Священная история Ветхого завета (мокшень)/О/46
46. Еврейскяй царствать кафтува явомац.
Мъзярда оцязоркс арась Соломонть цёрац Ровоамсь, народсь пуромсь теенза дъ эняльдсь теенза штоба сон убавалезе тацькять. Ровоамсь анась синь кядьстост сянь кувалмова арьсемс колма шит. Сон корхтась сянь кувалмова атятнень мархта: синь мярьгондсть теенза тиемс стане, кода анай народсь. Ровоамсь ашезень кулхцонда синь, лиссь народти дъ мярьгсь: къда алязе сявондсь тацькада лама, мон карман сявондема нинге сяда лама; къда алязе наказакшнедязь пяк, мон карман наказакшнемонт нинге сяда пяк. Народсь кяжиясь сонь стане корхтаманц лангс, дъ кемонь коленатне явсть сонь эздонза дъ кочкасть эстиест иля оцязор, конань лемоцоль Иеровоам. Стане Еврейскяй царствась явсь кафтова. Ся царствати, конань оцязороц Ровоамсель, мярьгольхть Иудейскяй, а конань оцязороцоль Иеровоамсь — Израильскяй. Эрь царстваса комсень оцязороль.