Колхозонь эряф/1936/06/ССРСть Конституцияц/3
| III главась
СОВЕТСКЯЙ СОЦИАЛИСТИЧЕСКЯЙ РЕСПУБЛИКАНЬ СОЮЗТЬ ГОСУДАРСТВЕННАЙ ВЛАСТЕНЬ ВЫСШАЙ ОРГАНОНЗА |
30-це СТАТЬЯСЬ. СССР-са государственнай властень высшай органкс ащи СССР-нь Верховнай Советсь.
31-це СТАТЬЯСЬ. СССР-нь Верховнай Советсь эряфс йотафнесыне сембе праватнень, конат максфт Советскяй Социалистическяй Республикань Союзти Конституциять 14-це статьянц коряс, поскольку синь аф сувсихть, Конституциять коряс, СССР-нь органтнень компетенцияс, конат подотчетнайхть СССР-нь Верховнай Советти: СССР нь Верховнай Советть Презндиумонц, СССР-нь Народнай Комиссаронь Советть и СССР-нь Народнай Комиссариаттнень компетенцияс.
32-це СТАТЬЯСЬ. СССР-нь законодательнай властьть эряфс йотафнесы аньцек СССР-нь Верховнай Советсь.
33-це СТАТЬЯСЬ. СССР-нь Верховнай Советсь ащи кафта палатаста: Союзонь Советть и Национальностень Советть эзда.
34-це СТАТЬЯСЬ. Союзонь Советть кочксесазь СССР-нь граждантне избирательнай округтнень эзга тяфтама нормас коря: 300 тьожяньт ломаньста фкя депутат.
35-це СТАТЬЯСЬ. Национальностень Советть кочксесазь СССР-нь граждантне союзнай и автономнай республикава, автономнай областьтнень и национальнай округтнень эзга тяфтама нормас коря: 25-нь депутат эрь союзнай республикать эзда, 11-нь депутат эрь автономнай республикать эзда, 5-нь депутат эрь автаномнай облцстьть эзда и тифтень депутат эрь национальнай округть эзда.
36-це СТАТЬЯСЬ. СССР-нь Верховнай Советсь кочксеви ниле кизонь пингс.
37-це СТАТЬЯСЬ. СССР-нь Верховнай Советть кафцьке палатанза: Союзонь Советсь и Национальностень Советсь равноправнайхть.
38-це СТАТЬЯСЬ. Союзонь Советть и Национальностень Советть фкат инициативасна закононь нолдама тевса.
39-це СТАТЬЯСЬ. Законсь лувондови кемекстафокс, кда сон примаф СССР-нь Верховнай Советть кафцьке палатасонза кажнайть эса простой большинстваса.
40-це СТАТЬЯСЬ. Законтне, конатнень примсесыне СССР-нь Верховнай Советсь публиковандакшневихть Союзнай республикатнень кяльса СССР-нь Верховнай Советть Президиумонц председателенц и секретаренц подписьснон марта.
41-це СТАТЬЯСЬ. Союзонь Советть и Национальностень Советть сессиясна ушеткшневихть и аделакшневихть фкя пингева.
42-це СТАТЬЯСЬ. Союзонь Советсь кочкси Союзонь Советти председатель и теенза кафта заместительхт.
43-це СТАТЬЯСЬ. Национальностень Советсь кочкси Национальностень Советьти председатель и теенза кафта заместительхт.
44-це СТАТЬЯСЬ. Союзонь Советть и Национальностень Советть председательсна вятихть руконодства эсь палаттань заседаниясост и вятсазь синь внутренняй распорядкаснон.
45-це СТАТЬЯСЬ. СССР-нь Верховнай Советть кафцьке палатанзон [ 29 ]марстонь заседанияснон йотафнесазь Союзонь Советть и Национальностень Советть председательсна мельгянь-мельцек.
46-це СТАТЬЯСЬ. СССР-нь Верховнай Советть сессиянзон терьнесыне СССР-нь Верховнай Советть Президиумоц кизоти кафксть.
Внеочередной сессиятнень терьнесыне СССР-нь Верховнай Советть Президиумоц эсь мяленц коряс или фкя союзнай республикать требованиянц коряс.
47-це СТАТЬЯСЬ. Кда Союзонь Советть и Национальностень Советть йоткса лиси разногласия, кизефкссь макссеви разрешандамс согласительнай комиссияти, кона тиеньдеви паритетнай началас коря. Кда согласительнай комиссияти аф сатови согласнай решения или кда сонь решениянц марта аф согласиндай палататнень эзда фкясь, кизефкссь ванондови палататнень эса омбоцеда. Кда кафцьке палататнень ширьде аф ули согласнай решения, СССР-нь Верховнай Советть Президиумоц новлясы (распускает) СССР-нь Верховнай Советть и путни йотафтомс од выборхт.
48-це СТАТЬЯСЬ. СССР-нь Верховнай Советсь кочкси кафцьке палататнень марстонь заседаниясна СССР-нь Верховнай Советти Президиум тяфтама составса: СССР-нь Верховнай Советть Президиумонцты председатель, теенза 11 заместительхт, Президиумонь секретарь и Президиумонь 24 член.
СССР-нь Верховнай Советть Президиумоц сембе эсь тевсонза подотчетнай СССР-нь Верховнай Советти.
49-це СТАТЬЯСЬ. СССР-нь Верховнай Советть Президиумоц:
а) терьни СССР-нь Верховнай Советонь сессият;
б) максси толкования СССР-нь действующай законтненьди, нолни указт;
в) СССР-нь Конституциять 47 статьянц коряс нолнесы (распускает) СССР-нь Верховнай Советть и путни од выборхт;
г) эсь инициативанц или фкя кона-кона союзнай республикать требованиянц коряс йотафни сембеиароднай опрос (референдум);
д) полафнесыне (отменяет) СССР-нь Народнай Комиссаронь Советть и союзнай республикань Народнай Комиссаронь Советнень постановленияснон и распоряженияснон, кда синь ащихть аф законть коряс;
е) СССР-нь Народнай Комиссаронь Советть председателенц представлениянц коряс СССР-нь Верховнай Советть сессиянзон йоткста периодть валхни и путни должностьс СССР-нь отдельнай Народнай Комиссархнень и сяда меле кемекстаманьди макссесыне СССР-нь Верховнай Советти;
ж) казеньди орденца и максси СССР-нь почетнай эваният;
з) йотафнесыне эряфс помилованиянь праватнень;
и) путнесы и полафнесы СССР-нь вооруженнай виень высшай командованиять;
к) СССР-нь Верховнай Советть сессиянзон йоткста пингть об‘являет военнай состояния, кда СССР-ть лангс тиихть военнай нападеният или кда эрявихть эряфс йотафтомс агрессиять эзда фкя-фкянь арелямаса международнай договорнай обязательстватне;
л) азонды (об’являет) общай и частичнай мобилизация;
м) кемекснесыне (ратифицирует) международнай договорхнень;
н) путнесыне и меки терьнесыне лия государствава СССР-нь полномочнай представительхнень;
о) примсесыне сонь видесонза аккредитованнай иностраннай государствань дипломатическяй представительхнень верительнай и отзывной грамотаснон.
50-це СТАТЬЯСЬ. Союзонь Советсь и Национальностень Советсь кочксихть мандатнай комиссият, конат проверяндакшнесазь эрь палатань депутаттнень полномочияснон.
Мандатнай комиссиять представлениянц коряс палататне решандасазь или полномочиятнень лувомс законнайкс или кой кона депутаттнень кочкамаснон — аф законнайкс.
51-це СТАТЬЯСЬ. СССР-нь Верховнай Советсь путни, мзярда сон лувсы эрявиксоньди, любовай кизефксть колга следственнай и ревизионнай комиссият.
Сембе учреждениятне и должностнай ломаньтне обязатт йотафнемс эряфс ня комиссиятнень требованияснон и [ 30 ]макссемс теест эрявикс материалхт и документт.
52-це СТАТЬЯСЬ. СССР-нь Верховнай Советть депутатоц судебнай ответственностьс таргамс или арестовандамс СССР-нь Верховнай Советть согласияфтома аш кода; а ся пингть, мзярда аш СССР-нь Верховнай Советть сессияц, — СССР-нь Верховнай Советть Президиумонц согласияфтома.
53-це СТАТЬЯСЬ. СССР-нь Верховнай Советть полномочиянзон йотамда меле или срокта ингеле сонь нолдамдонза (роспусктонза) меле СССР-нь Верховнай Советть Президиумоц ванфцыне эсь полномочиянзон мянь сьнярс, мзярс СССР-нь одс кочкаф Верховнай Советсь аф кочкай СССР нь Верховнай Советонь од Президиум.
54-це СТАТЬЯСЬ. СССР-нь Верховнай Советть полномочиянзон йотамда меле или срокта ингеле сонь нолдамдонза меле СССР-нь Верховнай Советть Президиумоц путни йотафнемс од выборхт аф кафта ковда поздна СССР-нь Верховнай Советть полномочиянзон йотамда меле или нолдамдонза меле.
55-це СТАТЬЯСЬ. СССР-нь одукс кочкаф Верховнай Советть терьнесы СССР-нь ингольдень Верховнай Советть Президиумоц аф ковда поздна выборхнень йотамдост меле.
56-це СТАТЬЯСЬ. СССР-нь Верховнай Советсь кафцьке палататнень марстонь заседаниясост тии СССР-нь Правительства — СССР-нь Народнай Комиссаронь Совет.