Колхозонь эряф/1933/23-24/Литературнай критикать колга
| Сембе масторонь пролетариятне, пуромода марс!
|
| „Колхозонь Эряф“ | |
| 23—24 № | Декабрь ков 1933 киза |
|
МОКШЕНЬ Литературно-художественнай и общественно-политическай ЖУРНАЛ |
| НОЛДАЕЦ: Сембе союзонь писателень Мокшэрзянь областень ОРГКОМИТЕТСЬ. |
| Литературнай критикать колга |
Видекс корхтайхть, што минь художественнай литературанеке меколи ляды социалистическяй строительствать оцю процессонзон эзда. Станя жа видет корхтаматьне, што литературнай критикась ляды сяда ичкизи художественнай литературать коряс. Но сяка-же лисеньди сембе мархта признаннай фактокс ся, што Советскяй союзонь художественнай литературась — сембода инголи моли сем вию сембода козя великай идеяса литературась масторть лангса, што минь литературнай критиканеконь кона моли марксизмать—Лененизмоть вельде, улийхть сембе возможностенза основаниянза максомс аф йотавийхть вийснон коряс научнай вывотт и историческяй марс пуроптф литературна-критическяй и литературно-историческяй исследовниянь образецт.
Тя Фактти вряд-ли эрявийхть кодамовок азондомат. Литературац странать, коса пролетариатть победаноснай диктатурац, кона няфцине пяк оцю, седива фатяй тюремань и строямань процессенень, хозяйственнай и культурнай кеподемать, лама миллион ломанень мяльснон одц тиемаснон, классфтома обществань строямать, тяфтама литературась, видекс, лиссь ингольдень позициятьненьди марнек сембе масторонь литературать йоткста. Дряй аф тяконь же няйхтяма наукать и техникать ширеста? Советскяй ученайхне сяда пяк лисийхть ингольде рятти сембе месторонь наукать эса.
Срады, наксады капиталистическяй обществась, коса эряфне и мяльхне дикайкстомийхть, видекс срадыйхть производительнай вийхне нинге изь уленьде капитализмать тяфтама кризисонц пингста. Тя пиньгонь буржуазияти аф йотка арсекшнемс оцю идеятьнень колга — теенза аш мезьса сркафтомс, кепедемс мяльсна эсь писателензон и художниконзон, эсь ученаензон и философонзон. Кризисть пиньгста сон кацыне работафтома и вачоде, валом кулома аф аньцек ламо кемотть миллионт рабочай и велеэряйхть, сон аф машты максомс работа и кода эряви эрям ши гемонь и сяда тьожань буржуазнай культурань работникненьди: инженерхненьди, ученайхненьди писательхненьди артисттненьди и ст. т.
Сяда цебярь буржуазнай литературать представителенза, конат арсесазь мезенкса кризисне капиталистическяй обществать эса и аф надияйхть буржуазиять лангс; сязенцазь общественно-политическяй связьснон и кадонцазь культурно-бытовой обуцяснон, конат кочксевсть сядонь киза, — нежедийхть или марнек йотайхть тюри пролетариатть шири. [ 4 ]Буржуазнай „порядокть“ атказамать аф ужальжезь капиталистическяй обществать шаманц штафтоманц советскай союзть ареляманц пролетариатть героическяй революционнай тюреманц эзда, — синь „культурать мастяронза“ буржуазиять эзда шири тумостост мушендыйхть афкукс темат эсь творчестваснонды. Тянь мархта синь лездыхть лама миллион трудящаеньди капиталистическяй странатнень эса.
Советскяй Художественнай литературась аф пассивнайста няфцыне вишке процесснень, конат тиеньдевихть минь странасонок. Мес сон сяда марстопцыне валда и вию художественнай образса тя процесснень, — тов сяда активнайста сон шарфты миллиотнень мяльснон, соньць арай пяк вию орудиякс синь культурнай кеподемаснон и оду тонафтомаснон синь мяльснон оду тиеманц.
Миллиотт рабочайт и колхозникт эсь культурнополитическяй касомасост нежедихть сембода цебярь произведениятьнень лангс минь художственнай литературанеконь. Тяфтама произведениятне, кода „Бруски“ Понферовонь, „Поднятая целина“ Шолоховонь, „Разгром“ Фадеевонь и кемотть лия талантливай произведеният, лездыхть рабочай и колхзнай читательти марстоптомс соньцень опытоц классовай тюремать эса, арайхть оцю факторкс, конзт максыхть форма обществено политическяй мяльти.
Но советскяй литературась аф арай мезньди бди фкаксоньди, шамафтома „кучканьди.“ Няфтезь постройкань оцю процесснень, классовой тюремать странать эса, соньтеенза аш кода аф варжамс ся пиньгть эзда сонь лангозонза люпштамать и влиянияснонь различнай киснень, группатьнень и прослойкатьнень. Художественнай литературась аф ащи класста башка и класснень вельхкса. Сонь спецификанц коряс лиянь классовай влияниясь, враждебнай пролетариатти идеологиясь тяса йотайхть салава, аф няезь,
Аф йомла роль налхки сире кльтурась, культурнай „наследствась“ Мзярданга аф эряви юкснемс сонь влиянияц минь советскяй литературанеконь лангс и сядонга пяк башка писательхнень. Марса тя мархта сотф кизефксь буржуазнай культурать критическяйста оду тиемац.
Нинге васеньцеда историять эса русскяй и мировой литературань классикне получандасть од миллионнай читатель — рабочайть, колхозникть. Жаднай интерес мархта миньсонок лувонцазь аф аньцек тяниень писательхнень произведенияснон, но и Толстоень, Тургеневонь, Гончаровонь, Пушкинонь, Гоголень и йотафтф произведенияснон ши мадом пяльде писательхнень.
Художественнай обрасне, конатнень няфтезь йотай эпохань литературать инь-оцю представителенза, одкс сувайхть культурно-бытовой и производственнай эрьшинь эрьфснонды тя пиньгонь рабочайть и колхознай читательть, эреклайхть од содержанияса. Дряй аф цебярь, што Средняй Волгать кержи беряксонза фкя колхозса, коса ульсь „Правдать“ бригадац, пяк оцю популярностьса пользовался фкя литературнай тип, кона няфтьфоль рузонь дворянско-помещичьяй литературать эса — Илья Ильич Обломов. Ушедовсь тя тоста што обед йоткста газетань лувомста передовой статьянц эзда колхозникне кульсть аф содаф вал „Обломовщина“. Полит отделонь начальникть азондомдонза меля Гончаровть произведениянц колга, сонь героенц — помещикть Илья Ильичень Обломовть, кода Ленин сялдць „обломовщинать“ лядыксонзон, колхознай од ломатьне лувозь Гончаровонь романонц и ювачьнематне (кличкатьне) „Илья Ильич“, „Обломов“ кемоста педьсть нола латненьди.
Азондомс рабочай и колхознай читательти йотай эпохань писательхнень колга, штафтомс классовай правдаснон сембода цебярь художественной обраснень ломань крдаса, популярнай шарьхкодеви од читательти критическчй статьяса и брошюраса, — инь оцю обязанностец минь марксистскяй литературнай критиканеконь.
Тя сембе пяк цебярьста азонцы ся исключитлнай ответственностть, кона арай минь пролетарскай литратурнай критиканеконь инголи — теенза эряви лездомс тя пиньгонь писательти и читательти кочкамта сложнай и фкя-фкянь карше корхтай явлениятнень эса минь действительностьсонок. Марксистскяй-Ленинскяй теориять оружиянц мархта соньтеенза эряви лездомс писательти сяскомс лия классонь влияниять, лездомс культурнай наследствать критическайста одукс [ 5 ]тиеманц эзда. Сонь ролец писательть воспитаниясонза видекс улема пяк оцю. Марксистткяй-Ленинскай критикати, омба пяльде, аф эряви юкстамс лама миллионнай читательть. Соньтеенза эряви штафтомс сонь инголенза художественнай литературась афкукс произведениянзон, няфтемс творческай кинц и классовай содержанияса писательть и сонь происведениянзон.
Тяса няеви кодама оцю требованиять пуцы пролетарскай литературнай критикать инголи партиясь. Минь критиканеке, конаньди эряви ащемс вярьдень вастсост задачатьнень рабочай классь йотафцыне партиять руковостванц вельде. Сон соньць няфцы што тя критикати эряви ульемс пяк партийнаеньди и принципиальнаеньди.
Литературнай критикать ламос сялдазь. Саты ваномс литираторхнень корхнемасно и нльня синьцен литературнай критикнень штоба верендамс што аф пара отзывне литературнай критикать колга арасть чуть ли аф „цебярь“ тононь признакокс.
Вов кода „мазыста сьорматфсь“ путы питьне литературнай критикати и критикненьди писатель Л. Славин.
Сокор шисна реценезнтнень эряй пиньгонь стама оцю што кармать аф верендама кяльть вийсь и сонь маштоманцты азомс аф кафтова шарьхкодевиста арьсематьнень Кармать ужальдема што аш кода сьормадомс романть кядень яфнема мархта а вайгальть тонцонза няфтемс.
Ламоц писательхнень эзда лиедихть и аф муйхть эсь коряваст критик...
„Сон саць эсь критикасонза стама сатфкс сьормадомать эса што коданга аф шарьхоцак, шнатанза али сялдтанза сонь пяк вию дарац тусфта мазиста корхтамать эса.
Тяфтама оценкац тя пиньгонь литературнай критикать состояниянц.
Критика нинге тевть коряс аш, сон мезьска писательть аф тонафцы тяфтама арьсемасна аф фкя кемонень советскяй союзса оцю писательхнень
Аф сяда пара отзывсна литературнай критикать колга синьцень критикнень. Вов профессионал критиксь Корнелий Зелинскяй сьормады сянь колга, што минь критиканеконь эзда яфоди литературщикаса, книжностьса. Минь корхтатама литературась ляды эрявфть ээда. Но минь критикне, лядтама и литературать эздонга. Минь аф макстама мезе эряви писательти. Но минь аш и читательнековок. Кода мярьгомс читателенк крдась аф содасыне минь произведениянеконь и аф лувонды критическяй книгат. Кда художественнай литературать лувмац минь аф няи эсьтеенза руководитель (вяти) и лезды то кинь лангс минь работатама? узко-литературнай средати, што-ли?
Катк тя оржа оценкась (питьнень путомась) сяряди профессиональнай ламоксть оцюлгафтф эсь прянь критикаса но основноец тяса фатяф видеста. Литературнай критикась нинге ашезь тарга ширезонза лувиень крдат, сон нинге ашезь лись шире (ушу) литературна критическяй кружокнень эзда тяйня литературно-критическай цехсонза.
Цеховщинать колга аф кржа корхтай ся кодама кяльса сьормадыхть ламоц литературно-критичесскяй писательхне. Кда ваномс минь Мокшень художественно литературнай критическяй произведениятьнень, то няйсак што эрь писательсь эрь критикс анок иотофтомс эсь райононц или веленц корхтамац. Минь мокшень литературанеконьди сембода пяк эряви вешемс фкя кяль, и ворьгочнемс ся валхнень эзда, конат аф шарьхкодевихть и кирьдемс законкс языковай конференциять путфксонзон.
Дряй аф няевикс, што читательскай конфиренциятненьди, конатьнень пуропнесыни Советскяй писателень союзть оргкомететоц, пуромкшнийхть писаательхне, но шуроста якай иньжикс лисеньди критиксь, што тя читателень конференциятьнень эса эрекста арьсекшнесазь художественной произведениятьнень, но вестьенге ашесть арьсекшне творчестванц хоть ба фкя литературнай критикань. Тяфтама отношениясь писательть литературнай критикати няфти, што писательхне аф кельксазь критикнень критикаснон. Вдь корхнемась и критикась и колхознай читателхнень писательхнень работаснок колга, синь произведенияснон кой-коста эряй сяда кеме и кяжи, профессиональнай критикнень отзывснон коряс. Но вяйгялец од совецкай читательть — тя вайгялец сонцень эряфть минь оцю действительностенеконь и сонь эздонза ламоц инголи моли писательхнень эзда мушендыхть оцю лездома эсь работасост.
[ 6 ]Штоба критикати арамс вятиеньди и пяк авторитетнаенди минь критиконеконьди эряви лама и лама работамс. Тя виде. Но пяк аф цебярь сембонь марса сялдомс пролетарскай литературнай критиканеконь. Литературнай критикать кяцта аш кода кельгомс сатфксонзон классовай тюремать эсь цебярь качествань пролатарскяй литературать ингса, кона азови тяфтама валса:
„Критикась, йомла исключения мархта пяк цебярьста тонац содама „миньцень аф миньценетнень эзда,“ а тонаць лездома эсенеконьди и решительнайста, маштомозост шовама сембе лисеньди враждебнай мяльхнень (идеологиятнень) художественнай произведениятьнень эса.“
Тя пяк цебярь качествать эряви кода машттама ванфтомс и касфтамс. Классовай тюремась ненге аф Мадонды. И тяниньге улихть вастт, коса аф аньцек аф сознательнай, но и башка сознательнай тяряфнемат пролетариатти классово—враждебнай выступленият, конатьнень пяк маштозь кяшсине классвай врагсь литературать эса. „Однако фкя маштамать мархта содамс „миньцень“„ аф миньценеконь эзда тя пиньгть эзда аф саты. Оцю лувихне Советонь странать эса муссть синьцень няфтемаснон (отраженияснон) литературать эса: основной писателень крдась арась совецкай платформать лангс; башка тя писательхне марнек „миньнет“. Однако процессь: сявомс тя писательхнень пролетариятть и сонь авангардонц (инголи молиец-партиять) мировозрениянц алу, сонь идеологиянц: — тя пяк оцю и кувака процесс. Сон аф шумордави тя мархта, што тя али тона писательти критиксь максы аттестат: што шумордавсь сонь социалистическай реализмань методонь сявомац. Кись, конань эзга моли пролетариятти сембода цебярь сире интелегенциянь отрядоц — художникне, писательхне, — пяк сложнай и своеобразнай. Тя своеобразниять кол-га аф весть корхнесь Ленин.
Именно тя задачать минь литературнай критиканеке пяшкоцы нинге аф кода эряви, лафчста.
Аф кржа социалистическай реализмать промблеманц значениянц. Важностец сонь ащи тоса, што сонь йотафтомац (разрешенияц) арсесы получандамс яснай и аф кафту арьсеви ответ васенцень (основной) кизефксти: кода ваны писательсь Советскай действительность лангс, вастонц и активнай роленц писательть социалистическай строительствать процесонза. Буржуазнай реалист—писатель пяшкочнезе эсь назначенияц, сонь ролец ульсь прогревссивнай, „добросовестнайста няфнезе реальнай отношениятьнень, срафнезень сембе годсподствующай мяльхнень (иллюзиятнень) коста шачийхть тя отношениятьне, йотафнесь мяль существующай порядкотнень оснваснон полафтомаснон колга, — хуть и авторсь ашезь азончне ся пингть эзда кодамовок определеннай решения и нльня кой коста ашезь арсе киньге шири.“
Маштозь няемс и художественнайста, видеста няфтемс тя реальнай отношениятьнень Маркс и Энгельс путнезь пяк оцю заслуганьди. Бальзаконьди. Энгельс пяк цебярьста азозе ся противоречивай состояниять, конаньди ся пиньгть эзда арсесь боржуазнай реалист-писательсь. Сон сьормаць. Бальзаконь колга: „...Бальзак ульсь кошардф молемс эсь соньцень классовай симпатиянзон и политическай предравсудканзон карше, сянь што сон няезень афкукс прамаснон соньцень кельгома аристократонзон и няфтезне синь кода ломатть, конатненьди сяда пара аш месть арьсемс, и сянь, што сон няезень афкукс ингольде пиньгонь ломатьнень тоста, коста ся пиньгть эзда синь аньцек можнольхть мумс, тянь мон лувса реализмать фкя инь оцю сяскоманцты.
Минь советскяй писательнеконьди, добросовестнайста, художественнайста, видеста няфтезь реальнай отнашениятьнень класснень йоткса и ломатьнень СССР са аш кода годямс противоречиясь эсь симпатиянзон мархта, кда аньцек сон аф сознательнай али безсознательнай лядыкс машфтови капиталистическяй элементнень эзда. Соньдеенза афкукс эряви маштомс няема, шарьхкодема тя реальнай отношениятьне. Аньцек тя условиятьнень вельде сон состоянияса ули шарьхкодемс и мумс толок минь социалистическай обществанеконь касоманц генеральнай линиянц эса художественнайста видекс няфтемс минь трудностенеконь йотамасна и противоречиятьнень машфтомасна социалистическай строительствать кинц лангста.
Тя мархта азови инь оцю ролец минь литературнай критеканеконь. Штафтомс; [ 7 ]няфтемс принципиальнай разницять йоткстонок: минь прав видеста няфтьф литературасонок противоречиятьне и трудносттьне, конатьнень машфцаськ строительствать молемста и аф йотави касы, аф машфтови противоречиятьне капиталистическай обществать эса, — арай максомс ответ кизефксти: кода арайхть фкя-фкяньди реализмась и романтизмась буржуазнай художественнай литературать эса и минь советскай литературасонок.
Аш месьть жалабамс сянь лангс, што минь кржа сьорматф статьяда социалистическай реализмать колга. Тяфтама статьяда сьорматф лама. Но разработкась социалистическай реализмать промблеманц сидеста сяряди марстонь литературнай произведениятьненьди.
Фкя пяк оцю афсатыксокс литературнай критикать эса улсь декларативностьсь, работамась (перированиясь) марссонь положениять и пара арьсематьнень вельде „вообще“, конкретнай изученияфтома и кочкамафтома писательть творчестванц, определеннай художественнай произведениянц. Тя кошярякшнесь аф ваномс художественнай произведениять форманц проблеманц
Штоба кода эряви и лац путомс питьне (максомс оценка) художственннай произведенияти, аф саты мярьгомс, кодама идея авторсь азсь эсонза, эряви мярьгомс тага, кода сон сонь азозе, пачкоди-ли сон читательти, цебярь ли книгась кода художественнай произвидения, афоли таркси сон читательть эзда мяль лувомста сонь аньцек ся пиньгть эзда мзярда лувись сяряди афудомаса.
Минь марятама тя пиньгть исключительнай культурнай под‘ем. Лама миллионнай рабочай и колхознай крдатьне путнихть пяк оцю требованият литературати, искуствати. Синь активнайста и сознательнайста, Ленинскяй партиять руководстванц вельде, героическяй тюремаса оцю трудносттнень мархта, ковандайхть од, радостнай эряф угнетенияфтама, эксплоатацияфтома. „Рабочайхне и колхознай массатне конат аф шумназь и цятордомафтома строяйхть заводт и фабрикат, шахтат и машина кит, колхозт и совхозт, конат тисазь сембе эряфонь паршить, анцазь и щасазь марнек мирть, — вов кит настоящай геройхне и теенза од эряфть“. (Сталин)
Аф фкя кемонь одт, аф кукс социалистическай культурань мастярхт тиевсть тя оцю под‘емть мархта. Рабочай классть писателенза, минь Советскяй писательнеке, — тя отряд, кона нолдаф марнек масторонь литературанц ингольдень позициянзонды. Социалистическай строительствать иньголи сай сатфксонза омба пятилеткать задачанзон йотафтомасна аф сязевиста сотнефт аф няеньф литературать паньжеманц мархта, искуствать. Сембе тя путни пяк оцю, исключительно ответственнай задачат марксистскяй-ленинскяй литературнай критикать инголи.