Святое Евангелие (эрзянь)/В/Лукань/12
Глава 12.
1Кода промсь пек ламо народ, натой вейкест-вейкест лаҥгс эцесть, Сон кармась кортамо, васнят эсь тонавтницянстэнь: ванстодо пряҥк эснэ фарисеень чапавтумадонть: сон ломанень манчима. 2Ведь мезе-як истя кекшезь а эри, конась-бу аволь муевть; истяжо салава тев-гак, конадо-бу авольть содак. 3Тень кувалма, мезе тынь ёвтыде чопуда таркасо, се марязь ули валдо таркасо: мезе кортыде пилес, кудо потсо, седе кармить кортамо кудо прясто. 4Кортан теҥк, эсь ялган [ 182 ]туртов: илядо пельть сетнеде, конатненень ёмавтови аньсяк киськесь, а лія мезе-як тенст а тееви. 5Ёвтан теҥк киде пелемс: пеледе седе, конань куловтомодоҥк мейле ули олязо каямс тыҥк амадиця толс. Да, мерян теҥк, седе пеледе. 6Аволь вете нармуннеть ли микшневкшныть кавто ассаріядо, а вейке-як эстэдест Пазонть икеле апак стувт. 7А тыҥк весе пря-череҥк-как ловнозь. Тень кувалма, илядо пельть: тынь ламо нармутьнеде питневттядо.
8Мерян теҥк: ки Монь ломань икеле содавцамам, сень Ломанень Цёрась-как Пазонь Ангелтнэнь икеле содавцазо. 9А ки Моньдень ломань икеле сёпи, седе Пазонь Ангелтнэнь икеле-як сёпозь ули. 10Эрьва ки, ёвтыньдеряй вал Ломанень Цёранть лаҥгс, простязь ули, а ки ёвтыньдеряй берянь вал Святой Духоньть лаҥгс, се простязь а ули. 11Знярдо ветятадызь промксос, начальникненень, да прявтнэнень, илядо мелявт, кода или мезть теҥк отвечамс, или мезть кортамс: 12Святой Духсь тонавттадызь се частонть, мезе эряви кортамс.
13Народ ютксто вейке мерьсь Тензэ: Тонавтыця, мерьть братон туртов, явовлессе-бу марон тенекь кадовозь ули-паронть. 14Сон мерьсь ломаньстень: ки Монь путымем тыҥк лаҥгс судіякс, или явшицякс? 15Се пиҥгть мерьсь тенст: ванодо, ванстодо пряҥк сюпав чис правтомодо, — ведь ломанень эрямось а ваны сюпав чи лаҥгс.
16Ёвтась тенст притча: ве сюпав ломанень парьсте шачсь паксясо сюрозо. 17Сон эсь пачканзо арьсесь: мезть теян? Монь арась сюронь пурнамо таркам; 18мейле мерьсь: вана, мезе теян: яжасынь [ 183 ]утомон да седе покшт теян, да тозо пурнасынь весе сюрон да ули-паром, 19да мерян оймень туртов: оймем, ламо тонть ули парот ашти, ламо іес саты, — васькак ней, симть, ярсак, да весёлгалек. 20А Пазось мерьсь тензэ: превтеме, те вестэнть-как ойметь сайсызь эйстэть, кинень кадови, мезе тон анокстыть? 21Истя эри, ки эсь кисэнзэ паро пурны, а аволь Пазонь кис сюпалгали. 22Мейле мерьсь эсь тонавтницянстэнь: тень кувалма, мерян тенк: илядо мелявт оймеҥк кис, мезьде теҥк ярцамс; киськеҥк-как кис — мезес орчамс. 23Оймесь ярсамодонть покш, а киськесь — одижадонть. 24Ванодо варакатьнень лаҥгс: сынь а видить, а нуить; арасть сынст а ули-паронь путмо таркаст, а утомост, а Пазось три эснэст; а тынь зняро раст нармутьнеде парттадо? 25Ки тыҥк ютксто, пек пиштевтезь, эсь сэрезэнзэ лездави хоть ве кенере? 26Аламось-как теҥк а теевиньдеряй, месть ламоньть мельга правттадо? 27Ванодо балягатнень[1] лаҥгс, кода сынь касыть: а пиштевтить, а штердить; мерян теҥк, Соломон-гак, кодамо славазо ульнесь, а истя эзь орчакшнок, кода вейкесь сынст эйстэ. 28Пазось истя орчавтыньдеряй паксянь тикшеньть, кона чече касы, а ванды каштоц[2] каязь ули, а седе-як-ли парьсте орчатадызь тыҥк, аламо-кемицят. 29Ино илядо вешне, мезьде теҥк ярсамс или мезьде симемс да илядо мелявт-как. 30Ведь весемень нень вешнить аньсяк те пиҥгень ломатьне: тыҥк Тетяҥк соды, што неть теҥк эрявить. 31Тынь весемеде пек [ 184 ]вешнеде Пазонь инязорокс чинть, сестэ весе неть-как максозь улить теҥк.
32Иля пельть, вишкине стада, ведь Тетяҥк паро мель сайсь тынеҥк максомс инязорокс-чисть. 33Микшниҥк эсь ули-пароҥк да милостинат явшеде. Анокстадо эстеҥк менель лаҥгс путма таркат а таштомицят; ули-паро знярды-як а маштыця, козо салыця малав а молеви, косо кі-як а калги: 34ведь косо пароҥк, тосо ули седееҥк-как. 35Карксамоҥк улест карксазь, светильникеҥк-как курвастезь. 36Уледе тынь истямо ломанень коньдят, конатьне учить азорост эснэ свадьбасто мурдамонзо, штобу кодак азорось, сазь, стукади, сест панжомс тензэ: 37Талановт сеть уретьне,[3] конатнень азорось сазь муйсыньзе апак удок; видьстэ мерян теҥк, сон озавтнесынзе, сынст, а сонсь, карксазь да икелест молезь, карми эснэст каванямо. 38Сыньдеряй сон вень омбоце караулонь полавтума шкане, да колмоцестэнть-как, да муйсыньзедеряй истя, сеть уретьне талановт. 39Тень содасыҥк ведь, — содаволь-гак кудазорось, кона шкане сы тензэ салыця, сон аволь удок-бу, да авольсе нолдак-бу кудо алгсонзо чувмо; 40тынь-гак анокт уледе: ведь кона частонть а арситядо, сы Ломанень Цёрась. 41Петр мерьсь: Тонавтыця, миненек те притчанть ёвтлят, или весеменень?
42Іисус мерьсь: конась виде да превей кудонь ваныцясь, конатань азорозо путызе весе важонзо[4] лаҥгс покшокс да шкастонзо тенст оҥкстазь кшень максмо? 43Таланов се важось, конатань азорозо [ 185 ]мурдамодо мейле муйсазо истя тейместэ. 44Видестэ кортан теҥк: сонзэ весе ули-паронзо лаҥгс покшокс путсазо. 45Мериньдеряй се уресь эсь пачканзо, азором курок а сы, да карми важотнень да важо аватнень чавмо, симме да ярсамо, да иредеме. 46Сы се важонть азорозо се чистэнть, конайстэ сон а учи, се частосонть, конайстэ сон а арси; (сазь) сон шачк керясазо сонзэ да каясазо аволь виде ломатьнень марто ве таркас. 47Ведь се важось, кона содыльце азоронзо мелензэ, да эзь анокста, эзь тей сонзэ мелензэ кувалт, пек чавозь ули. 48А кона апак сода теи чавмошка чумо, се пек чавозь а ули.
Кинень ламо максозь, сень пельде ламо кевстнить-как. Ки лаҥгс ламо кемить, сень пельде ламо вешнить-как. 49Мон сынь мастор лаҥгс толонь валтамо. Да мелем, седе курок курвазевель-бу сон. 50Монень эряви лемдимасо лемдевмекс, кода Мон майсян тень теевмезэнзэ. 51Арситядо-ли тынь, што Мон сынь мастор лаҥгс оймамонь максмо? Арась, мерян теҥк, — (Мон сынь) явшеме. 52Ведь-те шкадонть мейле вете ломать ве кудосо кармить явмо, — колмотне кавтотнень каршо туить, а кавтотне — колмотнень каршо. 53Тетясь карми мольме цёранзо каршо; цёрась — тетянзо каршо, авась — тейтерензэ каршо; тейтерьсь — аванзо каршо; ававтось — урьванзо каршо; урьвась — ававтонзо каршо. 54Народстень-гак мерьсь: знярдо тынь нейдядо чинь валгома ёндо пелень кепеттемеде, сеск мерьдядо: пиземе ули да истя эри; 55знярдо обед ёндо вармась (пуви), — мерьдядо пси ули, да эри. 56Лицемерт, масторонь да менелень шачонть явмо [ 186 ]машттадо; кода ино те шкась тенк а содави? 57Мейсь тынь эсь кувалмаҥк а содатадо, мезнень улемс эряви? 58Знярдо тенть душманот марто мольмекс сави начальникнень, ки лаҥгсо-як правт эстэдензэ меньмекс, аволезенть макст-бу судіянень; а судіясь аволензеть макст важонстэнь; а важось озавтанзат тюрьмас. 59Мерян тенть: а лисиват тосто остатка ярмакот максомс.