Священная история Ветхого завета (мокшень)/B/40
| ←39. Оцязы̃ры̃нь пиҥксь. | Священная исторія Ветхаго завѣта на Мокшанскомъ нарѣчіи Мордовскаго языка (1900) 40-це главась. |
41. Давиды̃нь оцязы̃ркс кочкамац.→ |
| Священная исторія Ветхаго завѣта на Мокшанскомъ нарѣчіи Мордовскаго языка. Изданіе Православнаго Миссіонерскаго Общества. — Казань, типо-литографія Императорскаго университета, 1900. — с. 50—51 |
40. Саулы̃нь оцязы̃ркс эрямац.
Оцязы̃ркс арамда меля̈ Саулсь ушы̃ць война филистимлятнень марта. Пы̃рдась солдатт дӑ кармась Самуилть учы̃мя̈, войнада иҥгы̃ля̈ жертвань канды̃ма. Ётась сисемь шит, а Самуилсь ашы̃зь [ 51 ]сашы̃нда. Саулть солдады̃нза кармасть пелемя̈ филистимлятнень эзда дӑ кармасть кудга ворьгы̃демя̈. Саулсь ашы̃зя̈ уча Самуилть, сонць канць жертва. Анцяк Саулсь кенерсь жертвань канды̃мс, сась Самуилсь дӑ мя̈рьксь теенза: аф цебя̈рьста тіеть, мяс ашы̃майть уча жертвань канды̃ма. Сяс тон ламы̃с аф улят оцязы̃ркс; Шкайсь муй эстіенза иля̈ ломань дӑ пуцы сонь оцязы̃ркс.
Аф ламы̃с ащезь Шкайсь мя̈рьксь Саулти Самуилть вельдя̈ имафты̃мда амаликитятнень самбя̈ шуватасны̃н да паршисны̃н. Саулсь шавы̃нды̃зень аф сембя̈ амаликитятнень: кады̃зя̈ шивста оцязы̃рсны̃н дӑ цебя̈рь шуватасны̃н. Самуилсь сась дӑ сюцезя̈ Саулть Шкаень аф кулцы̃нды̃маҥкса. Саулсь видептелексы̃льця̈ прянц. Сон мя̈рьксь Самуилти: мон кады̃ня̈ ня̈ шувататнень Шкайти жертвань канды̃мс. А Самуилсь теенза мя̈рьксь: Шкайть кулцы̃нды̃мац жертвада цебя̈рь. Сяс, мяс тон ашить кулцы̃нда Шкайть, тон аф улят оцязы̃ркс. Сяда меля̈ Самуилсь тулексы̃ль, Саулсь фатя̈сь адёжазы̃нза дӑ ся̈зезя̈ адёжанц. Эста Самуилсь мя̈рьксь: тя̈чи Шкайсь ся̈вы̃зя̈ тонь кя̈цты̃т Еврейскя̈й царствать дӑ максы̃зя̈ иля̈нди, кона тондеды̃т цебя̈рь. Сальдя̈ Самуилсь мя̈рьксь вя̈темда амаликитянскя̈й оцязы̃рть дӑ кя̈рсезя̈ сонь.