Валда ян/1932/06/Мокшэрзянь ВКП(б)-нь обкомть путфксоц тундань видема кампанияти анокламать колга
| Мокшэрзянь ВКП(б)-нь обкомть путфксоц тундань видема кампанияти анокламать колга |
1. Обкомонь бюрось азонцы: што основной няфтьфкснень коряс тундань видема кампанияти анокламаса кода: сьора видьмонь и кормань, тягловай виень и тракторонь, с.-х. инвентарень петемась, райотнень оцю пялькссна аноклайхть видемати, можна мярьгомс, сатомшка. Тяка пингть башка райотне, сембода пяк Темникавонь, Слободань, Торбеевань ляткшнихть пяк фталу лама мероприятиянь йотафтомса видемати анокламать эса.
Пцтай сембе райотнень эса обласьцонок апак шумордак нинге производствань средствань одукс явошнемась колхоснень йоткова фкя-фкянди лездомань кигя районтть потмоса и сьора видьмонь полафтомать йотафтомац и тя пингс йофси афсатомашка йотафневи работась бригадатнень одукс пуроптомасост ЦК-ть февральть 4 це шинц эзда путфксонц корясь и ляткшнихть пяк фталу бригадань рабочай планонь тиемаса (тийфть 52 проц).
Тянь коряс обкомонь бюрось лувонцы видемати анокламать сембода ламоц совхоснень, колхоснень и вельсоветнень эса афсатомшканди.
2. Туфталкс ня афсатыксненди тундань видема кампанияти анокламать эса сембода лама районга арси ся, што ня райкопне исть машта тя пингс ладямс одукс синьцень работаснон социалистическай секторть касы роленц вешфксонзон коряс, содонфста обласьцонок сплошной колективизациять пцтай педа-пес шумордаманц мархта и совхоснень виюста касомаснон мархта, конат вешихть общай руководствать эземс, конкретнай хозяйственнай руководства районть эр башка совхозонц и колхозонц ланкса.
Районть хозяйственнай строительстванц ланкса аф конкретнай руководствать шамац безобразнай факттне, мзярда райпосевтройкатне формальна кемокснесазь тундань видема платнень сембонди шарьхкодеви аф видя установка, мархта видема площадьтнень колга социалистическай секторти Торбеевань, Ромодановань и лама лия районга.
Тяка пингть аф конкретнай руководствать сюнода аф содасазь кода ащи тевсь васца, а тяста — лама вастова кальдявста ваныхть сводкатнень ланкс и нльня улихть фактт, мзярда васькафнихть кучсеви сведениятнень эса, сембода пяк видьмонь кочкамать колга (Торбеевань, Инсарань, Чамзинкань и лия райотне); сянь сюнода, мес аф содасазь, кода ащи тевсь вастова, аш эрявикс мобилизованность и аф сувафнесазь тевс сембе возможностнень, алудонь мелкобуржуазнай и рваческай элементнень люпштамаснон ала лама районнай работникт лифнихть местническай мяльхть, конат кемоста и ламос аф йотафнесазь эряфс областень организациятнень тя али лия директиваснон райотнень йоткова фкя—фкянди социалистическай лезксонь максомать колга.
3. Областень колхзнай системась башка сонь районнай звенанза тя пинкс нинге ашесть ара колхоснень ланкса цебярь руководствань вяти штабокс. ВКП(б)нь районнай комитеттне ашесть шарфня сатомшка мяль райколхозсоюснень аппарацнон кемокстамаснон ланкс, ашезь лува эрявиксонди колхознай системать, кода основной рычагть, колхоснень организационно-хозяйственнай ширеснон кемокстаманц.
4. Партийно масовай работать тевса одукс тиманц касы [ 10 ]совхозонь—колхозонь хозяйстватнень вешфксснон коряс тя пинкс йотафневи аф сатомшка, тяста — аф сатомшка и аф кемя партийнай руководствась вастова, аш синцень работасна и активносцна совхозонь рабочейхнень и колхозонь крдатнень совхоснень и колхоснень организационно хозяйственнай ширеснон кемокстамаса.
Масовай работать афсатомшка йотафнеманц сюнода и вярде ащи организациятнень директиваснон аф пяшкотькшнемаснон эзда лисенди ся, што сидеста практикаса эрьсихть аньцек шава администрированият, конат аф лездыхть рабочай и колхозник крдатнень пуроптомаснонды тюрема колхознай и совхознай хозяйстватнень кемокстамоснон инкса и кулацкай и лия контрреволюционнай элементтнень каршес кемя отпорть максома, конат йорайхть сяземс тундань видема и лия политическо-хозяйственнай кампаниятнень конат йотафневихть велеса.
5. Аф ваномок сянь ланкс, што ламоц совхосне йотай кизоть корясь анокласть сяда кемоста тундань видемати, а марса лувозь совхозонь системаса ниге тя пинкс пяк лама сязьфкста, аф педа—пес тийф тевда тундань видемати анокламаса, конать корхтайхть сянь колга, што ломоц совхосне афсатомшка аноклазь тундань видемати машиннай паркатнень, уски вийть, башка совхозга нинге аш сатомшка видьмот, рабочай виень пуроптома планць пяшкотьф аньцек 78 проценц и инь оцюсь — аф сатомшка цуроттф совхоснень эса труць апак машфтт обезличкась, апак ладяк социалистическай фкя фкянь йотамась и ударничествась.
6. Тундань видемати анокламась башка эряйхнень йоткса лама районга тя пинкс лувондови аф пяк эрявиксонди. Кемя массовай работа арьсеф платтнень пяшкодемаснон башка культуратнень коряс, агрокультурнай мероприятиятнень и лия тефнень йотафтомаснон инкса башка эряйхнень йоткса аф йотафневи, нльня аш учет видема материалонь сохраннай распискань сявомать колга тя пинкс планць пяшкотьф 62-проенц.
7. Тюремась цебярь работать инккса, агрокультурат и агротехникать колхозникнень йоткс йотафтомаснон инкса, тюремась колхозса урожайть касфтоманц инкса тя практическай работасост сатомшка васта ашесть зайня.
8. ВКП(б)-нь обкомсь, ванозень тундань видема кампанияти анокламаса сембе афсатыкснень и веши областень сембе районнай организациятнень ширьде:
а) тундань видема кампанияти видьмонь анокламаса машфтомс сембе афсатыкснень, уски вийть анокламаса, колхоснень йоткова фкя—фкянди лездомать вельде велень—хозяйствань машинань петемаса, сембе нят мероприятиятнень шумордамс апрель ковть 15-це шинц эзда аф сядя позда;
б) Тундань видемати ляды нюрьхкяня пингста пяк важнай задачкас арси колхоснень организационно—хозяйственнай ширеста кемокстамасна колхозонь бригадатнень одукс пуроптомасна, цебярь бригадиронь кочкамась, производственно-финансовай рабочай планонь тимась конатнень ванондомс колхозникнень йоткса, штоба тянь ведьде тундань видемаста лац путнмс сембе рабочай вийть.
в) Партийнай организациятненди эряви лувомс сянь, што йотай кизоть коряс, мзярда йотафнеф организационно—массовай работась тундань видемати анокламать колга — сеть мокшнесь сокайть паясяв лисеманц пинкста тятденькизоть — колмоце большевицкай видеман пинкть — организационно—массвай работань задачатне и живой руководствась, колхозга и совхозга, районай организациятнень ширдя стяшондыхть тундань видемать уставамстонза нинге сяда оцюста, анокламань пинкть коряс.
г) Обкомсь мярьгонди сембе районнай партийнай комитетненди куроконя кемокстамс районнай активсь колхосненди и совхосненди, и станя, штоба эрь колхозса и совхозса улель фкя уполномоченнай, а кда колхосне йолмат, то кафта колхозс фкя уполномоченнай.
9. Преступнайста оперативнай отчетностень макссеманкса, видьмонь кочкамать колга, аф видя сводкань макссеманкса, колхознай секторга видемань площадть кирьфнеманкса и видемань планттнень шоряманкса, Торбеевань райколхозсоюзть и председателенц Ларькин ялгать работаста валхтомс и таргамс судебнай ответственносьц. Кемокстамс райкомть путфксонц Инсарскай райЗО ть заведующаенц Ромоданоф ялгать работаста валхтоманц и выговоронь максомать колга. Тарбеевскай РайЗО-ть заведующаенцты Клинт ялгати и Ромодановань районца Лоншоф ялгатненди видемань планттненди тапаряфксонь нолдаманкса максомс выговорхт.
Мярьгомс сембе райкопненди, штоба сатомс оцю четкостть оперативнай руководстваса и вешемс синь ширдест сяда кемя мерат отчетносьца васькафнемать и тапаряфкснень каршеса, азомс выговорхт Торбеевань и Ромодановань райпосевтройкатненди сяс, мес синь кемокстазь аппараттнень ширдя максф аф видеста тийф платтнень.
10. Аф ваномок Обкомть директиванзон ланкс раб. жуватати видемань карша и видемань пингонди сатомшка кормань анокламать колга лама райотт, кода Темниковань, Слободань, Теньгушевань концентрированай кормада анокласть 30—40 проценц и аф сатомшка анокласть казяма кормат. Рабочай жуватась лама районга аноклаф аф сатомшка, кона путнесы оцю сязьфкс алу аф аньцек видемать эсь пингстонза ушодоманц, но и платтнень пяшкочнемаснон.
[ 11 ]Обкомсь кемоста мярьгонди Торбеевань, Слободань, Теньгушевань райкопненди, штоба боевойста кундамс фуражень фондонь пуроптома тевти, штоба пуроптомс видемати сатомшка кормат. Мярьгомс райкопненди сембе осал алашатнень тяниок путомс цебярь кормас и шарфтомс оцю мяль, штоба сембе рабочай жувататне кинь колема пинкть путомс цебярь кормас и цябярьста ладяма мельгаст якамась.
Пуроптомс премиальнай фонтт, штоба макссемс колхозникненди и колхосненди казьнят, конат сяда лац йотафнесазь алашань мельга якамать, штоба сяда правильна ладямс кормань фондонь явондомать и мумс нингя колхосненди и совхосненди корма пуроптомс специальнай комисия, коза сувафтомс Абызов, Караулов, Самушкин, Белов, и Яковлев, ялгатнень, мярьгомс комиссияти 5 шинь йотазь арьсемс практическай меропрятият пачфтемс Обкому,
11. Лувомс афсатомшканди совхосненди продовль. и промтоваронь нолямать и мярьгомс Яковлев ялгати 5 шинь йотамс арьсемс прктическай мероприятият и шарфтомс кемя мяль совхосненди продовольствиянь и промтоваронь нолямать ланкс.
12. Обкомсь веши парт комитетнень, райколхозсоюснень велень советтнень, колхозонь правлениятнень, бригадирхнень и башка колхозникнень ширьдя сянь штоба, куроконя лифтемс боевой мерат агротехническай мероприятиятнень йотафнемаснон инкса и терьнесыня сембе парторганизациять и сембе совхозонь, колхозонь активть и рабочаень колхозниконь массатнень келептемс вию тюрема урожайть и видема тевонь работатнень качестваснон инкса. Инь эрявикс культуратнень колга лифтемс инь йомланянста лувозь тняра урожайда: лама кизонь урожайть коряс розь да эрь 1 гектарста 8,8 центнерхт, пинемда 9 цент. тозерда 7,7 цент., снавда — 8,8 цент., цецявицяда 7,7 цент., викада — 7,9, каньцерда 6,5, иля-
| СНИМКАСА: Кяржи кядь ширеса оц тиеви домнат 1-це №—не-пролетаровскай завоца. Види кядь ширеса 2 № домнась Фрунзе завоца, кона нолдаф тевс февраль ковть 17-це шистонза |
нас видьмода 5 центн., модамарьда 85 цент.
Ня задачатнень пяшкодемаснон инкса йотафтомс тяфтама мероприятият:
а) Рана витцеви культуратненди видема шинькта лифтемс 8 шит и лувомс, што инь рана витиеви культуратне пинемсь и бобовайхне видемс сияк ловть соламда меля колхозса и совхозса видемать оцю пяльксоц йотафтомс рядовой видема машинаса.
б) Колхоснень совхоснень паксява инзамс сембе озимса видеф паксятнень, конатнень ловть соламада меле шнисыня вець.
в) Комсомолецнень, колхознай активть эзда лифнемс оцю урожаенкса тюри дозорхт, конат кармайхть тюрема работать качестванц инкса, йошмонь кадомать каршес тюремась лувомс кода производстваса бракть каршес тюрема.
г) Лувомс эрявиксонди, штоба эрь колхознай бригадать работанц цебярь шиц паксянь тевса ванондоволь специальнай комиссиянь мархта сянь инкса, штоба нормань пяшкодемать лувомаста лацкас ваномс работать, качестванц. Колхознай бригадирхненди кепедамс ответственносць бригадатнень работань качестваснон инкса.
д) Мярьгомс райкопнеди келептемс массовай работать колхоснень йоткса фкя-фкянь мархта соц. договоронь кемокстамать инкса, штоба сатомс инь цебярь показательхть, тюремс работатнень цебярь шиснон инкса, йошмонь кадондомать каршес.
Мярьгомс облЗУ-ти ладямс боевой оперативнай руководствать и ванондомс агротехническай мероприятиянень пяшкочнемаснон.
13. Сянь ланкс ваномок, што баша районга юмси модамарь видьмось, обкомсь мярьгонди райкопненди лифтемс куроконя мероприятият, конатнень вельдя ули кода сатфтомс модамарь видьмось паксяти, мезенкса, сявомс модамарьхть видьмонди колхозникнень кяцта и модамарень путомс лифтемс кемя нормат, керсемс пачк оцю модамарьхнень и эрь 1 гати эрьяви путомс 10 цент. модамарь.
14. Сянь инкса, штоба куроконя лифтемс рабочай платт колхозга и ладямс вийсь бригадава, кучемс вели 20 це апрельть самс Кемлянь и Ардатовань вель хоз. техникумса омбоце курснень эса тонафни студеттнень.
15. Обкомс веши райкопнень кяцта боевой оперативнай руководства тундати анокламаса, уликс аф сатыкснень курокня машфтомаснон инкса; инь виюста тюремс кулачествать каршес, аропнемс синь колхозста, тюремс оппортунистонь эсь отям мяльхнень каршес, масовой работать келепнеманц вельдя и „кержи“ шири комотни оппортунистонь административнайста тевонь вятемать мархта тюрезь, максомс кемя отпор кулакненди, конат работайхть тундати анокламать сязендеманц эса, и пяшкодемс колхоснень организационно-хозяйственнай ширень кемокстамать и боевойста йотафтомс 3 це большевицкай тундань видемать.