Колхозонь эряф/1940/01-2/Полю/11

←

Колхозонь эряф (1940), № 1—2 Январь—Февраль
edited by Чумаков И. Ф.

Полю, XI-це главась by Ельмеев, Григорий Ильич

→

Колхозонь эряф. Эрь ковонь литературно-художественнай и общественно-политическяй журнал. Мордовскяй писателень союзть органоц. — № 1—2 Январь—Февраль 1940. — с. 80—81

265674Колхозонь эряф (1940), № 1—2 Январь—Февраль — Полю, XI-це главасьЕльмеев, Григорий Ильич

[ 80 ]

XI

Кизонь кожфкяти
Кенерьф розсь нюряй,
Пяшксе розень прясь
Модати утяй.
Колхозсь радовай,
Нума аноклай,
Шачсь синь паксязост
Оцю урожай!
Анокт тракторхне,
Оржат жнейкатне,
Учихть тялямать
Молотилкатне.
Ушедсть жнейкаса
Роснень нарама,
Стака пря пулфнень
Капас марама.
Кармась тяляма
Фкя бригадасна,

[ 81 ]

Тиньге ванысна
Захар атясна.
Рахсихть мархтонза
Стирьхне, цёратне,
Тёждя эряфти
Гайняйхть моротне.
Тракторть руленц кирьдсь
Мишань Агунясь,
Корхтась Агути
Захар атянясь:
— Няйса, тон стирняй,
Вийцень марясак,
Сёксень праздникста
Казнеть фатясак! —