Иоанн-вельденьне Шкайстонь Ёнь-куля/ВО/21

[ 71 ]

Комсьфкіеце Пакш.

1. Тяда мелԙ тага нԙфтьсь прԙ Іисузсь Эсь тонафніензънды Тиверіадънь морԙть тървас. Сԙ станель тевьсь.

2. Марсътъльть Симон Петрсь, Фомась, илякс мԙрьгъньдювись Дидим, Галилеянь Канаэрԙй Нафанаилсь, Зеведейть цёранза да тага кафта тонафниденза.

3. Симон Петрсь кортай: молян калс. Нонат пшкԙдьсьть: мартът миньгԙ мольтяма. Тусьть, эзк озасьть венежс, и сԙ веть мезевък исьть кундав.

4. Шобдава ни нԙезь синь морԙть търваста Іисузть; аньцяк тонафнихьнԙ исьть шарькъдьть Сон-ъли сԙ.

5. Іисузсь кортай теест: идьнят! ашъ-ли тинь мезьдԙ ярцамс.

6. Теенза пшкԙдьсьть: аяш. Сон мԙрьгсь теест: каԙеньнтԙ калънь-кундаманьнтень венежть видԙ ширезънза, кундатада. Синь каԙзь, да аф сатнемԙ кармасьть ни війсна калънь кундаматькԙ таргамс лама калтнень марта.

7. Эста сԙ тонафнись, конанц кельгельцԙ Іисузсь, кортай Петрти: тԙ Азърънькԙ. Симон Петрсь тԙ валть марямста каркстазԙ панарънц (сон къртапаль) и ёрдась прԙ морԙти.

8. А илԙ тонафнихьнԙ сасьть венежса (морԙть търваста аф ичкезетельть, кафта сядъшка кенерьдԙ), ускъзь мельгаст кундаф калснън.

9. Морԙть търванц лангс лисемък нԙйсазь палы тол, эсънза ащи кал; (улель) кшивък.

10. Іисузсь кортай: кандыеньнть тԙніень кундаф калтнень.

[ 72 ]11. Симон Петрсь мольсь и таргазԙ морԙть тървас калънь-кундамать пԙшксԙ оцю калда, конада ульсь сяда ведьгемень колмува; и ту сяшкава ламъснънды изь сԙзюфт калънь-кундамась.

12. Іисузсь кортай: сада сей, ярцада. Тонафніензън эзда конацка изь пшкԙдюфт кизефтеманкса: Тон кіят? содалезь, тԙ Соньць Азърсель.

13. Іисузсь нежеди, сԙви кши, и явънды теест, станԙ калтненьгԙ.

14. Тԙ вага колмъцедԙ ни нԙфтьсь прԙ Іисузсь Эсь тонафніензънды кулъста стямдънза мелԙ.

15. Ярцамстъст кортай Іисузсь Симонти Петрти: Іонънь Симонай! кельгсамак ли тон Монь няда пԙкь? Петрсь кортай Теенза: млԙ, Азърай! Тон содсак, мон кельгьтԙ. Іисузсь кортай теенза: ванъндыть Монь веръзкԙнень.

16. Тага объцедԙ кортай теенза: Іонънь Симонай! кельгсамак-ли? Петрсь кортай Теенза: млԙ, Азърай! Тон содсак, мон кельгтԙ. Іисузсь кортай теенза: ванъндыть Монь учанень.

17. Колмъцеденгԙ кортай теенза: Іонънь Симонай! кельгсамак-ли тон Монь? Петрсь каньзедезюсь колмъцедԙ кизефтемати: кельгсамак-ли? и мԙрьгсь Теенза: Азърай! Теть сембԙ содафт; Тон содсак ни, мон кельгтԙ. Іисузсь кортай теенза: ванъндыть Монь учанень.

18. Видеста, видеста кортан теть: од пингстът тон тоньць каркстнълеть и якалеть, козъль мԙльцԙ; а сиредень-пԙльть венептсайть кԙдьтнень, илԙ тонь каркстатанзът, вԙтьтянзътка, коза аф мԙльцԙ.

19. Тԙнь азъзԙ шарькъдьфтеманкса, кодама кулъманц марта Петрсь шнафтсы Шкайть. Станԙ азъмда мелԙ кортай теенза: арԙ мельган.

[ 73 ]20. Петрсь, фталу варьжакстъзь, нԙйсы мельганза молемԙ тонафнить, конанц кельгельцԙ Іисузсь, и конац тага астаткайда ярцамстъст Іисузть мԙштезънза комась кизефтеманкса: Азърай! конац мійтянзът?

21. Сԙнь нԙемста Петрсь кортай Іисузти: Азърай! а тԙ кода?

22. Іисузсь кортай теенза: уленьдԙрԙй мԙлезԙ кадфтъмънза Эсь самъзън, теть эста мезяма? тон арԙ мельган.

23. Сԙнь кувалма тусь ялгатьнень ёткува кортамась стама, пъцԙ аф кулы сԙ тонафнись; а Іисузсь изезԙ азт теенза аф кулъманц, а аньцяк станԙ: уленьдԙрԙй мԙлезԙ кадфтъмънза Эсь самъзън, теть эста мезяма?

24. Сԙ вага тонафнись нԙнь азъндсынԙ сёрмадъзеньгԙ; содасаськькԙ минь: видеста ащи азъндфъц.

25. Лама илядънга тіеньдсь Іисузсь, аньцяк сембԙ педе пес сёрмадъньдԙрямальть, эста мастърть келеска, мԙрьган, афъльть тԙльгԙ сёрмадф книгатьнԙ. Аминь.