сметать, строительствань планть, выработкань норматнень и трудшиса работань расценкатнень;
г) кемокснесы МТС-ть мархта договорть;
д) кемокснесы правлениять марнек годовой отчетонц, обязательна ревизионнай комиссиять заключениянц мархта, а станя жа важнай вельхозяйственнай кампаниянь йотафтомать колга правлениять отчетонзон;
е) кемокснесыне различнай фондонь размерхнень и ярмаконь и продуктань количествать, конат савихть явомс трудшинкса;
ж) кемокснесыне артельтъ внутренняй распорядкань правиланзон.
[ 37 ] Сембе кизефкснень коряс, конат азфт уставть тя пунктсонза, артельть правлениянц решениянза аф действительнайхть, кда общай собраниясь ашезень кемокста.
Общай собраниясь действительнай сембе кизефкснень ванондомаснонды, кда эсонза ули члеттнень аф ½ кржасна, аньцек тяфтама кизефкста башка: артелень правлениять и председательть кочкамста, артельть составста исключандамста и различнай фондонь размеронь колга кизфкста башка, конатнень решандамс эряви собрания, коса улеза артелень сембе члеттнень эзда аф ⅔ талекадост кржась.
Общай собраниять решениянза примсевихть большинство вайгяльса открытайста голосовандазь.
21. Артельть тевонзон мархта заведованиянди артелень члеттнень общай собраниясна кочкси 2 кизонь пингс 5—9 ломанень составса правления, сянь лангс ваномок, конашка артельсь.
Артельть правленияц ащи артельти исполнительнай органкс и отвечай [ 38 ]артелень члеттнень общай собранияснон инголе артельть работанц инкса и сонь ширденза государствать инголе обязательстватнень пяшкодемаснон инкса.
22. Артельть и сонь бригаданзон работаснон лангса эрь шинь руководствань вятемать инкса, а станя жа правлениять решениянзон пяшкодемаснон эрь шиня проверякшнемаснон инкса артельть общай собранияц кочкси артельти председатель, кона сяка пингть жа ащи председателькс и правленияти.
Председательти путневи обязонностекс кочксемс правления текущай тевонь ванондома и эрявикс решениянь примама ковти аф 2-та кржаксть.
Председательти лездыкс правлениясь кочкси председательти заместитель правлениянь члеттнень йоткста, конань рекомендовандасы председательсь.
Председательть заместителец сембе эсь работанц эса подчиняндакшни председательть указаниянзонды.
23. Бригадирхнень и животноводческяй фермань заведующайхнень [ 39 ]назначандакшнесыне артелень правлениясь аф 2 кизонь пингта кржа срокс.
24. Счетоводствань и имуществань учетонь вятемать инкса правлениясь выделяет артелень члеттнень эзда или терни сиводезь, счетовод. Счетоводсь вятьсы счетоводствать и учетть кемокстаф форматнень коряс и марнек подчиняндакшни артельть правлениянцты и председателенцты.
Кодамовок самоличнай распоряжениянь прават артельть средстванзон лангса, авансонь макссемаса, натуральнай фондонь расходовандамаса счетовотти аф макссевихть. Ня праватне макссевихть аньцек артелень правленияти и председательти. Артельть ярмаконь сембе расходнай документонзон лангс путневи подписец, счетовотть башка, артельть председателенц или сонь заместителенц.
25. Ревизионнай комиссиясь проверякшнесы правлениять сембе хозяйственно-финансовай деятельностенц, проверяндакшнесы, сьорматфт ли сембе ярмаконь и натуральнай поступлениятне [ 40 ]артельть приходозонза кемокстаф порядокть коряс, ванфневи ли средствань расходовандамань порядкась, кона азф уставть эса, сатомшка ли цебярьста ванфневи артельть имуществац, аш ли артельть имуществань, ярмаконь средствань салсемат и растрата, кода артельсь тиенди расчет государствать инголе обязательстванзон пяшкодемаснон коряс, кода панды эсь шумонзон эса и кода вешенди эсь шумонзон артельти шумуфнень ширде.
Тяконь мархта ряцок ревизионнай комиссиясь тщательнайста проверяндакшнесыне артельть сембе расчетонзон эсь членонзон мархта, лихнесыне лангу васькафнемань сембе случайхнень, аф правильнайста трудшинь начислениятнень, трудшитнень коряс аф эсь пингстонза тиф расчеттнень и артельть и сонь членонзон интересснон нарушениянь лия случайхнень.
Ревизионнай комиссиясь кизоти тии 4 ревизият. Общай собраниять инголе правлениять годовой отчетонц коряс ревизионнай комиссиясь максси эсь [ 41 ]заключениянц, конань общай собраниясь кулхцондсы непосредственна правлениянь отчетть мельге. Ревизиянь актть кемокснесы общай собраниясь.
Эсь деятельностенц инкса ревизионнай комиссиясь подотчетнай артелень членонь общай собранияти.