Священная история Ветхого завета (мокшень)/О/04
| ←3. Адам мархта Евань Райса эряфсна. | Священная история Ветхого завета на Мокшанском наречии Мордовского языка (1900) by 4-це главась. |
5. Адамть дъ Евать грехс прамда меле эряфсна.→ |
| Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 5—6 |
4. Васенце ломаттнень грехс прамасна.
Адам мархта Ева Райть эса аф ламос эрясть; синь дьяволсь прафтозень грехс.
Дьяволсь васенда ангелоль; сон лоткась Шкайть кулхцондомдонза, дъ кармась сонь каршезонза молема. Шкайсь панезе сонь менельста, дъ сон арась дьяволкс.
Весть Евась лоткась ся шуфтть каршес, конань марьдонза Шкайсь ашезь мярьге теест ярхцамда. Ся шуфтть пряса ащесь куй; дьяволсь сувась куйть потмос дъ кизефтезе Евать: афкукс-али Шкайсь ашезь мярьге теенть ярхцамда марьда райста сембя шуфттнень эзда? Евась мярьгсь теенза: аф, минь ярхцатама марьда сембе шуфттнень эзда, аньцек вага тя шуфтть марьда Шкайсь ашезь мярьге теенек ярхцамда. Сон мярьгсь теенек, кодак тинь сусктада тя шуфтть марьдонза, эстокиге кулотада. Дьяволсь мярьгсь Евати: аф, тинь аф кулотада, а кодак сусктада ня марьхтнень эзда, тинць эстокиге шкайкс тиефтяда, панжевихть тинь сельмонте дъ карматада цебярень дъ аф цебярень содама. Евась васькафтовсь дьяволти, сявсь ся шуфтть эзда марь, дъ ярхцась эздонза. Сальде макссь Адамтиге; Адамське ярхцась. Тяфта прасть грехс васенце ломаттне.