Омонимдар: Ҡорбан ашы. Гүзәл Ситдиҡова

← Себеш сыҡҡанда

Ҡорбан аша автор Гүзәл Ситдиҡова

Аҡ тай →

«Омонимдар» циклынан. Ижад итеү ваҡыты: 2012.

Ҡорбан ашы

Бойҙайҙы ваҡлап ярма,
Эрерәк булһын ярма!
Әҙер ҡорбанға ҡуйым,
Ашыбыҙ булыр ҡуйы.
Ҡунаҡ килер теҙелеп,
Таҫтамалдар теҙ элеп,
Ҡул йыуырҙар сиратлап,
Йортҡа инмәҫ сир атлап.
Изге көн - Ҡорбан ғәйет,
Ҡунаҡҡа ҡорбанға әйт,
Ҡорбан улы Кәримгә,
Әхмәтшәрифкә, Римгә!

2012

---