Валда ян/1931/03/Рабочай, колхозник, ашу, середняк и трудяй ялгат!
| Сембе масторонь пролетариятне, пуромода марс!
|
| 3 № | Март ков 1931-це киза | 3 № |
Рабочай, колхозник, ашу, середняк
и трудяй ялгат!
Мокшэрзянь автономнай областень советонь васенце пуромкссь пуромсь вете кизонь плантть колмоце кизонц уставамстонза, мзярда тевса путф кизефкссь СССР-са социалистическай экономикань фундаментть тиемац и минь автаномнай областеньконь омбоце кизонц ушодомац, кона ащи кемокстайкс тевса Ленинскай национальнай политикать правильнайста йотафнеманцты.
Пуромксть работанза йотнихть ся пингова, мзярда моли классовай кемя тюрема Советтнень странаса, мзярда лия масторонь буржуазиясь прянь-пильгонь синдезь аноклай война СССР-ть ланкс сяс, што сонь (буржуазиять) эсонза люпштай экономическай кризиссь
Афкунара шумордаф суць контреволюционерхнень (Промпартиять) ланкса няфтезя, конашкава вяти тюрема пролетариатть диктатуранц ланкс контр-революциясь тя пингова. Сон станя жа няфтезя, што война аноклахть, кона кошярясамазь миньгя атпоронь максома.
Социалистическай строительствать тя пингоц ащи переломнай пингокс сяс, што советонь странась кармась вятема социализмань наступление сембе фронтова, мзярда „кия кинь“ кизефкссь промышленностть эса пяшкотьф социализмать пользас. Велень хозяйстваса минь положениянеськ стама, мзярда „вишкста касы промышленносць шарфни шаманц велень хозяйствать шири и ноляй эсь аноклаф рессурсонзон велень хозяйствать социалистическай тиеманцты оцю коллективизированнай производствань ушеткшнемать вельдя.“
(Калининтть валоц ВКП(б)-нь XV пуромкса).
Тя пингова минь практикаса кармамя машфнема кулачествать, кода классонь, сплошной коллективизациять вельдя, кона ащи марнек эксплатациянь машфтомакс СССР-са.
Тя сембе корхтай сянь колга, што минь тихтям социализмати экономическай база, соцайнек велень хозяйствать и социалистическай индустриять мархта фкя целай хозяйствас и велень хозяйствать и промышленностть йоткса продуктатнень видеста полафнемаснон вельдя калмасайнек сятканаватнень, конатнень корява шачендыхть класст и капитал.
Оцю сатфксне социалистическай строительстваса ащихть результатокс лама крдатнень, рабочай классть, колхозникнень, батракнень, ашуфнень и среднякнень героическай энтузиазмаснонды, конань макссесазь тевса коммунистическай партиять руководстванц вельдя, Ленинскай лозункть — производственнай сотксть — эряфс йтафнема, кона вятеви вишкя ударничествань, социалистическай фкя—фкянь йтамань волнаса, васеткшнема промфинпланонкса.
Оцю сатфкснень ваксса социалистическай строительстваса минь улихть стака вастонек, а сембода пяк тяфтама фталу лятф и хозяйстваса и культураса Мокшэрзянь обласьца, кона ащесь кафтонь крда люпштафста: фкя ширеста оцязоронь самодержавиясь люпштась, омба ширеста национальнай буржуазиясь (кулачествась). Аньцек октябрьскай революциясь и партиять национальнай политикац макссть прават и возможность кеподемс культурнай-экономической шиснон фталу лятф нациятнень СССР-са инголи моли нароттнень лаца.
Культурнай—экономическай касоманьконди няфти результатокс ащи ся факць што Мокшэрзянь областень промышленностть валовай продукцияц кизоста кассь 25 проценц, видеф площац касфтовсь 1032 тьожянь гектарс ингольдень кизотнень коряс кассь 3,5 проценц, коллективизацияса, фатяф 1931 кизонь 1 январьть самс велень хозяйствать эзда 13 проценц, а 1929 кизоня ульсь аньцек 3,1 процентт. Велеса сокась полафтф кяряца и лия машинаса. Совхознай строительствась фатясь паксяда 125 тьожянь гектархт, а йотай кизоня ульсь аньцек 5 тьожянь гектархт. Областень бюджець кассь йотай кизоть коряс 54,6 процентта сяда ламос, улихть станя жа оцю сатфкст культурнай революциянь фронца — иттне школава фатяфт 96 проценц, а йтай кизоня ульсь анцек 56 процентт, панчшевихть повышеннай типонь школат, средняй школат, касы национальнай печаць и ст. т.
Рабочай, колхозник, ашу, средняк и марнек трудяй ялгат!
Штоба кемокстамс сатфкснень и синь вельдест вятемс тевть инголи, Мокшэрзянь автономнай областть инголя ащихть тяфтама задачат:
1. Колхозонь пуроптома движениять эса минь лядомя фталу лия райоттнень коряс крайса (крайть эса марнек коллективизациянь проценць пачфтьф 33 проценц, а Мокшэрзянь обласьца — 13 проценц) и пяк кальдявста тяниень пинкс моли[ 2 ]анокламась тундань видемати (видьмонь анокламась, паксява ловонь кирьнемась, тягловай виень анокламась и ст. т.). Большевицкай омбоце тундась, конанди тейнек эряви анокламс боевойста, эряви йтафтомс сатыкс мархта. Большевитскайкс эряскафтомс коллективизациять вятеманц сплашной коллективизациянкса, конань основнойста минь крайсонок эряви шумордамс 1931 кизоть йтамс. Минь областеньконди тя кизоть йтамс эряви фатямс коллективизацияса аф 65 процентта кржа, а тундань видема кампаниять йтафтомста 40-45 процентт. Тя задачать пяшкодемс условият улихть. Сьора видиень основной массась кемоста арась коллективизациянь кити. Тракторда обласьца ули кота сятт, пуроптовихть кефкия машинань тракторонь станцият.
Тя задачатнень пяшкодема эрявихть боевойста путомс Райисполкопнень и вельсовоттнень работаснон — кода боевой штабонь колхозной движенияса, кеподемс тя тевса работама сембе марстонь вайхнень ошса и велеса. Лядямс боевой кис пролетариатть диктатуранц сембе виензон — профсоюзть ашувонь группатнень, производственной совещаниятнень колхозса и секциятнень вельсовеца. Афужяльдезь йордамс ки лангста оппортунизмань элементтнень и „кержи“ шири шарондыхнень работамста, сембе тевть, сембе мероприятиятнень, конат ащихть кемя сотксса социалистической переустройствать мархта, эрявихть йотафнемс классовой четкость мархта, боевой революционной эряскодомаса.
Колхозной омбоце тундоть омбоце решающай этапть йотафтоманц, кулачествать кода классонь машфтоманц мархта тийхтяма перелом социалистической строительстваса Мокшэрзянь обласьца. Тундань видима кампаниять и коллективизациять конкретной задачаснон эрявихть йотафтомс Мокшэрзянь обласьца жуватань водямать и техническай культурань видендемать вишкоптемаснон мяльса.
2. Коллективизацияса очередной задачакс ащихть сембе вийса кемекстамс пуроптф колхоснень, лацкас путнемс тевсь рабочай вийть, лацкас пуроптомс трудть, правильнойста явшемс сьороть вищкоптемс социалистическай фкя-фкянь йотамать и ударничествать колхозса и колхоснень йоткува, араптомс колхоснень эзда аф эрявикс ломаттнень, чуждойхнень, пуроптомс бригадать башка эряень колхозу сувафтомать колга роботама, ладямс отчетонь тиендемать колхоснень ширьдя башка эряйхнень инголя.
3. Партиять и правительствать путфкссна контрактацить колга, нолдаф коллективилациять вишкоптема и велень хозяйствать ланкса промышленностть плановой руководстванц ладяма, — сонь эряви йотафтомс эряфс сяда проценц и эсь пинкстонза.
Минь обласьценок контрактациянь заданиясь ванондови тяфтема цифраса: розьса 475480 гектархт, тозяраса 7892 гектархт, пинемса 253202 гектархт, люкшаса 22807 гектархт, чичевицяса 33785 гектархт, снавса 14374 гектархт, викаса 18399 гектархт.
4. Заготовительной планттнень шумордамаса минь станя жа лядяма фталу лия райотнень коряс. Сяс тейнек эряви оцюдонга оцю мяль путомс сьоронь и сиволень аноклама платтнень шумордамаснонды, а станя жа и сырьянь аноклама платтнень колганга, кона кирьди оцю политическай и экономическай значение, вете кизонь плантть колмоце кизонц пяшкодемста сон кирди решающай значение
5. Йотай кафта кизотнень эзд вете кизонь плантть пяшкочнемаса рабочайхне и работницатне Мокшэрзянь обласьца няфтезь эсь кемя шиснон. Промышленностть лама вастова кирьфтаф товарть эсь питнец (себестоимйстец), кепотьф трудть производительностец. Вете кизонь плантть колмоце кизоста, кона ащи решающай кизокс сембе плантти эряви сядонга лама максомс вий, активность, кеподемс трудовой дисциплинать, трудть производительностенц. Васедьма промфинпланттнень пяшкочнемасна и вельф пяшкочнемасна штоба араль боевой задасакс сембе рабочайхнннди и роботницатненди. Социалистическай метоттне — фкя-фкянь йотамась и ударничествась улеза лозунгокс эрь робочайтм. Партиять и совецкай властть лозунксна — фкавок прогульщик кодамовок фабрикаса, завоца тяза уль. „Вете кизонь плантть — ниле кизота“ лозунксь улеза йотафтф эряфс васеньцекс и промышленносттькя эса Мокшэрзянь обласьца
6. Мокшэрзянь обласьца ули машина кинь узел, кона кирди оцю вес марнек тронспортть эса Прорыфнень сяда курок машфтома эрявя шарфтомс оцю мяль аф аньцек машина кинь пролетариатты и пролетариатть органонцты — Советтненди, но и сембе пролетарскай и марсcонь вийхненди. Минь содасаськ што транспорца курокста прорыфнень машфтомаснон вельдя пяшкодеви народнай — хозяйственнай планць, вете кизонь плантть колмоце кизоц, пяшкодеви большевицкай омбоце тундась.
7. Культурнай революциянь и кадРань аноклома кизефксне сембодо пяк мокшэрзятнень йоткста (минь обзасьценок) ищихть основной условиякс инголи мольманьнойди. Тя тевса советтненди боевой роботакс ащи ся, штоба 100 проценц иттнень фатямс школава, фетямс культпоходть мархта сема сьормас афсодайхнень, а васенданигя мокшэрзятнень и сембода оцю мяль путомс мокшэрзянь аватнень сьормас тонафтомаснон ланкс.
Афужальдезь тюремс кулачествать мархта, афужальдезь тюремс кафта фронтова — великодержавнай шовинизьмать, кода тяниень пингонь сембода оцю пелькстть мархта и тязкстонь национализьмать мархта
Рабочай, колхозник, батрак, ашу, середняк и трудяй ялгат!
Пуромкссь азы уверенность, што совецкай оргаттне — райисполкопне и велень советтне, профсоюзонь и марстонь организациятне, пролетарскай и марнек трудяй массать активнай участияснон мархта, Ленинской партиять руководстванц вельдя инголи ащи оцю хозяйственной политическай задачатнень пешкоцазь н вельф пяшкоцазь эсь пинкстост.
Вяцаськ Мокшэрзянь областть и марнек Средне—Волжскай крайть сплошной коллективизацияс!
Шумбра улеза большавиконь Ленинскай партиясь и сонь вятиец Сталин ялгась.
Пуромксть президиумоц.