Колхозонь эряф/1933/09/С. М. Буденнай ялгась
| С. М. Буденнай ялгась |
 |
Семен Михайлович Буденнай ялгась шачсь 1883 кизоня. Буденнай ялгать лемонц мархта аф сязевиста сотнеф якстерь конницать историяц, сонь организацияц, строительствац, боевой тевонза и победанза.
Сон иногороднайнь сьора видиень цьора, конатьнень пяк эксплоатировандакшнезь Донца козя казакне. Буденнай ялгась вехса кизоса работакшнесь ни кулаконь пяльга батракокс, молотобоецекс и петьнесь велень-хозяйствань машинат.
1903 кизоня сон ульсь сявф оцязоронь армияв, конань эса сон аф оцю пингта башка служась мек Октябрскяй революциять тиемс. Оцязоронь армияса, 1908 кизоня, сон Петербургса шумордазе Наездниконь школать. Сон ульсь русско японскяй и мировой войнатьнень эса, ульсь Западнай и Кавказскяй фронтнень эса и Персияса, васьце рядовойкс, а тоса унтер-офицеркс и меле вахмисторкс.
Революционнай деятельностец С. М. Буденнай ялгать ушоц эста кига кодак йотась февральскяй революциясь, эста сон, кодак ся полксь, коса сон служась мольсь Тифлизу, сон ульсь кочкаф членкс эскадроннай, а тоса полковой комитету.
1917 кизоня, июнь ковста Западнай фронца, Минскяйса ульсь кочкаф дивизионнай комитету.
Август ковста кавбригадать, контрреволюционнай командованиясь кучозе усмиренияс Гомели. Бригадась Буденнай ялгать влияниянц коряс отказась пяшкодемс ся задачать, кона ульсь путф бригадать ланкс, а сямельде, сентябрь ковста срафтозе машина кить тя мархта сон шорясь Корниловскяй эшелотненди молемс Петроградти.
Октябрскяй революцияда меле С. М. Буденнай пяк лама лезць Донца советскяй власть организовандамста. Сальскяй округста сон ульсь кочкаф земельнай отделу заведующайкс.
Гражданскяй войнати сон тусь Донца 1918 кизоня февраль ковста партизанонь кавалериискяй отряца, Август ковста 1918 киз. сон ульсь ни кавалериискяй полкса командир полкакс. Полксонза ульсь 1500 сабля.
Сяда ичкозе апак лотксек бойхнень эса Буденнайнь конницац келемсь бригадас, дивизиякс, корпусс и меколи 17 ноябрста 1919 кизоня, Сталин ялгать инициативанц коряс — васеньце коннай армиякс.
С. М. Буденнайнь конницац 10-це армиять эса мольфтфць героическяй, самоотверженнай и успешнай работа Царыцынтть арелямста 1918 кизоня сентябрь ковста мек март ковс 1919 кизос.
1919 кизонда сьоксенда Буденнайнь коннай корпузоц работась Воронежть направленияса, аф ронай бойса йотазьне Мамонтов и Шкуронь—генералхнень коннай корпуснон и сявозе Воронежть йордась пря Касторнань машина кинь сюлмоть лангс, корпузсь фатязе Касторинскяй противниконь группать, кона мархта тись акша командованият пелькс керемс марнек тылонц, тя мархта сон лоткафтозе акшотьнень наступленияснон Тулать лангс.
Сяс мес коннай корпузсь пяк энергичнайста работась. южнай фронтонь [ 13 ]Якстере Армиясь келепц решительнай наступления.
Якстерь Армиять пролетарскай характероц ВКП(б)-ть организующай и воспитательнай работац, конаньди Буденнай ялгась сувась март ковста 1919 кизоня шиста-шис кемоста фкя мяльса работась Буденнай ялгась инь цебярь Ленинонь учениконц К. Е. Ворошилов ялгать мархта, ня сембе условиятьне и Буденнай ялгать личнай качествац, тя пяк вишкста максь тейнза арамс пролетарскай полководекс.
Деникинонь каршес тюремаса (пяк лац тись операцият южнай фронца Покровскяй, Мамонтовонь, Шкуронь, Павловонь генералхнень каршо, Таганрогть, Ростовть и лиятьнень) Украйнань бойхнень эса, акша Польшать армиянц мархта, кона польскай войскатнень кошярьдезьне потамс Украйнать эзда и М. В. Фрунзень кедь ала машфтозь Врангелень Крымста, ня сембе бойхнень эса С. М. Буденнай няфць пря кода оцю кавалериискай начальник. 1923 кизоня Буденнай ялгась ульсь назначендаф главкомти помощникокс кавалериять колга.
Активнайста тюреманкса вооруженнай контрреволюционерхнень, вихнень мархта С. М. Буденнай награжденнай колма Якстерь Знамянь орденца, кафта орденца оружиянцты (шашкасонза и револьверцонза) нят союзнай значениянь и кафта орденца республиканскай значениянь (Азербайжанскай якстерь знамянь орденца и Узбекскяй Трудовой якстерь знамянь орденца).
Эсь работанц якстерь конницать строительстванцты и усовершенствониянц С М Буденнай иотафнесы, кода СССР нь РВС-нь член и РККА-нь Кавалериянь инспектор. Сондиенза ащи оцю роль техническяйста. оснащандамс якстерь конницать и сон боевой уровенонц кеподемац сянь серь кодамань серь арьсеф кеподемс Якстерь армиять тя пиньгонь строителстваса.
С. М. Буденнай вяти оцю работа армиять йоткса, лац ваномс и сяда иньголи касомс минь конницанеконь.
С. М. Буденнаеньди тяфтажь ащи оцю заслугакс кемокстамс и келептемань тюремась СССР-са алашань водяма тевсь, кона ащи оцю значениякс якстерь конницать боевой работаса, а тя мархта СССР-ть араламань шить кемокстамац.
ВКП (б) нь ЦК ть и СССР нь совнаркомть путфкста меле, СССР-са алашань водямань тевть келептеманц колга (май ковть1932 киз). С. М. Буденнай иотафнеси эряфс тя путфксть сон ащи коллегиянь членкс Р. С. Ф. С. Р. нь и СССР нь наркамземтнень эса, 1932 к. эзда. С. М. Буденнай ащи алашань водямань тевса главнай управленияса началникокс, ащи редокторкс „За коня“ газетать эса, и „якстерь кавалерист“ журналса.
С. М. Буденнай аф полафневи член ВЦИК VIII с‘ездть эзда ушодомс и СССР-нь цикть 1 с‘ездста.
1932 киз С. М. Буденнай шумордазе РККА-нь военнай академииять.