Покш праздникть/В/5
ПАЗОНЬ СТРѢЧАМОЗО.
Срѣтеніе Господне.
Іисусонь шачомадонзо ниленькемень чинзэ топудсть. Сонзо Аванзо марто святой Іосифъ атя Іерусалимень церкувасъ кандызь. Моисеень Законсо истя ёвтазь улнесь: эрва цёра эйдень шачмадо мейле ниленькеменьсе чистэнзэ сонзо авазо церкувасъ кандосо; кисэнзэ озксъ кандозо, священникень кедстэ молитва саезэ. Цёра кандозь ава ниленькемень чи ютамсъ аванькстэ лововиль, а ниленькемень чиде мейле, молитва саезь, ваньскады. Те чиденть сынстъ законсостъ ванськадома чи мерить. Сынстъ законостъ мери: коли ава васеньсе эйдензэ цёра эйде шачты, ниленькеменьсе чистэ кисэнзэ озксоксъ эле ве іесэ бараннэ да гулька левкске, эле бараннэнть таркасъ какъ гулька левкске жа кандозо. Сюпавонь аватъ бараннэ да гулька левкске кандылть, а скуднойть кавто гулька левкскеть кандылть. Пречистой Богородица Дѣва Марія якъ Іосифъ атя маро Іисусонь кисъ озксоксъ кавто гулька левкскеть кандсть. Іисусъ Христозонь шачома шкане Іерусалимсэ ве святой Симеонъ лемсэ атя эриль. Се праведной Симеонъ атясь Израилень идемензэ сыцянть самонзо пекъ учось. Сонензэ Пазонь кедстэ Святой Духонь троксъ ёвтазь улнесь. Тонъ, мери, Израилень Идицянзо Христозонь апакъ нейть а кулатъ. Кода Іисусъ Христозонь церкувасъ кандызь, сонъ гакъ тевъ Святой Духонь тензэ ёвтамонь кувалтъ сась. Святой Духъ сонзо эсензэ потсо улнесь. Сонъ [ 19 ]Іисусъ Христозонь эсь кедензэ лангсъ саизе да истя кортамо кармась: Вай Инязоро Пазомъ! Тонъ чечень чине эсь валотъ кувалтъ спокойнасто нолднесамакъ: монь сельмень нейсть Тонь ломатнень идематъ: Монь сельмень Тонь язычниктнэнь валдостъ нейсть; монь сельмень Тонсеть народотъ Израилень славанзо нейсть. Ней монъ куланъ гакъ спокойнасто. Святой Іосифъ маро Марія не валтнэнь марязь дивасть. Симеонъ атя сынстъ баславинзе. Сонъ Эйденть Аванстэнь Маріянень истя мерсь: вана те Эйденть троксъ Израильсэ ламотне прыть, ламотне стить; Сонзо кисъ ламо спорямо кармить (конатъ каршонзо сыргить, конатъ кисэнзэ арыть). Тонь тонсеть сестэ седееть пачкъ пеель ютазь ладсо пекъ ули; сестэ ломатнень мелестъ штатовить. Симеонъ атянь кортамодо мейле ве Анна лемсэ пророчица Эйдеденть Пазонь шназь кортась. Сонъ Идицянть учиця Израильтненень Идицянть самодо ёвтлесь. Святой Анна улнесь кавксонь кемень ниле іесэ дова бабине. Сонъ Ассиронь племасто Фануилонь тейтерь улнесь. Сонъ, мирденень туезь, мирде экшсэ ансякъ сисемь іеть эрясь, — мирдезэ кулось. Сонъ мирдензэ куломадо мейле эсь прянзо куломазонзо Пазнэнь алтызе. Сонъ Іерусалимень церкувасо, постъ кирдезь, чинекъ венекъ Пазнэнь ознозь эрясь.
Иродъ инязоро волхватнень мекевъ мурдамостъ учось-учось, сынь тензэ эсть учовтъ: сынянстъ Пазъ Ироднэнь апакъ ёвта лія кіява эсь масторозостъ мурдамо кармавсь. Иродъ пекъ кежіявсь: сонъ чаркодсь волхватнень эсь масторозостъ лія кіява туемадостъ. Сонъ ней, [ 20 ]арсесь-арсесь, вана мезе, мери, монъ теянъ. Іудейтнень одъ Инязоростъ маштовса. Кучанъ Виѳлеемсъ, Виѳлеемъ ваксо таркатненень салдаттъ да кармавтанъ тенстъ кавто іеде вишкине цёра эйкакшкетнень весе маштнеместъ. Волхватненень тештесь тей самодостъ кавтошка іень пева появась несакъ. Иродонь истя кармавтомадонзо мейле Іосифъ атянень Пазонь Ангелозо онстнэнзэ неявозь мерсь: Іосифъ, удомстотъ стякъ, Эйкакшкенть Аванзо маро вейсэ саикъ да Египетэнь масторсъ чикъ. Тосо монь одовъ тенть ёвтамозонъ эрякъ. Иродъ Эйкакшкенть маштомонзо арси. Иродонь кучовтъ ломатне Виѳлеемсэ, Виѳлеемень ваксо таркатне эйсэ кавто іеде одтъ вишка цёринетнень весе маштнизь. Сынь кемнилее тысача (14000) эйкакшкеть майшть.
Теде мейле Иродъ инязоро сонсь пекъ авадря, стака куломасо кулось. Сонзо куломадо мейле Пазонь Ангелъ Іосифнэнь онстнэнзэ неявозь ёвтась: ней, мери, Іосифъ, стякъ, Эйкакшкенть Аванзо маро вейсэ саикъ да мекевъ Израилень масторсъ мурдакъ. Эйденть оймензэ вешницятне кулость. Іосифъ удомстонзо стясь, Эйкакшкенть Аванзо маро саизе. Кода сынь Іудеясъ пачкодсть, марястъ — Иродонь цёразо Архелай тесэ инязороксъ тятянзо таркасъ озась. Сынь Іудеясо эрямо пелсть: Архелай авадря ломань улнесь несакъ. Іосифнень онстнэнзэ Пазъ Галилеясъ эрямо молеме кармавсь. Сынь тесэ Назаретъ лемсэ городсо эрямо кармасть. Іисусъ Христосъ Назаретъ городсо колонькеменьшка іензэ топодемсъ эрясь. Іисусъ Христозонь стрѣчамо праздникенть Февралень омбоце чистэнзэ празднуватано.