Святое Евангелие (эрзянь)/В/Иоаннонь/09

[ 254 ]

Глава 9.

¹Ютамсто нейсь ломань, кона шачмонзо маро сокороль. ²Тонавтницянзо кевстизь Сонзэ, мерезь: Тонавтыця! ки совась пежетс: соньсь или тетянзо-аванзо, сон сокурсто шачсь? ³Іисус мерьсь: эзьть совак пежетс а сонсь, а тетянзо-аванзо, а сонзэ лаҥгсо Пазонь тевть неявольть-бу. ⁴Монень эрявить теемс Монь кучицянть тевтнесэ, знярс чи; сы ве, сестэ кі-як (мезе-як) а тееви. ⁵Знярс Мон мастор лаҥгсоян, Мон мастор лаҥгостень валдоян. ⁶Тень мерезь, Сон сельгсь масторов да сельгевксэстэнть тейсь рудаз, да рудаснэнть вадьнинзе сокурсть сельмензэ, ⁷да мерьсь Тензэ: Азё шляк Силоамонь экшелямо таркасонть, конатадо мерить кучовко. Сон мольсь да шлясь, да мекев сась уж неезь. ⁸Шабранзо да конат икеле сонзэ некшнызь сокурсто, кортлесть: те аволь се-ли, кона озадо ащекшнэсь (милостынянь) вешезь? ⁹Веенцт кортасьть: те сон, а ліят (кортасть аволь сон) аньсяк сонзэ ёнов моли. А сонсь кортась: те мон. ¹⁰Мерьсть тензэ: кода тонть паньжть сельметь? ¹¹Сон мерьсь каршост: Іисус лемсэ Ломань тейсь рудаз, вадьнинзе монь сельмень да мерьсь тень: азё Силоамонь экшелямо таркастень [ 255 ]да шляк. Мон молинь, шлинь да нейме карминь. ¹²Сестэ мерьсть тензэ: косо се (ломансь)? Сон мерьсь: аздан. ¹³Ветизь, икелень сокорсть фарисейтьненень. ¹⁴А чись субуталь, кода Іисус тейсь рудаз да панжиньзе сонзэ сельмензэ. ¹⁵Кевстизь сонзэ фарисейтьне-як истяжо, кода сон кармась нейме. Сон мерьсь тенст: рудаз путсь монь сельмень лаҥгс, мон шлинь да неян. ¹⁶Конат-конат фарисейтьнень эйстэ кортасть: Те Ломансь аволь Пазонь пельде: субута а кирьди. Ліят кортасть: кода пежетев ломаннень теевить истят тевтьне? Истя ульнесь сынст ютковаст пелькстамо. ¹⁷Таго мерить сокорстень: тон мезть мерят Соньдензэ: Сон ведь тонть сельметь панжинзе? Сон мерьсь: те пророк. ¹⁸Сестэ Іудейтьне эсть кемть, што сон сокор ульнесь да нейме кармась се шкас, знярдо терьдизь се нейме кармицянть тетянзо-аванзо ¹⁹да кевстизь сынст, мерезь: те ли тыҥк цёраҥк, конатадо тынь кортадо, што сокурсто шачсь? кода сон ино ней неи? ²⁰Сонзэ тетянзо-аванзо мерьсть тенст: минь содасынек, те минек цёрась да сокурсто шачсь; ²¹а кода ней сон неи, а содатанок, ки панжинзе сонзэ сельмензэ, седе-як а содатанок, сон сонсь уж покш, сонсинзэ кевстиҥк, кадык сонсь эсьтедензэ ёвты. ²²Истя кортасть тетянзо-аванзо еврейтьнеде пелезь: ведь еврейтьне кортасть эсь ютковаст: ки Іисусонь путсазо Христозокс, сень синагогасто панемс. ²³Секс сонзэ тетянзо-аванзо мерьсть: Сон сонсь покш, сонсинзэ кевстиҥк. ²⁴Терьдизь омбоцеде ломаненть, кона ульнесь сокор да мерьсть тензэ: шнык Пазонть, минь содасынек се ломанесь пежетев. ²⁵Сон тень [ 256 ]каршо мерьсь тенст: пежетев-ли Сон, а содан, содан Мон вейке: ульнинь сокор, а ней неян. ²⁶Сынь кевстизь сонзэ таго: мезе сон тейсь тенть? кода панжинзе тонть сельметь? ²⁷Сон мерьсь тенст: мон уж ёвтынь теҥк, — а тынь эзьмезь кулцонок, мезе ощо мелеҥк марямс? или тыҥк-как мелеҥк Сонзэ тонавтницякс теевемс? ²⁸Сынь покордызь сонзэ да мерьсть: тон сонзэ тонавтницясь, а минь Моисеень тонавтницятанок. ²⁹Минь содасынек, Моисей марто кортась Пазось, а Тень а здасынек, косто Сон. ³⁰Ломаньсь мерьсь каршост: те дива, што тынь а здасыҥк, костонь Сон, а Сон панжинзе монь сельмень. ³¹Аньсяк минь содасынек, пежетевтнень Пазось а кулцонокшны, а ки Пазонть лови да Сонзэ мелензэ кувалт теи, сень Сон кулцоны. ³²Пиҥгензэнзэ эзь марявкшнок, ки бу панжоволь сокорсто шачозенень сельть. ³³Аволь ульть-как Сон Пазонь пельде, мезе-як бу Тензэ аволь теевть. ³⁴Сынь мерьсть тензэ: пежеть потсо весе шачыть, тонеть-ли минек эснэ топавтомс? да панизь сонзэ вон. ³⁵Іисус, кода марясь, што сонзэ панизь, муизе сонзэ, да мерьсь тензэ: кемат-ли тон Пазонть Цёранстэнь? ³⁶Каршонзо сон мерьсь: ки Сон, Господи, штобу монень кемемс Тензэ? ³⁷Іисус мерьсь тензэ: Тон неик Сонзэ, Сон корты мартот. ³⁸Сон мерьсь: кеман, Господи, да сюкунясь Тензэ.

³⁹Іисус мерьсь: Мон судс сынь те масторонть лаҥгс, штобу анеитсятне неевельть, неитсятне сокоргадовольть. ⁴⁰Тень марязь, конат-конат вакснэнзэ улицят фарисейтнень эйстэ мерьсть Тензэ: ара минь-гак сокуртанок? ⁴¹Іисус мерьсь тенст: [ 257 ]улевледедеряй сокорт, пежетеҥк аволь уль-бу, а тынь кортадо, што нейдядо, секс пежетьсь кадови лаҥгозоҥк.