Колхозонь эряф/1936/06/ССРСть Конституцияц/5

 

V главась

СОВЕТСКЯЙ СОЦИАЛИСТИЧЕСКЯЙ РЕСПУБЛИКАНЬ СОЮЗТЬ ГОСУДАРСТВЕННАЙ УПРАВЛЕНИЯНЬ ОРГАНОНЗА

64-це СТАТЬЯСЬ. Советскяй Социалистическяй Республикань Союзти государственнай властень высшай исполнительнай и распорядительнай органкс ащи СССР-нь Народнай Комиссаронь Советсь

65-це СТАТЬЯСЬ. СССР-нь Народнай Комиссаронь Советсь ответственнай СССР-нь Верховнай Советть ингеле и теенза подотчетнай, а Верховнай Советть сессиянзон йоткста периодть — СССР-нь Верховнай Советть Президиумонц ингеле, конаньди подотчетнай.

66-це СТАТЬЯСЬ. СССР-нь Народнай Комиссаронь Советсь нолни (издает) постановленият и распоряженият действующай законтнень коряс и синь эряфс йотафнемаснон инкса и тиеньди проверка синь эряфс йотафнемаснонды.

67-це СТАТЬЯСЬ. СССР-нь Народнай Комиссаронь Советть постановлениянза и распоряжениянза обязательнайхть эряфс йотафтоманьди СССР-ть сембе территориянц лангса.

68-це СТАТЬЯСЬ. СССР-нь Народнай Комиссаронь Советсь:

а) об’единяет и максси направления СССР-нь общесоюзнай и союзно-республиканскяй Народнай Комиссариаттнень и теенза лия подведомственнай хозяйственнай и культурнай учреждениятнень рабатаснонды;

б) примси мерат народно-хозяйственнай планть, государственнай бюджетть эряфс йотафтоманц колга и кредитно-денежнай системать кемексгаманц колга;

в) примси мерат общественнай порядкать ванфтоманц (обеспечениянц), государствать интересонзон арелямаснон и граждантнень праваснон ванфтомаснон инкса;

г) мольфти общай руководства лия масторонь государстватнень марта сотксонь кирьдемань (сношениянь) тевса;

д) арьсекшнесыне (определяет) действительнай военнай службас терьневи граждантнень эрь кизонь контигентснон, вяти руководства странать вооружоннай виензон общай строительстваснон лангса;

е) тии, кда эрявксты, СССР-нь Народнай Комиссаронь Советть видеса хозяйственнай, культурнай и обороннай строительствань тефнень колга специальнай комитетт и Главнай Управленият,

69-це СТАТЬЯСЬ. СССР-нь Народнай Комиссаронь Советть улихть праванза лоткафнемс союзнай республикатнень Народнай Комиссаронь Советснон постановленияснон и распоряженияснон и полафнемс (отменять) СССР-нь Народнай Комиссархнень приказснон и инструкцияснон управлениянь и хозяйствань ся отраслятнень эзга, конат путфт СССР-ть компетенцияс.

70-це СТАТЬЯСЬ. СССР-нь Народнай Комиссаронь Советть тиендьсы (образует) СССР-нь Верховнай Советсь тяфтама составса:

СССР-нь Народнай комиссаронь Советонь председательсь;

СССР-нь Народнай Комиссаронь Советть председателенц заместителенза;

СССР-нь Государственнай плановай комиссиянь председательсь;

Советскяй контролень Комиссиянь председательсь;

СССР-нь Народнай Комиссархне;

Заготовкань Комитетонь председательсь;

Искусствань тевть колга Комитетонь председательсь;

Высшай школань тевть колга Комитетонь председательсь.

71-це СТАТЬЯСЬ. СССР-нь Правительствась или СССР-нь Народнай Комиссарсь, конатненьди максф СССР-нь Верховнай Советть депутатонц эзда кизефкс (запрос) обязант аф колма шида поздна максомс соответствующай палатаса устнай или письменнай ответ.

72-це СТАТЬЯСЬ. СССР-нь Народнай Комиссархне вятихть руководства государственнай управлениянь отраслятнень лангса, конат сувсихть СССР-ть компетенцияс.

73-це СТАТЬЯСЬ. СССР-нь Народнай Комиссархне соответствующай народнай комиссариатонь компетенцияса (тевса) новляйхть приказт и инструкцият действующай законтнень коряс, а станяжа СССР-нь Народнай Комиссаронь Советть постановлениянзон и распоряжениянзон коряс и синь эряфс йотафтомаснон инкса и тиеньдихть проверка синь эряфс йотафтомаснонды.

74-це СТАТЬЯСЬ. СССР-нь Народнай Комиссариаттне ащихть или общесоюзнайкс или союзно-республиканскяйкс.

75-це СТАТЬЯСЬ. Общесоюзнай Народнай Комиссариаттне видеста синць или синь ширьдест путф органтнень вельде вятихть руководства СССР нь марнек территорияса теест максф государственнай управлениянь отраслять лангса.

76-це СТАТЬЯСЬ. Союзно-республиканскяй Народнай Комиссариаттне, кода правила, вятихть руководства теест максф государственнай управлениянь отраслять лангса союзнай республикань одноименнай Народнай Комиссариаттнень вельде и видеста синць вятихть аньцек аф лама предприятият, конатнень спискасна кемекстаф СССР-нь Верховнай Советонь Президиумса.

77-це СТАТЬЯСЬ. Общесоюзнай Народнай Комиссариатокс лувондовихть тяфтама Народнай Комиссариатт:

Оборонань;
Иностраннай тевень;
Внешняй торговлянь;
Путей сообщениянь;
Связень;
Ведень транспортонь;
Стака промышленностень;
Оборонань промышленностень.

78-це СТАТЬЯСЬ. Союзно-республиканскяй Народнай Комиссариатокс лувондовихть тяфтама Народнай Комиссариатт:

Пищевой промышленностень;
Тьождя промышленностень;
Вирень промышленостень;
Земледелиянь;
Сьоронь и жуватань водяй совхозонь;
Финансонь;
Внутренняй торговлянь;
Внутренняй тевень;
Юстициянь;
Шумбраши ванфтомань.