Губорть ширеса
Мокша веленясь,
Коза шачсь и кассь
Полю од стирнясь.
Народсь пуромксу
Мес эряскоды?
Мезень од эряф
Полюсь азонды?
— Велень атянят,
Родной алянят,
Стирнят, цёранят,
Кельгом ялганят!
Тейнек Сталин мярьгсь:
Колхост эрявихть,
Башка эрязь тинь
Кинте перяви.
Паксять соксетяд
Шуфтонь сокаса,
[ 79 ]
Видьсасть—почедсасть
Сору видьмоса.
Сяс вдь кальдявста
Шачи сёронте,
Йордамс эрявихть
Шуфтонь соканте.
Ошста тейнек сайхть
Кшнинь машинатне,
Паксяста юмайхть
Сору межатне,
Карматада тинь
Марса покама,
Кшнинь машинаса
Модать сокама.
Видьсасть сёронтень
Ару видьмоса,
Нусасть, тялясасть
Курок марняса.
Шачи сёронте —
Лама ули кшись,
Трудяй ломанти
Питни трудошись.
Лоткась корхтамда
Вельсоветонь прясь,
Егор кяждонза
Эста киге стясь:
— Велень атянят, —
Ушедсь корхтама, —
Марса эряма
Минь аф мольхтяма!
Колхозсь сявсыне
Алашанеконь,
И учаняньконь,
Ляды тракскяньконь.
Лядыхть вачеда
Йомла иденьке,
Инксост пичедихть
Сюдоф сединьке. —
Агу стирсь ювадсь:
— Нят кулаконь валхт!
Кие тя Егорсь —
Сембе содасасть,
Кода муцседязь —
Сембе лятфтасасть,
Тевонь сталмонзон
Тячемс марясасть.
Валхцаськ вайгяльста
Киснон перясаськ!
[ 80 ]
Ся кржа ули —
Паньцаськ велеста! —
Захар атязе
Мольсь мянь малати:
— Пине козятне
Моньге васькафнесть,
Мярьгсть: „Колхозникнень
Кудснон калафнихть“.
Айда мольхтяма,
Ялгат, колхозти,
Пе путтама минь
Шуфтонь сокати.
Ашусь и средняксь
Цяпазь кядьняснон,
Захар атязе
Касфнесь мяльняснон.
Колмогемонь куд
Колхозти сувасть,
А Егорхненди
Велень прясь ювадсь:
— Тяста лиседа!
Кинеконь лангста
Шири арада.
Козя паксяти
Шачи минне розсь,
Шумбра улеза
Сталинскяй колхозсь!
|
