Священная история Ветхого завета (мокшень)/О/16
16. Иаковонь куцемань няемац.
Харрану молемста Иаковонди савсь паксяса удомс; сон озондомдонза меле путсь прялонза кев, мадсь модать лангс дъ матодовсь. Онстонза сон няйсь масторста менели куцема; ся куцемать ланга куцендсть дъ валгондсть ангелхт, а эмбода вяре Сонць Шкайсель; Сон мярьгсь Иаковонди: Мон Авраамонь дъ Исааконь Шкаецан! Тят пель, масторть, конань лангса тон удат, Мон максса теть дъ тонь плямацти. Тонь плямаце ули стане лама, кода лама моряса шуварда, тонь плямацень кувалмова благословиндафт улихть масторть лангса сембе ломаттне. Иаков съргоземда меле мярьгсь: тя вастсь пелеме васта; тя Шкайть кудоц; тяса менелень ортатне. Сальде Иаков путозе кевть, кона прялонзоль, жертвенниконди, дъ каясь лангозонза шуфта вай. Иаков ся вастти путсь лем — Вефиль; мокшекс Вефильсь — Шкаень куд.