Священная история Ветхого завета (мокшень)/О/39
39. Оцязоронь пингсь.
Сиредем-бяли Самуил путозень цёранзон судиякс Еврейхнень лангс. Синь судендасть аф видеста. Сяс Еврейхне пуромсть Самуилонди дъ анасть кядьстонза оцязор. Самуил озондсь Шкайти. Шкайсь мярьгсь теенза тиемда стане, кода атятнень мяльсна.
Ся пингть фкя алянь ульсь пякь мазы дъ оцю цёрац; сонь лемоцоль Саул. Сонь алянц юмасть ослицанза. Саул тусь ослицатнень вешеме; ослицатнень вешемста сон мольсь ся ошу, коса эрясь Самуил; сон ёралексольхце кизефтемс Самуилонь, коста вешемат ослицатне. Мъзярда Самуил няезе Саулонь, Шкайсь мярьгсь теенза: вага ся ломансь кона ули Израильтятненди оцязоркс.
Самуил мярьгсь Саулонди: тят ризна ослицатнень кувалмова, синь синць молихть меки куду. Самуил кирдезе Саулонь обедама дъ удома. Шобдава Самуил сявсь шуфта вай дъ тусь Саулонь първажама. Мъзярда синь лиссть ошта ушу, Самуил каязе шуфта вайть Саулонь прянц лангс дъ мярьгсь: вага Шкайсь вяттянза тонь Еврейхненди оцязоркс.
Аф ламос ащезь Самуил тердезень Еврейхнень Массифав[1] жерьбань ёрдама, кинди улема оцязоркс. Жерьбась прась Саулонь лангс. Самуил вятезе сонь наротть ёткс дъ мярьгсь: вага кинь кочкась Шкайсь оцязоркс, сонь лацонза наротть ёткса фкявок аш. Народ ювадсь: эряза оцязорсь!
- ↑ Массифась — ош.