Поладкстомо (2016)/Од шкань откерьтне. А.П. Рябовонь лемсэ казнень лауреатт 1993-2015-це иетнень перть
[642]
| ОД ШКАНЬ ОТКЕРЬТНЕ (ГЕРОЙ) |
| А.П. Рябовонь лемсэ Казнень лауреатт 1993-2015-це иетнень перть |
УШОДОВКШНОСЬ ИСТЯ
Эрзянь келень идема Фондось чачсь 1993-це иень даволковонь 8-це чистэ Саран ошсо. Пурнызе-сэрнизе сонзэ Нуянь Видяз — Четвергов Евгений Владимирович, се шкастонть Саранонь университетэнь велень хозяйствань факультетэнь доцент.
Од вейсэндявксось ушодызе эрямонзо Анатолий Павлович Рябов профессоронть сядоце чачома чинзэ тешкстамосо. Те ульнесь 1994-це иень чадыковонь 16-це чистэ. Теде икеле кучозельть содыдеенть фотозо, биографиязо (книгинекс теезь) ды пшкадема вал велень прявттнэнень Россиянь келес малава 400 сёрмат, эрьва эрзянь велес. Те ульнесь покш тев. Путовсть аволь аламо вийть.
Чадыковонь 16-це чи. Саран ошонь университетэнь колмоце корпусонь (сестэ эйсэнзэ ульненсь велень хозяйствань факультет) актонь залось пешксе. Ламот аштить стенатнень ёжова стядо. Састь эрзянь буетнестэ школань тонавтыцят, культурань важодицят, студентт, вузонь ды педучилищань тонавтыцят... Сценанть мазылгавты А.П. Рябовонь портретэзэ.
Васняяк ёвтнезель А.П. Рябовонь эрямокидензэ, наукасо теезь тевдензэ, меельце чидензэ аволь свал мелень ваныця те эрямосонть. Промкссонтень сакшныцятне састь ве мельс: эрзянь келень идема Фондонть лемдямс А.П. Рябовонь лемсэ. Теде башка, чадыковонь 16-це чинть яволявтомс Эрзянь Келень Чикс. Ютавтозель ярмаконь пурнамонь кой. Эрзякс оршазь кавто тейтернеть паргине марто ютасть залганть. Те шкастонть гайгсь эрзянь моро. Паргинеденть башка се шкань Саранонь элеваторонь прявтось Алексей Иванович Ляблин кучокшнось Фондонть лемс 250 целковойть банкс. Сеть шкатнестэ — те эйпаро [643] ярмакт! Сынь ды лезэкс каязь целковойтне невтьсызь, — сы шка — кодамо покш тев теезель, кода кемсть мизолдыця сельметне-турватне ушодозь тевентень — идемс чачома келенек. Омбоце чистэнть теке залсонть ютавтозель арсемань-кортамонь промкс — конференция. Саран ошонь университетэнь, пединститутонь ды МНИИЯЛИЭ-нь доцентнэ ды профессортнэ ёвтнесть А.П. Рябовонь путовкстонзо келень наукантень. Кортасть Д.В. Цыганкин, Р.Н. Бузакова. И.К. Инжеватов ды лиятне. Лиснесть трибуна экш ды ледстнесть Анатолий Павловичтэ малавиксэнзэ. Сынь тердтневсть ды сакшность Ижевскойстэ, Московсто, Владимирстэ, Сарансто.
Колмоце чистэнть,чадыковонь 18-це чистэ Рябовонь малавиксэнзэ, вейсэ Фондонь ломантнень марто, ардтнесть Ицялонь буень Ламбаське велев, содавтызь калмонть, косо калмазь Анатолий Павловичень, чумовтомо маштозь эрзянь цёранть авазо.
Теке жо 1994-це иестэнть, панжиковсто, эрзянь весе буетнесэ, малав весе велетнесэ, школасо-клубсо, васенцеде ютавтозель Эрзянь келень чи. Теке марто, эрзянь келень идема Фондонь прявткурось кемекстызе меленть: 1995-це иестэ саезь тешкстнемс те Чинть чадыковонь 16-це чистэ, лемдямс А.П. Рябовонь чачома чинзэ Эрзянь Келень Чикс.
Васень шкатнестэ, 1995-2005-це итнеестэ, тешкстневсь те кенярксчись келейстэ ды ламонь таркава. Путневсть концертт, ютавтнесть школатнесэ викторинат, панжадо урокт ды седе тов. Эстэнь Масторсо Эрзянь келень чись тейневсь Эрзянь таргокс, мольсь вете-кото чить Таллиннсэ, Тартусо, лиясо-косо. Кортасть эстонтне, меревавт, эрзякс ды ансяк эрзякс! Вастовомат, концертт, приёмт, конференцият... Кода-а кода Мордовиянь кирдийтне-властне лездасть пачколемс Эстэнь Мастеров. Мейле...
Прявтнэ сеске эзизь чарькоде, кодамо зыян канды Эрзянь чись сыненст ды рузыявтомантень, кода малавгавты ды вейсэнди сон эрзятнень. Мезе теемс? Кувать апак [644] арсе аравтсть икелензэ шлагбаум. Истямокс теизь чинть — «День мордовских языков». Мордовиянь «менельсэ эрицятне» ютавтнесть те чинть цитнезь, киштезь-моразь, ярмаконь апак вансто. Лиссь се, мезе эрявсь оцюнянтень Н.И. Меркушкиннэнь. Ламот «нардевдеяк нардев» эрзятне шаштсть, визьксэнь апак сода, тов, косо истя тантейстэ качадсть ды качадыть прякатне.
Истя «озавтызь» «мордва ялгатне» Эрзянь келень чинть. Меельце, 2009-2011-це иетнестэ, сакшность чачома келенек тешкстамо, марямс мезе теезь ды мезе теема тенек седе тов, ансяк 30-40 ломанть. Сакшность сеть, кить эзизь мие оймест, эзизь венсте кедест пряка палонть мельга. 2012-це ие. Вармась пувазевсь аламнеде лембе ёндо. Лездасть, маряви, 2011 ды 2012 иень «кочкамотнеяк».
«Мордвань чись» кавто чиде икеле морась-киштсь «Национальной» театрасо. Максозель сон Эрзянь келень нинтеньгак. Кода эрьва иестэ, ульнесь ёвтнезь мезес пачкодсь, пачтизь ды пачтинек — эсь прянокак эряви чумондомс — эрзянь келенть, мезе тейсь иень перть Фондось. Максозель А. П. Рябовонь лемсэ казнесь ды лауреатонь лемесь. 2011-це иень Казнесь максозель эрзянь келенть ванстоманзо-идеманзо кис Д.В. Цыганкиннэнь, университетэнь профессоронтень. Сакшность Саран ошонь школань эрзянь келень ламо тонавтыцят, эйдень кужонь трицят-кастыцят, важдат. Ульнесть лия казнетькак, ульнесть балягань пусмот, мизолкст, концерт, каванямот, ульнесь кенярксчи.
Эрзянь келенть, ды седе келейстэ культуранть, ванстомаст-кастомаст кис А.П. Рябовонь лемсэ Казнесь ды лауреатонь лемесь максневить 1995-це иестэ саезь. Васенцеде сон максозель 1995-це иень чадыковонь 16-це чистэ Виктор Феофанович Тингаевнень, Оренбургёнкссонь Бугуруслан ошонь эрицянтень. Сон васенцекс кемекстакшнось вейсэндявкс — «Лисьмапря», панжокшнось книгань микшнема лавкасо эрзянь книгань микшнема тарка. Седе мейле Бугуруслансо панжозель педагогикань училища. Дмитрий Морской поэтэнтень путозель кеврунго (памятник) Павлуш чачома велесэнзэ.
[645] Комськавтово иень перть, зярс тешкстневи Эрзянь келень чись, те Казнесь ды лауреатонь лемесь максозь комсь колмово ломаннень. Сынь питневтеме, эсь прянь апак вансто тейсть ды теить, мезе тенст теевсь ды тееви, эрзянь келенть ёжонзо вадрялгавтомга. Истят ломантнень вельде кирдеви эрзянь раськесь ды Эрзянь Масторось. Сисемтне эрить уш, эрзянь кельденть арсезь-мелявтозь, Тоначисэ. Неть: Клементьева Вера Ивановна, Ефимов Иван Андреевич, Ромашкин Владимир Иванович, Малов Александр Андреевич, Биушкина Мария Романовна, Казаков Петр Ефимович, Грачёва Екатерина Николаевна. Максозо тенет Инешкипазаесь сэтьме удома.
Седе тов, кинень мезень кис максозельть Казнесь ды лауреатонь лемесь, ёвтневи фотографиятнень алга.
А НАЧИНАЛОСЬ ТАК
Фонд спасения эрзянского языка был создан и зарегистрирован в министерстве юстиции 8 февраля 1993 г, Нуянь Видязом — Четверговым Евгением Владимировичем, в ту пору доцентом Саранского госуниверситета.
Первым заметным шагом в работе молодой общественной организации было чесгвование столетия со дня рождения профессора-лингвиста, патриота эрзя народа Анатолия Павловича Рябова. Оно состоялось 16 апреля 1994 г.
До этого были отправлены фактически во все сёла, где проживают эрзяне, письма с просьбой отметить память ученого. В конверт вкладывались фотопортрет Рябова, его подробная биография и обращение к председателю сельсовета.
Настало 16 февраля 1994 г. Актовый зал сельскохозяйственной) факультета Саранского (Мордовского) госуниверситета полон. Многие стоят вдоль стен. Со всех эрзянских районов приехали учителя, работникн культуры, пришли студенты и преподаватели вузов Саранска.
Был сделан доклад о жизни, о научной работе, о последних днях ученого перед казнью. Приписанное ученому обвинение для 30-х годов стандартное: [646] «шпионаж» в пользу Финляндии, «националист», «враг народа». Фактически же расстреляли за то, что он — эрзя, за то, что создавал учебники на эрзя языке, учил детей. На том собрании было решено назвать общественный фонд именем А. П. Рябова. Кроме того, 16 апреля, дню рождения эрзяноведа, придать статус: День эрзянского языка. В перерыв проводился обряд сбора пожертвований. Девочки в эрзянском старинном одеянии под громкий эрзянский напев прошлись с корзинкой по залу. Вернулись не с пустой корзинкой. К тому же, директор тогда Саранского элеватора Алексей Иванович Ляблин сделал первое перечисление на 250 рублей. Это деньги! Они, а также те «подаяния» зала, очень понадобились.
На другой день в этом же зале проводилась научная конференция. В ней участвовали ученые Саранского университета, педагогического института им. М.Е. Евсевьева, МНИИЯЛИЭ и другие. Доклады о сделанном Рябовым в науке прочитали профессор Д.В. Цыганкин, доценты Р.Н. Бузакова, И.К. Инжеватов и другие. С воспоминаниями выходили за трибуну родственники Анатолия Павловича, приглашенные из Москвы, Ижевска, Владимира, Саранска. Конференция закончилась концертом старинной и современной эрзянской песни.
На третий день приехавшие в Саранск родственники Анатолия Павловича вместе с представителями Фонда спасения эрзянского языка совершили поездку в село Ламбаське Ичалковской района Мордовии. Возложили венки на могилу, где покоится прах матери верного сына эрзя народа, погибшего в застенках советской Империи.
В этом же 1994 году в мае месяце во всех эрзянских районах Республики и за её пределами впервые отмечался День эрзянского языка. С 1995 г. его праздновали уже 16 апреля, в день рождения языковеда Рябова. До 2008 г. власти явных преград не чинили, но вскоре свое отношение к деятельности фонда и празднику круто изменили. Поняли, что столь широкоотмечаемый день может привести к нежелательным последствиям — замедлить [647] или даже остановить русификацию эрзя народа. Это в их планы не входило и не входит сегодня.
В противовес Дню эрзянского языка, вообще эрзя языка, стали с купеческим размахом, помпезно проводить дни то родных Языков, то мордовских, то еще каких-то. Запах пирога привлёк многих. В последние годы на фондовский нищий праздник приходило не более 30-40 человек. Печально, но так. 16 апреля 2012 г. обстановка несколько изменилась. Отмечали весенний праздник Эрзя языка в Национальной драматическом театре. Это кое о чём говорит. Зал был полон. Был доклад, был отчет, были подарки, поощрения, улыбки, песни. Вообще во всём чувствовалось дыхание весны.
Премия им. А. П. Рябова была учреждена общим собранием Фонда спасения эрзянского языка, тогда им. Рябова, в 1995 г. Первым лауреатом этой Премии стал Тингаев Виктор Феофанович, житель города Бугуруслан Оренбургской области. Диплом лауреата и премия были вручены за организацию и регистрация» им общественной организации «Лисьмапря», за открытие в книжном магазине города отдела эрзянской книги, за создание педагогического училища, за установку бюста известному поэту Дмитрию Морскому.
С 1995 г. достойно оценен труд во благо эрзянского языка, независимо от национальности, 23 человека. Они искренне, без каких-либо признаков корысти, порою рискуя личным благополучием и даже жизнью, служили и служат великому делу спасения языка Эрзя народа. Из двадцати трёх семерых уже нет в живых. Это: Вера Ивановна Клементьева, Иван Андреевич Ефимов, Александр Андреевич Малов, Владимир Иванович Ромашкин, Мария Романовна Биушкина, Петр Ефимович Казаков, Екатерина Николаевна Грачёва. Мир вам и покой, ушедшие в мир иной с думой о родном народе.
По всем персоналиям краткая характеристика даётся рядом с фотографией.
[648] Лингвист-патриот Анатолий Павлович Рябов
Анатолий Павлович Рябов родился 16 апреля 1894 г. в с. Лобаски Ичкаловского района в семье эрзянского крестьянина. После окончания сельской начальной школы родители определили Анатолия учиться в Починковское духовное училище, затем он продолжал учебу в Нижегородской духовной семинарии. Смерть отца тяжелой болью отозвалась в душе Анатолия. Он оставляет учебу в семинарии. Однако, осенью 1912 года успешно сдает экзамены на филологический факультет Нежинского педагогического института, который блестяще оканчивает в 1916 г., овладев латинским, английским, финским и эстонским языками.
После четырехлетней педагогической работы в учительской семинарии А.П. Рябов — сотрудник Нижегородской) губернского отдела народного образования. Именно здесь он стремится организовать обучение в школе на эрзя языке. Активная профессиональная работа Анатолия Павловича по созданию национальной школы для эрзян и мокшан была замечена сотрудниками Наркомпроса РСФСР, и в 1924 г. его приглашают работать методистом в Москву, в Центральное мордовское бюро Совнацмена.
Эти годы составляют новый этап в становлении Анатолия Павловича как ученого и государственного деятеля. Он приходит к твердому убеждению, что успех в обучении эрзянских детей придет только в том случае, если они будут учиться на родном языке, этой позиции он твердо придерживался в своей практической деятельности.
В качестве большой научно-педагогической заслуги Анатолия Павловича надо отметить то, что он первым разработал и прочитал курсы по современному эрзянскому литературному языку, методике преподавания эрзянского языка, истории эрзянского народа.
[649] «Слишком болыная активность» в деле возрождения национальной культуры эрзя и мокша народов для НКВД показалась подозрительной. 5 июня 1937 года был выдан ордер (за № 4) на арест и обыск А.П. Рябова. В предъявленном ему 17 декабря 1937 г. обвинении указывается, что он завербован финским шпионом-профессором Бубрихом, который якобы снабжал его шпионскими материалами. Рябову инкриминировалось также связь с эстонским шпионом Марком. На допросе Рябов отрицал свое участие в антисоветской деятельности. Но его участь была предрешена. Его объяснения никого не интересовали. Более того, протоколы по делу А.П. Рябова подписаны вместо него кем-то другим. 23 мая 1938 г. был расстрелян.
А.П. Рябов прожил недолгую жизнь. В расцвете творческих сил оборвалась его кипучая научно-теоретическая деятельность. Но и за эти сорок четыре года Анатолием Павловичем написано около 30 трудов по вопросам эрзянского и мокшанского языкознания и языкового строительства, среди которых красной линией смотрятся: «Эрзянь-сокицянь букварь» (Букварь для эрзянских пахарей), 1925, и «Лисьмапря: Букварьде мейле ловнома книга» (Родник: книга для чтения после букваря), 1926 гг. — это первые помощники-просветители для эрзянских детей!
А.П. РЯБОВОНЬ ЛЕМСЭ КАЗНЕНЬ ЛАУРЕАТТНЭ
1993 ие. Тингаев Виктор Феофанович
Тингаев Виктор Феофанович чачсь 1952-це иень эйзюрковонь 17-це чистэ Оренбург ёнксонь Бугуруслан буень Нойкина велесэ.
Прядызе Оренбург ёнксонь велень хозяйствань институтонь зооинженериянь факультетэнть. Важодсь Чапаев ды Киров лемсэ колхозтнесэ [650] зоотехникекс. 1980-це иетнетсэ кармась «Бугурусланская правда» газетань корреспондентэкс. Те шкастонть саезь сюлмазь эрямозо те кулялопанть марто. Вечксы чачома келензэ, тевензэ, велензэ. Тень кувалма прядызе Мордовиянь университетеэнь историянь факультетэнть.
1990-це иестэ Бугуруслан ошсо пурнась-панжсь эрзянь-мокшонь вейсэндявкс — «Лисьмапря», кона тейсь аволь аламо тевть эрзянь келенть, культуранть, койтнень-кирдатнень ванстомга-кастомга. Вейксэньгеменце иетнестэ Тингаев В.Ф. панжсь Бугуруслансо лавкань книгасо эрзянь книгань пелькс. Те ульнесь валдо, сенсациянь кондямо кулякс.
«Лисьмапря» ды буень администарциясь лездасть путомс кеврунго (памятник) Дмитрий Морской покш талант марто поэтэнтень, кона ульнесь ламо иеть репрссирвоазь. Чачома велесэнзэ, Сапожкинасо, путозь бюст, а калмонзо лангсо, Колтубанова велесэ (Бузулуконь буе), — кеврунго. Бугурусланонь ве песь лемдязь Морскоень лемсэ.
Тень весе теизе «Лисьмапря» вейсэндявксось.
1994 ие. Клеметьева Вера Ивановна
Клементьева В.И. чачсь 1938-це иень сундерьковонь 23-це чистэ Мордовиянь Кочкуронь буень Од Турдак эрзянь велесэ. Семиясост ульнесть колмо цёрат ды колмо тейтерть. Прядызе Ордань буень культурань ды просвещениянь училищанть.
Кучозель теке буень Аловелев (Низовкав) библиотекарекс. Зярс топавтсь библиотекарень тевензэ, лиссь мирденень теке велень цёранень ды прязызе, тевензэ апак кадно, М.Е. Евсевьевень лемсэ Мордовиянь педагогикань институтонть.
1989-це иестэ Вера Ивановна вейсэ лиятне марто пурнась ташто, умонь шкань моронь морыця ансамбль [651] «Цёковне», кона эзь каладо течинь чис ды, кода икелеяк, кецневти седейть. Клементьева В.И. вейсэ Учеватова Галина Петровна марто пурнасть Аловелень экспонатсо сюпав музей. 1992-це иестэ Аловелев сакшнось делегация Суомистэ ды мартонзо вейсэ морыцянь куро «Хетте» Карелэнь Масторсто (Костомукша ошсто). Вастыцянь-каваницянь прявтокс ульнесь Вера Ивановна.
Эрямосонзо меельце кемень иетнень Вера Ивановна максынзе эрзянь келень уроктненень.Тень ловсь сехте покш тевекс, путсь эйзэнзэ оймензэ. Теке марто, вейсэ «Цёковне» ансамблянть марто эрьва кодамо тюсонь промкстнесэ ёвтнесь эрзянь кельденть, сонзэ эсензэ ёнкстнеде, мазычидензэ ды ёжодонзо. Эрьва тевенть эрзянь келенть ванстомга тейсь паро мельсэ, ютавтсь пси седеензэ пачка.
Кулось Клементьева В.И. 1994-це иень медьковонь 15-це чистэ. Калмазь Аловелесэ.
1995 ие. Жегалина Римма Дмитриевна
Чачинь 1950-це иень Мордовиянь Покш Игнатбуень Оржаньбиё велесэ.
Прядынь 8 класст Покш Игнатовань средней школасонть, С.М. Киров лемсэ Ицялонь педучилищанть (1969), В.И. Ленин лемсэ Московонь педагогической институтонть (1976). Важодинь тонавтыцякс Отяжбуень 2 № Поселкань школасо логопедэкс, Саратовской областень Ртищевской райононь Салтыковской школа-интернатсо, инструторокс Покш Игнатовань РК КПСС аппаратсо, ушодома классонь эрзянь келень ды литературань тонавтыцякс Покш Игнатовань средней школасо, поладкс образованиянь педагогокс Покш Игнатонь Эйкакшонь шкинемань кудосо.
Эрзянь келень ды литературань уроктнесэ ламо шка макснилинь краеведчениянь материалтнэнень, эрзянь фольклоронтень, налксематненень.
[652] Лездынь Мордовиянь Покш Игнатбуень ды Нижегородской областень Покш Болдинань буень школатнень ютксо межрегиональной этнокультурной сюлмавкстнэнь теемантень.
Эрьва иестэ ютавтнян С.М. Люлякинанень алтазь ледстямонь мероприятият, эрзянь од книгань презентацият, Эрзянь Келень Чи. Эсень важодемадон материалтнэ, мероприятиянь ды уроконь сценарийтне, стихотворениян, ёвксон, морон, очеркень, рузонь кельстэ эрзякс ютавтовксон зярыя иеть печатазельть «Народное образование РМ», «Чилисема», «Сятко» журналтнесэ, «Эрзянь правда», «Восход», «Диагональ», «Эрзянь мастор» газетатнесэ.
1996 ие. Аношонь Тумай (Аношкин Николай Иванович)
Аношонь Тумай чачсь 1948-це иень Од иень веть Горький ёнксонь Лукоянонь буень Иваньбиё велесэ. 1964-це иестэ тусь Горький ёнксонь Урень эрямо таркав. Тесэ прядызе профессиянь-техникань училищанть ды Эрзямасонь куншка школанть. Эйкакшпингстэ саезь вечксь рисовамо. Секскак, зярс важодсь Лукояновань райсельхозтехникасо, тонавтнесь Московонь ЗНЦИ-нь невтнемань (изобразительной искусствань, станковой живописень) факультетсэ. Тонавтнесь теке жо факультетэнь декоративно-оформительской отделениясо.
80-це иетнестэ саезь 1993-це иес — Художник, васня бытэнь, мейле Культурань кудосо. Кедензэ ало ульнесть кавксо ломанть-художникть.
1995-це иестэ вейсэ М. А. Савлев марто ушодсть Эрзянь культурань музеень тееме. Теке жо иестэнть аравтозель штатонь коряс сонзэ директорокс.
1995-це иестэ кемекстась вейсэндявкс — «Ассоциация по спасению эрзянского языка им. Д.Т. Надькина».
[653] Аношонь Тумай ульнесь автортнэнь ютксо, конат сермадокшность сёрмадовкст «Эрзянь Мастор» газетань васенце номерэнтень, 1994-це ие. Се иестэнть саезь, сон свалшкань автор. Покш путовкс путсь эрзянь умонь пингень калмамонь койтнень вельмевтемантень. Мусь аволь вейке мар Ало-Ош ёнксонь таркатнева. «Мар» валоськак кармакшнось стувтовомо. Ламонь кувалма вельмевтицязо Аношонь Тумай.
1997 ие. Ефимов Иван Андреевич
Ефимов Иван Андреевич чачсь 1929-це иень сундерьковонь 16-це чистэ Мордовиянь АССР-нь Отяжонь буень Чукал велесэ.
Козловкань педучилищань прядомадо мейле (1948) важодсь зярыя иеть Отяжонь буень Аловелесэ 10-нь классонь школасо (1948-49). 1949-54-це иетнестэ урендясь (служась) военно-морской флотсо. 1954-64-це ии. — историянь тонавтыця Зубово-Полянань Явас эрямо таркань школасо. 1964-67-це ии. — аспирант. 1968-це иестэ саезь — Мордовиянь университетэнь историянь факультетэнь доцент. Ульнесь «Масторава» вейсэндявксонь Инекужонь ютавтомсто лездыцякс. Историянь наукатнень ёндо кандидат, профессор. Сёрмадсь ведьгемендь малава эрьва кодат публикацият.
Финнэнь-угрань кавто Конгрессэнь делегат, кавто иеть ульнесь Консультативной комитетэнь ломанькс. Чарькодизе, те Комттетэсь эрзятненень кодамояк лезэ а канды. Секс прянь невтезь, весемень икеле, конёвсо яволявтозь лисекшнэсь те организациясотнть. Ламоксть совсесь виев, превей, седе ламо политика ды история марто сюлмавозь статья марто «ЭМ»-нь ёнкстнес.
Кулось Иван Андреевич 2001-це иень панжиковонь 12-це чистэ. Калмазь Саран ошсо.
[654] 1999 ие. Богачева Мария Михайловна
Богачева Мария Михайловна (Эрьмезень Марюш) чачсь-кассь Самара ёнксонь Похвистень буень Н-Ягодное велесэ. Филолог. 2000-ця иетнестэ аволь ансяк буесэнть, Самара ёнкссояк эрзятнень корост кепедемга путнесь-невтнесь концертт, ёвтнесь эрзянь ине ломантнеде, лездась сравтнемс «Эрзянь Мастор» газетанть.
Поздравляем, Мария Михайловна,
с присуждением звания Лауреата премии им. А.П. Рябова и желаем успехов в борьбе за самое светлое — сохранение родного эрзянского языка. Здоровья и побед Вам на трудном пути справедливости.
Мы уверены: успехов желают Вам и читатели газеты «Эрзянь Мастор», проживающие на пространствах от моря до моря.
2000 ие. Эрюш Вежай (Ерюшов Борис Алексеевич)
Чачинь 1955-це иень эйзюрковонь 7-це чистэ Оренбург ёнксонь Ирикла велинесэ. Эрзян. Эйкакшпингем ютась Самара ёнксонь Беднота эрзянь велинесэ. Тосо туинь школав ды прядынь 4 класст. Велиненть калавтоманзо кувалма туинек эрямо Пенза ёнксов, Пачелма станцияв. Тосо пря__дынь 8 класст. 15 иесэ туинь тонавтнеме Свердловскоев, Суворов лемсэ ушмонь училищав. Прядыя сонзэ сырнень медаль марто 1972-це иестэ. Сеске седе мейле туинь Киев ошов, косо тонавтнинь Киев ошонь военно-морской политучилищасо. Прядыя сонзэ 1976-це иестэ. Лейтенант ушмолемсэ кучимизь урендямо Раужо [655] иневедень флотов, Севастополь ошов. Ушмовенчсэ урендинь кото иеть. Мейле кучимизь тонавтнеме В.И. Ленин лемсэ ушмонь академияв. Прядыя сонзэ 1985-це иестэнть. Кучимизь Пелевеёнксонь флотов. Урендинь эйсэнзэ ушмовенчсэ ды штабсо 1994-це иень прядома ковтнес. Омбоце рангсо капитан. Те шкас аштян таштавкс вийсэ (запассо). Важодян эсь тевсэм. Флотсто туемадо мейле панжинь эсень тев. Кирдян кинигань микшнема лавка, лемезэ «Етапа». «Руця» фондонь прявт. Ветян Эрзянь Конгрессэнь прявтонь полавтыця тевть. Лиссь ёвтнемань книгам, сеедьстэ стихем ды ёвтнемам печатавить «Сяткосо», «Чилисемасо», «Эрзянь Масторсо».
2001 ие. Числав Журавлев
Эрзянь поэтэсь Числав Журавлев чачсь 1935-це иень чадыковонь 27-це чистэ Самарань енксонь Покш Толкан велесэ. Эйкакшпингезэ ютась покштянзо ды сырькаензэ кедьсэ. Седей мариця ломанекс ульнесь цёрыненть сырькаезэ Акулина Ивановна.
Ветеце классо Числав кармась стихень сермадомо. Васенце тонавтыцязо ульнесь эрзянь поэтэсь В.К. Радаев. Василий Кузьмич ламо вий ды ойме путсь цёрыненть кастомасо. Эряви видькстамс: В.К. Радаевень пельде Числав Журавлев тонавтнесь пингензэ перть.
Стихень сёрмадомасо Числав Журавлёвнень пек лездась Михаил Втулкин.
Числав Журавлев эри Самара ошсо. Важодсь «Радио-7 из Самары» ламо нациянь радиостанциянь редакторокс. Поэтэсь вети эрзянь программат. Зярдо Суоми масторонь М.А. Кастренэнь вейсэндявксось яволявтсь радиожурналистнэнь ютксо конкурс, Числав Журавлев лиссь изницякс. Сонензэ макссть те вейсэндявксонь Казне.
[656] 2002 ие. Йовлань Оло (Ромашкин Владимир Иванович)
Йовлань Оло чачсь 1951-це иень таштамковонь 6-це чистэ Мордовиянь Покш-Березник буень Чугурвелесэ. Эйкакшпингезэ ютась Ицялонь буень Ицяло велесэ (Мордовия).
1975-це иестэ прядызе Саран ошонь Л.П. Кирюков лемсэ музыкань училищань дирижеронь-хоронь куронть-отделениянть. 1980-це иестэнть прядызе Казанень консерваториянь дирижёронь-хоронь факультетэнть. 1980-це иестэ — 89-це иес тонавтни аспирантурасо, важоди МНИИЯЛИЭ-сэ. 1986-це иестэ лиссь монографиязо: «О некоторых особенностях традиционного песенного искусства мордвы-каратаев». Эйсэнзэ ёвтневи Татарстанонь каратайгнень фольклордост. Седе мейле Йовлань Оло невтизе прянзо паро сценаристэкс ды кинематографистэкс. Тейсь документэнь кавто фильмат: «Каратаи» ды «Истоки». Сайневсь музыкань телефильмасонть «О чем поёт «Торамо». 1990-це иестэ — Мордовия Республикань Культурань училищасо тонавтыця.
Музыкантонть всесеме содавикс ды покш тевезэ «Торамо» морамо куронть пурнамозо. Сонзэ репертуарс совасть эрзянь, мокшонь ды лия раськень морот.
Эрзянь моро марто васенце компакт-дискенть теицязоль Ромашкин В.И.
Покш, лезэнь кандый, ояксчинь кемекстамонь кис Йовлань Одонь Эстэнь Масторонь Прявткурось 2001-це иень эйзюрковонь 7-це чистэ казизе Крест Святой Марий орденсэ.
Кулось Йовлань Оло 2007-це иень умарьковонь 29-це чистэ. 2006-це иестэ важоди Ромашкин лемсэ этнокудо
2003 ие. Константин Прокаев
Мон, Прокаев Константин Васильевич, чачинь 1930-це иестэ, ожоковонь 25-це чистэ, сокицянь-видицянь [657] эрзянь семиясо Пенза ёнксонь Сосновоборонь буень Ташто Нувал (Нижний Мывал) велесэ.
1941-це иестэ прядынь 4 класст эсенек велень школасо, сисем класстнэнь — Вацялаень школасо. Мейле ниле иеть тонавтнинь Сосновоборонь педучилищасо, косо тонавтсть эрзянь ды татаронь кельтнень. 1950-це иестэ карминь важодеме тонавтыцякс Сосновоборской райононь Мокшонь Вязовка велень школасо. Ветинь рузонь келенть.
1951-1953-це иетнестэ ульнинь армиясо. Тосто самодо мейле таго карминь важодеме тонавтыцякс Вязовкасо, мейле — тиринь велесэм, Ташто Нувалсо. Тонавтынь эйкакштнэнь кортамо рузонь кельсэ, а эрзянь келенть, кода ней, истя сестэяк, тонавтоманзо эзть мере. 1961-це иестэ прядыя Пензань пединститутонь филологиянь факультетэнть (зачно). Школасо важодемстэ путнимизь завучокс, директорокс.
1963-це иестэ кочкимизь колхозонь парткомонь секретарекс. 1965-це иестэ, кучимизь тонавтнеме Ростовонь ВПШ-ав (г. Ростов-на-Дону). 1967-це иестэ карминь важодеме Никольск ошсо. Васня кавто иеть райкомсо. Мейле кучимизь уренлямо милицияв замполитэкс, косо савсь улемс 18 иеть.
1996-1999-це иетнестэ важодинь эрзянь келень тонавтыцякс Никольск буень Покш Пермизь велень школасо. Савсь лоткамс: те шкас эрзянь келень тонавтомась Пензань губерниясо законс апак совавто, ашти лепштязь.
Ульнинь делегатокс омбоцеде (1995) ды колмоце (1999) эрзянь ды мокшонь раськень Инекужосо, конат ютавтозь Саран ошсо.
1995-це иестэ саезь неень шкас получан ды ловнан седейшкава питневтеме питней «Эрзянь Мастор» газетанть ды тензэ бажан лездамо.
[658] 2004 ие. Мацьказонь Лёфай (Алексей Лукьянович Лежиков)
Дипломатось, журналистэсь-международникесь Алексей Лукьянович Лежиков (Мацьказонь Лёфай) чачсь 1941-це иень чадыковонь 14-це чистэ Московонь областень Люберцы ошсо робочеень семиясо. Эйкакшпингезэ ютась Пенза ёнксонь Шемышейкань буень Ермеёв велесэ.
1958-1960-це иетнестэ важодсь слесарекс Люберцы ошонь заводсо.
Урендясь Советской Армиясо (1960-1963). Прядызе СССР-нь МИД-нь международной отношениянь Московонь государственной институтонь (МГИМО-нь) восточной отделениянть (1969). Важодсь дипломатокс Турциясо, Ливиясо, Болгариясо. 1986-1989-це иетнестэ сон — «Азия и Африка сегодня» журналонь сотрудник, зярыя иеть, 1989-це иестэ саезь, важодсь Сириясо Ближней Востоконь мастортнэнь коряс спецкорокс.
1967-це иестэ саезь ёвтнеманзо, ёвксонзо, юморесканзо ды фельетононзо лиснить «Эрзянь правда», «Эрзянь Мастор» газетатнесэ, «Сятко» ды «Чилисема» журналтнэсэ. 1991-це иестэ Мордовиянь книгань издательствасо нолдазель «Каргонь Ки» эйкакштненень алтазь ёвтнемань сборникезэ. 2011 иестэ совась ломантнень юткс «Мезть ульнесть весть» книгазо.
А.Л. Лежиков покш мель явсь «Масторава» национальной движениянтень, Эрзянь келень ванстома Фондонть правлениясо важодемантень. Ламонь кувалма эри-ашти «Эрзянь Мастор» газетась сонзэ, Мацьказонь Лёфаень лавтовонзо лангс нежедезь. Сонзэ пшти, шкань-шкань чевте, седеень витиця статьянзо учить ловныцятне паро мельсэ.
[659] 2005 ие. Биушкина Мария Романовна
Чачсь 1925-це иень ацамковонь 14-це чистэ Мордовия Республикань Дубинькань буень Морга велесэ. Сон — сёрмадей, келень содый, филологиянь кандидат (1978). Прядызе 1955-це иестэ Мордовиянь педагогикань Полежаев лемсэ институтонть. 1957-62-це иетнестэ-тонавтыцянь тонавтома институтонь методист. 1962-70 — Саранонь телевидениянь, эйкакшонь невтнемань куронь редактор. 1971-84-це иетнестэ — Стерлитамаконь (Башкортостан) ды Славянск ошонь (Украина) пединститутонь тонавтнема пельксэнь прявт.
Кода филологиянь кандидат вешнесь-мукшнось вейкеть валт эрзянь ды рузонь кельтнесэ. Сермадсь школасо тонавтнемань книгат, ёвтнемат, стихть, пьесат.
Мария Романовна ламо паро тевть тейсь эрзянь келень идема мелявкстнесэ. Ламо иеть важодсь Московонь «Эрзянь вайгель» Вейсэндявкссонть, ульнесь зярыя иеть сонзэ прявтокс. Лездась, вийть эзь вансто, Эрзянь келень идема Фондонтень, ульнесь нежекс «Эрзянь Мастор» газетантень, сравтнесь-сермадстсь Московонь эрзятнень юткова. Паро тевензэ-тешкстазельть А.П. Рябовонь лемсэ Казнесэ (2005).
2011-це иень аштемковонь 19-це чистэ Московсо Мария Романовнань эрямо кизэ прядовсь. Калмизь Якстере Луга велинес — Мордовия, Дубинькань буе. Эрзянь келень ванстомань тевтнесэ те покштояк покш ёмавкс.
2006 ие. Гайнинькай Пичай (Гаврилов Петр Дмитриевич)
Гайнинькань Пичай чачсь 1948-це иень медьковонь 3-це чистэ эрзянь покш Селища велесэ (Мордовская [660] АССР). Советэнь армиясо зярыя иень перть урендемадо (служамодо) мейле сась эрямо Красноярск чирень Лесосибирск ошов. Важодема тарказо — вирень-экспортонь предприятия. Вете эйкакшонь тетя. Талай уш пенсиясо.
Гайнинькайнь Пичай ламо вийть путсь ды путы эрзянь келенть мазычидензэ, сюпавчидензэ валсо ды гайтьсэ ёвтнемантень. Ёвтни теде, превс
совавты Красноярск чирень ёнкстнесэ ды, зярдо сакшны, Сарансо, Мордовиясо, эрьва косо. Тень туртов 1994-це иестэ саезь сёрмадсты 25 экз. «Эрзянь Мастор» газетанть. Учить Сибирьсэ те кулялопанть эрзятне, ловныть татартнэ, комитне, мокшотне, маритне, удмуртне...
Лесосибирскойсэ умок уш панжозь ды теи паро тевензэ эрзянь ды лия раськень музеесь. 2006-це иень Лауреатось ульнесь «Масторава» вейсэндявксонть Инекужосонзо (1990), мордвань покш промкссост (1954, 1999, 2002, 2005). Сакшнось ды кандсь покш лезэ Раськень Озксонь ютавтомантень (1999, 2004, 2007...). Ютавтни Эрзянь Келень чи. Пурнась финнэнь-угрань кельтнесэ сюпав библиотека.
2007 ие. Дригань Толай (Осипов Анатолий Григорьевич)
Чачсь Осипов Анатолий Григорьевич (Дригань Толай) 1948-це иень чадыковонь 8-це чистэ Киргизстансо.
1963 ие. Прядызе Самара ёнксонь Похвистень буень 8-классонь эрзянь Олежвеленьшколанть, а 1966-це иестэ-теке ёнксонь Подбелень педагогикань училищанть. Теде мейле важодсь тонавтыцякс Ветькень ды эсензэ велень школасо. Седе тов ульнесь геологокс [661] Памир пандтнэнь ютксо, Магадансо, Охотонь буень Хаканджасо, вешнесть сырне. 15 иень перть ламо таркава топавтсь артыцянь-художникень тевть. Свал, косо илязо эря, ловнось «Эрзянь правда» газетанть ды «Сятко» журналонть. Шкань ютазь сюлмавсь «Эрзянь Мастор» газетанть ды «Чилисема» журналонть марто. Сёрмады эрзянь кельсэ ёвтнемат, статьят, стихть. Спортсмен.
«ЭМ»-нь ловныцянзо парсте содасызь Дригань Толаень седейс пачкодиця, виевдеяк виев публицистикань статьянзо. Эйсэст сюпавдояк сюпав ды пшти эрзянь ды рузонь кель, покш смусть, превей арсемат, видечинь кирдий ёнкс. Авторост парсте содасынзе Эрзянь Масторонь пек паро ды аволь паро тевтнень. Зярыяксть сакшнось Саранов ды Лукояновав эрьва кодамо илань ютавтомо.
2008 ие. Александр Андреевич Маловонь Меельце Валозо
Мон, Малов Александр Андреевич, эрзякс Лёня, чачинь 1939-це иень ацамковонь 3-це чистэ Сибирень Краснояр чирень тайгань Каяткай эрзянь велесэ. Бодян-иняван састь тей, Сибирь ёнов, Мордовиянь Ордань буень Кеченьбуе велестэ (тетям) ды Колазьвелестэ (авам).
Ниле классонь прядомадо мейле ушодынь тонавтнеме шабра велень сисем иень школасо. Прядыя сонзэ 1956-це иестэ.
Канск ошонь 7 № куншка школанть прядыя 1959-це иестэ. Армиядо мейле сёрмадынь энялдома ды туинь Братской ГЭС-нь тееме. Важодинь тесэ колмо пель марто иеть, 1967-це иес.
1967-1971-це иеть — Московонь раське ютконь Институт (Институт международных отношений). Прядыя сонзэ международной экономической отношениянь факультетэнть.
[662] Важодинь омбо мастор тевтнень коряс Министерствань (МИД СССР) финансонь управлениясо. Мейле, СССР-ть каладомас, «Минмонтажспецстроень» контрольно-ревизионной управлениясо
Важодян теманть лангсо: кода, косто састь эрзятне неень эрямо тарказост. Зяро улеть вием лездан «Эрзянь Мастор» газетантень, эрзянь келень идема Фондонтень, «Этно-кудонтень», Эрзянь Пазонь тевентень. Эрян Московсо.
Кулось Александр Андреевич 2008-це иень медьковонь 17-це чистэ. Калмазь Красноярск чирень Канск ошсо.
2008 ие. Орест Борисович Ткаченко
Орест Борисович Ткаченко — украинец, житель Киева, финно-угровед, доктор филологических наук, профессор, член-корреспондент Академии Наук Украины, знает более 15 языков, среди них эрзянский, — в течение нескольких лет переписывался с эрзянской поэтессой Маризь Кемаль. О.Б. Ткаченко — автор нескольких книг, множества статей о проблемах развития языков. В книге «Мерянский язык» проф. Ткаченко, опираясь на эрзянский, делает попытку восстановления исчезнувшего языка.
Письма О.Б. Ткаченко настолько интересны, глубоки по содержанию, так насыщены разносторонней информацией, что было бы грешно эти широкие знания оставить достоянием только одного человека: поэтессы Кемаль. Мы попросили Ореста Борисовича позволить печатать в нашей газете отрывки из его писем, на что он любезно согласился. В 2007 году они были изданы отдельной книгой — «Письма далёкого друга».
[663] 2009 ие. Биккинин Ирек Дамирович
Биккинин Ирек Дамирович родился 25 марта 1956 г. в с. Татартская Тавла ныне Лямбирского р-на Мордовии, в семье служащих. Татарин. Журналист, общественный деятель, член Союза Журналистов России (1997). Окончил Мордовский государственный университет: факультеты — механизации сельского хозяйства (1982), филологический (1990). В 1972-82 — крутильщик Саранского кабельного завода, тракторист, инженер, слесарь, бригадир тракторной бригады, электрик совхоза им. Чапаева Лямбирского района; 1982-92 — инженер-конструктор, начальник отдела маркетинга Саранского экскаваторного завода; 1992-97 — заместитель директора консультативно-внедренческой фирмы «Опыт». С 1997 г. — главный редактор «Татарской газеты». Один из руководителей общества татарской культуры «Якташлар» (с 1991 г.). Автор статей по истории и культуре мишарей и проблемам ислама. Составитель первого в Мордовии сборника фольклора мишарей «Рэхмэт, эни!» («Спасибо, мама!», 1996), сборника стихов X. Такташа «Возвращение на родину» (2000). Редактор первой в мире татарской электронной газеты в Интернете (1999) с текстами на татарском, русском и английском языках. Удостоен звания «Татарин года — 2001».
Печатается в газете «Эрзянь Мастор». На протяжении долгих лет помогал «ЭМ». Активный борец с творимой в нашей жизни несправедливостью. Ирек Дамирович, как доверенное лицо, выступал в защиту «Эрзянь Мастор» на суде, возбужденном Прокуратурой и ФСБ Республики Мордовия против газеты.
[664] 2009 ие. Шаронов Александр Маркович
Шаронов Александр Маркович чачсь 1942-це иень даволковонь 18-це чистэ МАССР-нь Тенькужонь буень Шокша велесэ. Важодсь слесарекс, урендясь-служась Советэнь Армиясо, Н.П. Огарев лемсэ университетэнь прядомадо мейле важодсь школань тонавтыцякс, университетсэ доцентэкс, келень-литературань, историянь ды экономикань Институтсо сотрудникекс.
Шаронов А.М. — поэт, Россиянь сёрмадеень Сюлмавксонь ломань, историк, филологиянь доктор, профессор, эпосонь ды ёвксонь содыдей. Мордовия Республикань Казнень лауреат. Раськеютконь книгань-ярмаркань ды М.А. Кастрен лемсэ вейсэндявксонть литературань васенце Казнень лауреат. «Масторава» эпосонть сёрмадыцязо. Книгась лиссь эрзянь (1994), мокшонь (2001), рузонь (2003, 2010) ды венгрань (2010) кельтнесэ. Лиссь монографиязо «Мордовский героический эпос: Сюжеты и герой» (2001). Книганзо «Откуда пошла Русская земля» 2012-це иестэ печатызь Германиясо. Ловныцятне редизь поэзиянь ды прозань книганзо «На земле Инешкипаза» (2006).
Александр Маркович теевсь содавиксэкс ламо масторга «Масторава» эпосонть вельде. 1989-93-це иетнестэ авторось ульнесь «Масторава» вейсэндявксонть пурнамсто-теемстэ васенцетнень ютксо. Сон сёрмадокшнызе пурнавксонть Уставонзо, теекшнесь редакция Программантень. Зярдояк Александр Маркович мелензэ-вановтонзо эзь полавтне, прявтнэнь икеле прянзо эзизе комавтне.
2010 ие. Казаков Петр Ефимович
Чачсь 1923-це иень медьковонь 14-це чистэ Мордовия Республикань Покш-Березник буень Симкина велесэ. [665] Эрзя. 1941-це иестэ ульнесь Сталинградонть кис тюремасонть, теде мейле ульнесь Карелэнь фронтсо. Модамасторонь Омбоце войнадонть мейле важодсь Мордовиянь комсомолонь Обкомсо, электролампань заводсо, «Светотехника» сюлмаксонь парткомсо. Кувать тевть ветясь референтэкс Мордовия Республикань «Знание» Вейсэндявкссонть. Прядызе Мордовиянь Н.П. Огарев лемсэ университетэнь историянь факультетэнть. Пенсияс лисемадо мейле 12 иеть важодсь наукань ды техникань информациянь Центрасо.
2010-це иестэ Петр Ефимовичень Сарансо лиссь книгазо «Эрямонь киулот» («Жизненные переулки»). Лиссь омбоце книгазо — «Ютазь пингтсэ варштавкс». Эйсэнзэ колмо теевкссэ драмась «Саранонь эрзя» (рузокс ютавтовсь). Петя лелянок-покштянок «Эрзянь Масторонь» сеедьстэнь инже. Сонзэ тешксэнзэ, арсеманзо, ледстнеманзо аволь чуросто лиснесть ды лиснить «Эрзянь Мастор» кулялопасонть.
Кулось 2012-це иень эйсюрковонь 9-це чистэ Калмазь Саран ошсо.
2011 и. Цыганкин Дмитрий Васильевич
Цыганкин Д.В. чачсь 1925-це иень ожоковонь 22-це чистэ эрзянь Мокша-лей велесэ, кона ней Мордовиянь Чаунзань буесэ. 1943-це иестэ школанзо прядомадо мейле эсь олясонзо тусь Якстере Армияв. Войнанть прядызе Кенигсберг ошсо. 1950-це иестэ нолдызь Армиясто. 1954-це иестэ прядызе Мордовиянь пединститутонь филологиянь-историянь факультетэнть.
1958-це иестэ саезь Цыганкин Д.В. филологиянь наукатнень кандидат. 1978-це иестэ Эстэнь Масторонь Тарту [666] ошсо идизе докторонь диссертациянзо. Куроксто кармась профессорокс. Важодсь ВУЗ-нь зярыя прявттаркасо: проректор, декан, кафедрань прявт...
Тевензэ Цыганкин Д.В. кельтнеде наукасонть ламо ёнксонь: фонетика, лексика, морфология, синтаксис, диалектология, ономастика. Весемезэ сёрмадсь 200-то ламо тевть — «трудтт». Ютксост: «Свидетельства диалектологии как источник изучения истории», «Об особенностях говора с. Мокшалей», «Лексические особенности эрзянских Говоров», «Некоторые особенности развития эрзянского литературного языка», «Мордовская архаическая лексика в топонимии Мордовской АССР», «Память земли» ды седе тов. Цыганкин Д.В. казезь войнань шкань ды мейлень ламо медальсэ, орденсэ, Шнамо лопасо, максозь тензэ Мордовиянь ды Россиянь шнамонь лемть.
Цыганкин профессорось парсте лездась ютавтомс 1990-це иень умарьковонь 3-4 читнестэ «Масторава» вейсэндявксонть Инекужонзо. Эрзянь келенть стакачидензэ, эсь мельдензэ «единой мордовской языктенть» а весть ёвтнесь «Эрзянь Мастор» газетасонть.
2012 ие. Калаганонь Керяз (Рябов Пётр Владимирович)
Калаганонь Керяз чачсь 1961-це иень сундерьковонь 27-це чистэ Мордовия Республикань Кочкуронь буень Вирь Тавла эрзянь велесэ. Пакся Тавлань куншка школань прядомадо мейле — художествань школасо тонавтыця. 1980-1982-це иетнестэ Армиясо урендямодо мейле поладызе тонавтыцянь тевензэ. 1986-це иестэ саезь — художествань промыслань прявт Вирь Тавла велесэ. 1989-1999-це иетнестэ — «Тавлинский сувенир» кооперативень ветиця. Прядызе Мордовиянь университетэнь филологиянь факультетэнть. Россиянь Художникень Сюлмавксонь [667] ломань. 1999-це иестэ кемекстызе «Эрьмезь» чувтосто керсицянь вейсэндявксонть. 2006-це иестэ мелензэ топавтомга панжозель Йовлань Одонь лемсэ «Этно-кудо» музеесь.
Калаганонь Керяз ютавтсь ламо путневкст-невтевкст эсь шкинемадонзо Мордовиясо, Россиясо ды лия масторга есэ. Ютавтсь колмо фестивальть «Торамось терди». Калаганонь Керяз — «Эрзянь Мастор» кулялопань свал шкань сёрмадыця, сёрмадстыця ды сравтниця. Сон сови эрзянь келень идема Фондонь ветямкурос
2013 ие. Чингаень Ёндол (Чингаев Леонид Анатольевич)
Чачсь 1964-це иень ожоковонь 16-це чистэ Мордовия Республикань Отяжонь буень Андреевка велесэ.
Мордовиянь госуниверситетэнь филологиянь факультетэнь рузонь келень ды литературань, эрзянь келень ды литературань куронь прядомадо мейле(1989) важодсь эрзянь келень тонавтыцякс ПаксяТавла велень куншка школасо (1989-1996). 1996-2008-це иеснестэ — теке школань прявт. 2008-це иень ожоковсто ютавтызь важодеме Горяйновка велень юршколань прявтокс (Кочкуронь буе, Республика Мордовия).
Чингаень Ёндол вийть путы эрзянь келенть ванстомга колмо чудильмава:
а) ламо иень перть вети озномань койтнень Раськень ды Велень озкстнэсэ;
б) вийть путы ютавтни Эрзянь келень чи Тавла велесэ ды Саран ошсо;
в) ламо вийть саи «Эрзянь Мастор» газетанть ломантненень пачтямось-сравтнемась. Те тевсэнтькак эрзянь келень тонавтыцясь-прявтось — неже.
[668] 2014 ие. Ананькань Катя (Грачёва Екатерина Николаевна, тейтерькс Полежаева)
Чачсь 1946-це иень якшамковонь 2-це чистэ Пенза ёнксонь Бессононь буень Пазялго велесэ. Рангилеень, мельганзо Пазелкань школатнень, Пензань техучилищань прядомадо мейле прядызе Пензань советэнь торговлянь техникумонть. Меельце иетнестэ важодсь лездыцякс пенсионертнэнень ды эйкакштнэнень (соцважодицякс).
Ананькань Катя седейшкава вечксь раськензэ, эрзянь келенть. Сонзэ вийсэ-превсэ пачколесь «ЭрзяньМастор» кулялопась Пенза ёнксонь ламо ёнкстнэва-таркатнева. Сон ульнесь Саранов эрзянь келень Чинь тешкстамо ардтнемань яксевтицякс, сон ульнесь патянзо-сазоронзо марто кулянь пурныцякс репресировазь сыре лелядост Понетайкин Фёдоро. Свал кирдсь мартонко сюлмавкст почта, уське ды электроника вельде.
Эрямонзо перть Екатерина Николаевна макссь ломантненень седей лембе, валдомгавтсь эрямост. Кулось 2015-це иень ожоковонь 17-це чистэ. Калмазь чачома велесэнзэ.
ЭРЗЯНЬ КЕЛЕНЬ ИДЕМА ФОНДОНТЬ ТЯИЦЯНЗО
Нуянь Видяз (Четвергов Евгений Владимирович)
Чачсь 1934-це иень эйзюрковонь 30-це чистэ Мордовия Республикань Дубинъканъ буень Орданьбуе эрзянь велесэ. Дубинъканъ куншка школань прядомадо мейле ульнесь важодицякс театрасо, клубонь прявтокс. 1959-це иестэ саезь, Пензань велень [669] хозяйствань институтонь прядомадо мейле, важодсь агрономокс. 1965-1996-це иетнестэ — тонавтсь Мордовиянь университетсэ. Наукань кандидат, доцент.
Эрзянь раськенть кис аштема тевтнес совась 1989-це иестэ. Ульнесь «Масторава» вейсэндявксонь васень теицятнень ютксо. Ламо вийть путсь Инекужонь ютавтомантень. 1993-це иестэ панжизе-кемекстызе А.П. Рябовонь лемсэ эрзянь кечень идема Фондонть. Ламо тейсь вельмевтемс Раськень Озксонть, теемс покшчикс Эрзянь Келень Чинть. 1994-ие иестэ саезь — «Эрзянь Мастор» газетанть прявтредакторозо. Прозань ды вачксонь кемгавтово книгань автор.
Кшуманцянь Пиргуж (Мусалёв Григорий Дмитриевич)
Чачсь Мордовия Республикань Игнатонь буень Ташто Кшуманця велесэ 1940-це иень сундерьковонь 19-це чистэ. Куншка школань прядомадо мейле 1959-1962-це иетнестэ урендясъ Советэнь Армиясо. Теде мейле прядызе Мордовиянь университетэнь физикань-математиканъ факультетэнть. Тевде апак сезневе прядызе строямонь факультетэнть. 1988-це иестэ саезь — эрзянь раськенть кис аштиця. Ульнесь «Масторава» вейсэндявксонть васенце теицянзо ютксо. Ламо вийть путсь — парсте ютавтомс сонзэ Инекужонзо. 1993-це иестэ саезь топавты эрьва кодат тевть Эрзянь келень идема Фондсо. 2000-це иестэ саезь — идема Фондонь ветямкуронь прявт. Кшуманцянь Пиргужонъ весемеде покш тевезэ — те Эрзянь Раськень Озксонть вельмевтемазо (1999). Ламо лезэ, тевть теи «Эрзянь Мастор» газетантень. Эрьва иестэ ютавтови Эрзянь келень Чи, промкст, ваастовомат, фестивальть... Эрьва чинь тевтне а лововить. Паро тевензэ кис аволь весть кирдийтне-властне сайнизь панжома экшс.