Священная история Ветхого завета (мокшень)/О/02
| ←1. Масторть тиемац. | Священная история Ветхого завета на Мокшанском наречии Мордовского языка (1900) by 2-це главась. |
3. Адам мархта Евань Райса эряфсна.→ |
| Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 4 |
2. Васенце ломанть тиемац.
Васенце ломанть Шкайсь тиезе, аф кода зверьхтнень дъ жувататнень, фкя валонь мярьгозь: „улеза“. Сон ломанть тиемдонза инголе мярьгсь Святой Троицати: тихтяма тяни эсь лацонок ломань. Ломанть ронгонц Шкайсь тиезе модаста дъ уфась потмозонза вайме. Васенце ломанть лемоцоль Адам. Шкайсь вятезе Адамонь Раи эряма; тоса вятезень теенза сембе зверьхтнень дъ жувататнень. Адамсь сембонди теест путсь лепт. Сальде Шкайсь нолдась Адамонь лангс кеме (вишке) удома. Удомстонза таргась эздонза фкя ирдез дъ тись эздонза теенза ава[1]. Авать лемоцоль Ева. Кодак Шкайсь вятезе Евать Адамти, Адамсь мярьгсь: тя ронгсь — монь ронгстон, тя пакарсь — монь пакарьстон, сон улеза мондиень авакс.
- ↑ Ърьвя.