Колхозонь эряф/1941/03/Промышленностень и транспортонь областьса партийнай организациятнень задачаснон колга резолюциясь/1
| Колхозонь эряф. Эрь ковонь литературно-художественнай и общественно-политическяй журнал. Мордовскяй Советскяй писателень союзть органоц. — № 3 Март 1941. — с. 39—41 |
| Промышленностень и транспортонь областьса партийнай организациятнень задачаснон колга |
| Маленков ялгать докладонц коряс резолюциясь, конань примазе ВКП(б)-ть XVIII Всесоюзнай конференцияц |
| I
Промышленностть и транспортть работаса |
ВКП(б)-ть XVIII Всесоюзнай конференцияц отмечает, што Советскяй Союзонь промышленностсь и транспортсь 1940 кизоня ламода шаштсть инголи колмоце пятилетняй планть пяшкодема тевса, касфтозь производствать объемонц, ламода обеспечендазь народнай хозяйствать сяда тов касоманц и СССР-ть обороннай мощенц кемокстаманц.
Социалистическяй промышленностть продукцияц 1940 кизоня кассь 1939 кизоть коряс 11 процентта; причем промышленнай производствать касомань темпонза 1940 кизоня систематически касондсть.
Цебярьгодсь, сембода пяк 1940 кизоть омбоце пялестонза, промышленностень лама важнейшай отраслятнень работасна. Ламода кассь уголень таргамась. Кассть чугононь, сталень выплавкась и прокатонь производствась, причем сембода пяк кассь специальнай маркаса сталень и качественнай прокатонь нолдамась, конат молихть квалифицированнай машиностроениянь и обороннай промышленностень нужданди. Сяда цебярьгофтозе эсь работанц тяфта жа цветной металлургиясь, сембода пяк медень и алюминийнь нолдамаса. Машиностроительнай промышленностсь 1940 кизоня сатсь дальнейшай успехт од видса сложнай машинань и новейшай конструкцияса станоконь освоениянь тевса.
Обороннай промышленнай наркоматтнень продукцияснон касомаса темпне 1940 кизоня ульсть ламода сяда оцюфт марнек промышленностть продукциянц касомаса темпнень коряс.
Од техникать освоенияса успехнень и обороннай промышленностть касоманц вельде ламода кассь Краснай Армиять и Военно-Морской Флотть современнай вооружениянь од видса и типса техническяй оснащенностьсна.
[ 40 ]Ламода цебярьгофтозь эсь работаснон тяфта жа текстильнай, легкай и пищевой промышленностсь.
Железнодорожнай и воднай перевозкатнень касомасна обеспечендазь народнай хозяйствать важнейшай отраслянзон топливаса, рудаса, металлса, вирьса и лия сырьяса и материалса снабженияснон цебярьгофтоманц.
1940 кизоть омбоце пялеста промышленностть и транспортть работаснон цебярьгофтомаснон тевса оцю роль кирдсть партиять и правительствать мероприятиясна трудовой дисциплинать кемокстаманц колга и 8 частонь рабочай шис и сисем шинь рабочай недяляс ётамась.
Ня мероприятиятнень вельде кассь трудть производительностец, кемокстась трудовой дисциплинась предприятиятнень эса.
ВКП(б)-ть XVIII Всесоюзнай конференцияц лувондсы, однака, што успехнень мархта ряцок улихть тяфта жа серьёзнай аф сатыкст промышленностть и транспортть работаса.
Промышленностень лама отрасля, сембода пяк паровозо- и вагоностроениясь, электропромышленностсь, лесной, бумажнай, рыбнай и стройматериалонь промышленностсь ляткшнихть фталу и аф пяшкотькшнесазь производственнай планцнон. Нефтяной промышленностсь, хотя и заметна цебярьгофтозе эсь работанц 1940 кизонь 4-це кварталста, однака, сякокс ашезе пяшкоде 1940 кизонь планонц. Нльне промышленностень ся отраслятнень эса, конат, марса сявозь, цебярьгофтозь эсь работаснон, ули лама предприятия, тяка лувксса и крупнайхть, конат ащихть лама пингонь ётамс фталу лядомань состоянияса.
Промышленностень лама отраслят аф эсь пингстост сувафнесазь действияс од производственнай мощносттнень.
Промышленностень лама отраслява, сырьянь, материалонь, топливань, электроэнергиянь вельф карьхцямать нолдаманц сюнеда, бракть эзда оцю потерятнень и бесхозяйственнай лия расхоттнень сюнеда, апак пяшкотть планць промышленнай продукциять себестоимостенц кирьфтамаса. Сембода пяк тя относится промышленностень тяфтама отраслятненди, кода нефтянойсь, леснойсь, бумажнайсь и стройматериалоннесь.
Аф ваномок сянь лангс, што электростанциятнень работаса 1940 кизоня ули улучшения, сембе сяка техническяй персоналть расхлябанностенц и техническяй эксплоатациянь правилатнень аф пяшкотькшнемаснон сюнеда электростанциятнень и сембода пяк электросеттнень эса эряй нинге лама авария. Од техникань сувафтомась: высокай давленияти и паронь высокай температурати ётамась, агрегаттнень управленияснон автоматизацияц, современнай быстродействующай электрозащитать применяндамац — ётни савор и аф сатомшка размерса.
Транспортть работаса тяфта жа улихть серьёзнай аф сатыкст. Машина кинь транспортса аф пяшкотькшневихть вагононь оборотонь ладяф норматне и сембе нинге пяк лама аварияда. Лама машина ки кальдявста справляются важнейшай грузонь усксемать мархта, кода [ 41 ]эряви ашезь организованда пассажирскяй движениять и ашезь машфта поезттнень опозданияснон.
Морской и речной транспортса кальдявста организовандаф порттнень и пристаттнень эса погрузочно-разгрузочнай работась, улихть аф сатыкст суднатнень движенияснон организовандамаса и сембе нинге лама нарушенияда флотть техническяй эксплоатациянь правиланзон эса, конань сюнеда суднатне сидеста лисендихть стройста и арсихть ремонтс навигациять пингста.
Машина кинь станциятнень, порттнень и пристаттнень работаса аш эрявикс увязка, мезсь вятни тоннажть и подвижной составть оцю простойснонды, перевалочнай пункттнень эса груснень куватьс кирнемаснонды.