Колхозонь эряф/1939/11-12/Кельгома Сталин ялгась
| Кельгома Сталин ялгась |
Тонь кодгемонь кизоцень топодема шистонза ССР-нь Союзонь Народнай Комиссаронь Советсь кучси Тейть эсь большевистскяй приветонц и арьси цебярь шумбраши лама и лама кизос
ССР-нь Союзонь Народнай Комиссаронь Советсь Тонь эсот приветствондай кода коммунистическяй партиять и Советскяй Союзонь нароттнень вождьснон, конац, марса Великай Ленинть мархта и кода сонь главнай соратникоц, тиезе мирса рабочайнь и крестьянонь социалистическяй васенце государствать — Советскяй Социалистическяй Республикань Союзть и аралазе Советскяй государствать социализмать сембе врагонзон эзда. Советскяй властть васенце шинзон эзда ушедомок Тон улеть инь маластонь помощникокс Ленинти васенце Рабоче-Крестьянскяй Правительствать — Советскяй Социалистическяй Республикань Народнай Комиссаронь Советть организовандамаса и эсонза руководстваса.
Ленинонь куломдонза меле Тонь, кода великай ленинецть, перьфкат пуромсть большевиконь партиясь и Советскяй Союзонь сембе трудящайхне. Тонь руководствацень ала кеподсь небывалай серес советскяй государствать значенияц и СССР-ть международнай авторитетоц.
Странать социалистическяй индустриализациянц инкса, велень хозяйствать коллективизациянц инкса тюремаса, социалистическяй обществать строительстванц завершениянц инкса тюремаса, ССР-нь Союзть народонза и Советскяй правительствась фалу получакшни большевиконь коммунистическяй партиять эзда, Тонь — сонь вожденц — эзда ленинскяй руководства, кона обеспечандазе минь странасонк социализмать победанц.
Оцюса и йомласа, социалистическяй строительствань героическяй тефнень и буднятнень эса Тонь эрь шинь участияце вишкопнесы советскяй ломаттнень творческяй инициативаснон, кепси од производительнай вийхть минь родинаньконь крайстонза сявомок омбоце крайнцты молемс, касфнесы странать козяшинц и путнесы сонь народти службас.
Минь партияньконь руководстванц ала панчфокс панжи Советскяй Союзонь нароттнень культурасна, кассть и вишкста [ 10 ]касыхть од, советскяй интеллигенциянь кадрат, конат преданнайхть родинати и социализмати, апак лотксек касы народнай массатнень кода материальнай, стане и культурнай уровеньцна.
СССР-са пролетариатть диктатурац тиф и кемокстаф рабочайнь и крестьянонь нерушимай союзть основаса, рабочай классть руководящай роленц эряфс йотафтоманц пингста. Тонь руководствацень ала партиясь аралазе ленинизмать врагонзон каршес тюремаса Ленинть тя заветонц и кемокстазе советскяй государствать, арафтомок сонь социализмань неприступнай крепостекс.
Минь рабочайнь и крестьянонь социалистическяй государстваньконди основакс ащи советскяй странаса сембе национальностень трудящайхнень союзсна. Тонь сембе ширдень и инь маластонь руководствацень ала ульсь обеспечендаф Ленинть тя заветонц пяшкодемац. Нароттнень дружбасна прочнайста сувась минь Великай Родинаньконь трудящайнзон эряфс и бытс и Советскяй социалистическяй республикань Союзсь арась аф сяськови вийкс.
Советскяй государствать прочностец аралакшневи освобожденнай ломаттнень вооруженнай армияснон, могучай Якстерь Армиять и Якстерь Флотть мархта. Странать оборонанц кемокстаманц колга Тонь заботаце содаф сембе народти, эрь боецти, командирти и комиссарти. Тонь водительствацень ала советскяй армиясь кармай и сяда тов сатнема славнай победат военнай фронттнень эса, кода тя ульсь гражданскяй войнань кизотнень пингста.
Минь советскяй родинаньконь — кельгсазь, инксонза ащихть сембе миронь трудящайхне и угнетеннайхне. Ленинть заветонзон коряс, Тонь руководствацень ала социалистическяй государствась, кона машфтозе ломаньца ломанень эксплоатациять, ульсь, ули и кармай улема другокс сембе миронь угнетеннай нароттненди, синь освободительнай тюремасост знамякс, тейст надеждакс и гордостекс.
ССР-нь Союзонь Народнай Комиссаронь Советсь приветствондатанза Тонь, Сталин ялгась, кода мирса СССР-ть сембода демократическяй Конституциянц творецонц. Советскяй Конституциять шивалдонц ала, конанди минь народоньке удовлетворениянь чувстваса мярьги „Сталинскяй Конституция“, развивандай од социалистическяй демократия, панчфокс панжи народнай творчествась и эряфс йотафневи коммунизмать строямац. Тонь ширдет, Сталин ялгась, развернутай учениясь советскяй государствать од форманзон колга, государствать ванфтоманц и кемокстаманц колга, мзярс апак машфтт капиталистическяй окружениясь и апак машфтт ширде военнай нападениянь опасностсь, — ащи марксизмань-ленинизмань гениальнай развитиякс и вернай оружиякс нароттненди коммунизмать инкса синь тюремасост.
Советскяй государствась монолитна сплоченай Ленинонь — [ 11 ]Сталинонь партияснон руководстванц ала. СССР-нь Народнай Комиссаронь Советсь приветствондатанза тонь кода Ленинонь тевонц сяда тов великай вятиенц, Всесоюзнай Коммунистическяй большевиконь Партиять вожденц. Советскяй Правительствась сембе пингонди ляды вернайкс Ленинонь—Сталинонь партияснонды, конац ащи тейнза роднойкс.
Шумбра улеза Ленинонь—Сталинонь партиясна!
Шумбра улеза Социалистическяй Государствать вождец — Великай Сталинць!
Катк лама киза эряй сембе миронь нароттнень надеждасна и гордостьсна — Сталин ялгась!
| ССР-нь Союзонь Народнай Комиссаронь Советсь. |