Священная история Ветхого завета (мокшень)/О/48
| ←47. Пророк Илия. | Священная история Ветхого завета на Мокшанском наречии Мордовского языка (1900) by 48-це главась. |
49. Пророк Елисей.→ |
| Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 62—63 |
48. Илиять менели сявомац.
Илиять мархта Елисейсь тусть Иорданть шири. Мъзярда синь пачкодсть Иорданти, Илиясь каязе лангстонза щамонц дъ эрьхтезе мархтонза Иордан ведть. Ведсь явсь кафтова и синь ётасть Иорданть коське потмаксканза. Иорданть туркс ётамда меле Илиясь мярьгсь Елисейти: мон курок сявф улян тонь эздот менели, мъзярс тонь мархтотан, анак кядьстон, мезь теть эряви. Елисейсь мярьгсь: Святой Духсь, Кона тонь эсот, улеза эсон кафксть сяда лама. Илиясь мярьгсь теенза: тон лама анат. Няендярясамак, кода сявф улян менели, ули теть ся, мезь анат. Кодак Илиясь мярьгозень ня валхнень, тихтедсть толонь алашат толонь колесница мархта и Илиясь сявфоль масторста менели. Тянь няезь, Илиясь[1] пешкодсь: аляй, аляй, Израилень колесницась дъ алашатне. Илиясь, тянь марязь, ёрдазе лангстонза щамонц. Елисейсь кеподезе ся щамть дъ тусь мархтонза куду. Щамть мархта эрьхтемати Иорданть ведец явсь кафтова и Елисейсь ётась Иорданть коське потмаксканза.
- ↑ Эльбятькс тяса, виде ули (Библиять коряс): Елисейсь. — Примечаниясь Викисёрматфкстнень редакторонь эзда.