Святое Евангелие (эрзянь)/В/Лукань/16
Глава 16.
1Мерьсь эсь тонавтницянстэнь: ульнесь вейке сюпав ломань, сонзэ ульнесь юртонь ваныцязо, кона лаҥгс тензэ ёвтакшность, што сон сонзэ ули-паросонзо ёмавтли. 2Сон тердизе сонзэ да мерьсь тензэ: мезть мон маринь тоньдеть? Тука монень кудонь ванумат кувалт отчет: тон а маштуват монень кудонь ваныцякс. 3Сестэ кудонь ваныцясь арсесь эсь пачканзо: мезть теймекс тень? азором сайсазо кедьстэнь кудонь вануманть; чувмо а маштан, вешеме виздян. 4Чаркодинь мезе теемс, штобу, кода мон кудонь ванмонсто панезь улян, примавлемизь-бу эсь кудозост. 5Тердинзе азоронзо должникнень, эрь вейкень башка да мерьсь васеньцестень: тонть зняро монь азоростень пандумат? 6Сон мерьсь: сядо оҥкст ой. Сон мерьсь тензэ: саик сёрмат да седе курок, озазь, сёрмат: ведьгемень. 7Мейле мерьсь омбоценень: а [ 195 ]тонть зняро пандумат? се мерьсь: сядо оҥкст товзюро. Сенень-гак мерьсь: саик сёрмат да сёрмат: кавксоньгемень. 8Азорось шнызе аволь виде кудонь ваныцянзо истя ёжовсто теймензэ кис, ведь те пиҥгень цёратне эсь родсост валдонь цёратьнеде ёжовт. 9Мон-гак мерян теҥк: пурнадо эстеҥк ялгат аволь виде сюпав чисэҥк, штобу мейле, кода тынсь арась таркас аратадо, примавледезь-бу пиҥгевтеме эрямо таркас.
10Аламосо видесь, ламосо-як виде; а аламосо аволь видесь, ламосо-як аволь виде. 11Истя ино, эзьде ульдеряй кеммат аволь виде сюпав чисэнть, ки кемдясазо теҥк виденть? 12Эзьде ульдеряй видеть, ломаненьзесэнть, ки теҥк макссазо тынсиҥксенть? 13Кодамо-як важо кавто азоро мельга а якави: сон или вейкень карми вечкеме, а омбоценть анейме, или вейкень кис карми стараямо, а омбоценть кис а карми стараямо. (Тынь-гак) а служавдадо Пазнэнь да сюпав чинень. 14Весемень нень маризь ярмаконь вечкицят фарисейтне-як да пеедсть лаҥгсонзо.
15Сон мерьсь тенст: тынь эсь пряҥк ломань икеле праведнойкс невтнитядо, а Пазось содасынзе тыҥк седееҥк: ведь мезе ломань икеле паро, се Пазонть икеле аванькс. 16Законсь да пророкнэ Іоаннань самс ульнесть; а се шкадонть мейле Пазонь инязорокс чиденть парт кулят молить, да эрьва ки, правтозь, сови эзэзэнзэ. 17Седе курок менельсь да масторсь маштыть, а законсто ве кикс-как а ёми. 18Эрьва ки, кона яви эсь нинзэ маро да лія саи, ускуряви, истя-жо, ки урьваксты мирьдензэ маро явозенть лаҥгс, се-як ускуряви.
[ 196 ] 19Ульнесь ве сюпав ломань; сон порфирасо да виссонсо[1] орчазь якась да эрьва чистэ парьсте симсь, ярсась. 20Ульнесь истяжо вейке Лазарь лемсэ ништёй, коната сый потсо аштесь мадезь сюпавсть ортанзо лаҥгсо: 21сонзэ ульнесь мельзэ сюпавсть столаҥгсто певерицят паморькснэде пекензэ пештямс. Кискатьне-як, ваксозонзо молезь, нолцесьть сыявксонзо эснэ. 22Кулось ништёйсь; Ангелтнэ кандызь сонзэ Авраам ваксс[2]. Кулось сюпавсь-как, сонзэ калмизь. 23Адсо пиштевтемстэ сон кепединзе сельмензэ верев да васолдо-як неизе Авраамонь, да вакстонзо Лазарень-гак. 24Сон, серьгедезь, мерьсь: Авраам тетяй, жалямак монь: кучик Лазарень, начтавлессе бу сон сур-пензэ ведьсэ да кельмевтевлессе монь келем: ведь мон те толсонть піян-палан. 25Авраам мерьсь: эйдем, ледьстик мелезэть: ведь тон эрямо пиҥгстэть паронть саик, а Лазарь апаронть; ней вана сон тесэ васьки, а тон пиштевтят; 26да теде башка оштё, тыҥк маро минек юткс теезь покш, потмакстомо тарка, тень кувалма, улевель-гак кинь-гак мельзэ минек ваксто тыҥк вакс туймекс — а туеви, истяжо тосто-як минек юткс а сакшныть. 27Сестэ сон мерьсь: ино инялдан тенть, тетяй, кучик сонзэ монь тетянь кудос; 28ведь монь вете братон, ёвтлевель-бу тенст, сынь-гак авольть сак-бу те пиштевтима таркастень. 29Авраам мерьсь тензэ: сынст ули Моисеест да пророкост: сынст кулсоност. 30Сон мерьсь: арась, Авраам тетяй, кі-як [ 197 ]кулозьтнень эйстэ сыньдеряй тенст, кадсызь пежетест. 31Сестэ Авраам мерьсь тензэ: Моисеень да пророкнэнь а кулсонытьдеряй, кулозьде вельмезестень-гак а кемить.