Покш праздникть/В/4
ІИСУСЪ ХРИСТОЗОНЬ ШАЧОМАЗО.
Рождество Іисуса Христа.
Еврейтнень эсь инязоростъ арасель. Сынь римской народонь римской инязоронь кедь ало эрясть. Римской инязоро (кесарь) Августъ Іудейтнень лангсо эсь тарказонзо инязороксъ Иродъ лемсэ [ 15 ]ломань путсь. Римской инязоро Августъ эсь масторсонзо весе народонзо содамонь кисэ перепись (ревизія) тейме кармавсь. Сонъ истя кармавсь: эрва ки, мери, эсь прянзо сёрмадовтомань кисэ эсь тятянзо покщанзо масторсо городсъ молезэ. Августъ Еврейтнень масторсо якъ перепись тееме кармавсь. Еврейтне эсь тятястъ покщастъ масторсъ молезь прястъ сёрмадовтылть. Святой Іосифъ Пречистой Дѣва Марія маро Виѳлеемъ городсъ сыргасть. Сынь кавнескъ Давидъ инязоронь племасто улнесть. Давидъ инязоро Виѳлеемъ городсто улнесь. Іосифъ атя Святой Дѣва Марія маро Виѳлеемъ городсъ пачкодсть. Сынь городсонть эстестъ удома-ащема тарка эсть мукъ: сынстъ самсто Виѳлеемъ городось народдо пешксе улнесь ужъ. Виѳлеемъ городъ ваксо кевень пандтъ улнесть. Не кевь пандтнэ потсъ землянкань кондятъ пиреть тейнезь улнесть. Пастухтъ сеть пиретне потсъ ненастья вене скотинастъ пекснилизь. Іосифъ атя Святой Дѣва Марія маро истямо ве пиресъ удомо совасть. Те венть пастухтнэ скотинастъ маро паксясо удость. Веть Святой Дѣва Марія Цёра кандсь. Сонъ Цёринензэ кершизе да яслясъ мадстизе: тесэ лія седе ёнъ тарка арасель. Вана косо, вана кодамо таркасо минекъ Пазъ Инязоромокъ Идицямокъ шачь.
Пастухтнэ те венть эсь скотинастъ маро паксясо удость. Вдругъ чопуда весь валдомсь. Пазонь Ангелозо пастухтнэ икелестъ появась. Сынь тандадсть пекъ. Пазонь Ангелъ мери тенстъ: илядо пель, монъ пекъ покшъ радость ёвтлянъ. Монь ёвтамо радостентень масторъ лангсо весе ломатне радувить. Шачь ней тенкъ Идиця; [ 16 ]Сонъ Пазъ Инязоро ули. Сонъ Давидэнь городсонзо (Виѳлеемсэ) шачь. Вана монъ тенкъ примѣта ёвтанъ: тынь Виѳлеемъ ваксо пиретне эйсэ ве яслясо кершазь Эйкакшъ мутадо. Апакъ арськъ Пазонь Ангелонть ваксо ламо ліятъ Ангелтъ появасть. Сынь весе, Пазонь шназь, истя моравсть: Вереце Пазонтень шнамо, масторъ лангсо миръ, ломатненень паро мелезэ. Теде мейле Ангелтнэ менельсъ кептясть. Кода сынь сельмстэстъ ёмасть, пастухтнэ вейкестъ вейкестъ туртовъ кортыть: адядо, мерить, Вереце Пазонь валонть топудеманзо нейсынекъ, Виѳлеемсъ мольдяно. Сынь капшазь сыргасть. Сынь Маріянь Іосифъ маро да яслясо мадезь ащиця Эйкакшонть муизь. Сынь Эйкакшонть неизь да Пазонь Ангелтнэ кедстэ марязь валтнэнь весе ёвтлизь. Пастухтнэнь кургсто марязь валтнэнень пекъ дивасть. Марія не валтнэнь мельсэнзэ кирдсь. Пастухтнэ мекевъ Пазонь шназь мурдасть.
Кода Христозонь кавксо чинзэ топудсть, Моисеень закононь кувалтъ Іисусъ лемь Тензэ путсть. Архангелъ Святой Дѣва Маріянень Паро кулянь ёвтамсто истямо лемь путомо мерекшнесь.
Іисусонь Виѳлеемсэ шачомадо мейле куроксто чинь стямо ёндо Іерусалимсъ волхватъ састь. Не ломатне менельсэ тештнень кувалтъ мезе икелевъ ули содамо терявтылть. Сынь Іерусалимсъ састь. Косо шачь Іудейтнень одъ Инязоростъ? Минь, чинь стямо ёно Сонзо тештензэ неезь, Тензэ сюкунямо сынекъ. Иродъ одъ Инязородо марязь тандадсь, весе Іерусалимесь какъ тандадсь. Иродъ весе прявтъ священниктнэнь, народъ ютксто [ 17 ]сёрмасъ содыця ломатнень пурнынзе. Сонъ сынстъ истя кевснесь: косо, мери, Христосъ шачи? Сынь мерсть тензэ: Іудеень Виѳлеемъ городсо. Пророктнэнь книгасостъ истя ёвтазь тарка ули: Тонъ гакъ, Виѳлеемъ, Іудань масторозо, сонзо ліятъ городдонзо авуль берянятъ: тондеть Прявтъ лиси; Сонъ Монь народомъ Израилень идесазо. Не валтнэде мейле Иродъ инязоро седіякъ пекъ думазевсь. Сонъ волхватнень эстензэ салава тердевтинзе. Умокъ появась, мери тенстъ, тештесь? Сынь ёвтызь тензэ. Азеде ней Виѳлеемсъ, Эйкакшонть кода мусынкъ, Сонъ эле авуль Одъ Инязорось парынестэ содынкъ. Тосто мекевъ эсь масторозонкъ туемстэ монень одовъ совадо: монь гакъ Се Эйкакшкентень сюкунямомъ сась. Сынь Иродонь кедстэ листь да тусть. Чинь стямо ёно неезь тештестъ икелевъ тенстъ ки невтезь молсь. Эйкакшкесь кона кудосонть улнесь, тештесь молсь-молсь, се кудонть велькссэ лоткась. Волхватне тештенть лоткамодо неезь пекъ радувасть. Сынь се кудонтень совасть да Эйкакшкенть Аванзо Марія маро муизь, пильгезэнзэ празь сюкунясть, посудастъ штавтозь Тензэ эрва месть гостинецексъ максть. Сынь кандсть сырне (золото), ладонь (ливанъ), тантейстэ качадыця ой (смирна). Пазъ тенстъ онстнэстъ мекевъ ютамсто Ироднэнь совамо эзь мерть. Сынь эсь масторозостъ Ироднэнь апакъ тока лія кіява тусть.
Іисусъ Христозонь шачома чинзэ Декабрянь комсь ветееце чистэ празднуватано.