Священная история Ветхого завета (мокшень)/B/50

by by Евсевьевъ, Макаръ Евсевьевичъ

[ 65 ]

Пророк Іона.

Пророк Іона эря̈сь Израильскя̈й масты̃рса Елисейда меля̈. Весьть Шкайсь кучы̃зя̈ Іонань Неневія̈ ошса эря̈йхненди кортама, штӑ синь аф цебя̈рь эряфсны̃н иҥкса Шкайсь кя̈жія̈сь лаҥгы̃зы̃ст. Неневія̈нь эря̈йхня̈ пя̈кь лама афцебя̈рь тіеньтсьть Израильтяттненьди. Сяс Іонань пя̈кь ашы̃зь ту мя̈лезы̃нза [ 66 ]тоза молемась дӑ кортамась эсь масты̃ры̃нц непрія̈телензы̃нди Шкайть кя̈жіяфты̃манц кувалмы̃ва. Сон содазя̈, шта Неневія̈нь эря̈йхня̈ кады̃ндя̈рясазь аф цебя̈рь тевсны̃н дӑ карманьдя̈ря̈йхть Шкайти озы̃нды̃ма, Шкайсь простиндасы̃ня̈ синь.

Сон озась корабльс да тусь иля̈ масты̃рс. Сонь корабы̃льса уемсты̃нза кепець моря̈ть лаҥкса вишкя̈ буря̈.

Корабльть лаҥкста сембя̈ ломоттня̈ я̈вы̃цьть дӑ кармасьть сембя̈ шкайсны̃нди озы̃нды̃ма, а буря̈сь аф лоткси. Эста пы̃рдазь сембя̈ ломаттнень марс дӑ кая̈сьть жерьба, кинь иҥкса саты̃зень синь тяшка несчастія̈сь. Жерьбась прась Іонать лаҥкс. Эста Іона азы̃нды̃зя̈ эсь грѣхы̃нц, дӑ эня̈льць, штӑбӑ ёрьдалезь сонь моряв. Аньцяк ёрдазь моряв, буря̈сь эсты̃кигя̈ лоткась. Моряса Іонань нилезя̈ оцю кал. Калсь кирьдезя̈ сонь эсь потмы̃сы̃нза колма шит дӑ колма вет дӑ ёрдазя̈ мы̃ля̈ меки берягть лаҥкс. Тяда меля̈ Іона мольсь Неневіяв дӑ шинь шопы̃демс якась ошка дӑ кортась: илятсь аньцяк ниля̈гемы̃нь ши, сальдя̈ Неневія̈ть Шкайсь имафцы аф цебя̈рь тевы̃нзы̃н иҥкса. Неневія̈нь эря̈йхня̈ вѣры̃ндасьть Іонаньди, кармасьть ризнама аф цебя̈рь тевсны̃н кувалмы̃ва дӑ аварьдемя̈, Шкайти эня̈льдемя̈ дӑ [ 67 ]прощенія̈нь анама. Шкайсь кулезя̈ синь озы̃ды̃масны̃н дӑ простиндазень.

Неневія̈нь эря̈йхненьди кортамда меля̈, Іона лиссь ошта ушу, тись эстіенза псить эзда кя̈шемс кош, дӑ кармась учы̃ма, кода Шкайсь имафцы Неневія̈ть. Фкя̈ веня̈ Шкайсь касфтсь Іонань кошы̃нц иҥгы̃ли оцю лопав шуфта. Іона кеня̈рьць ся̈ чудати: ся̈ шуфтть эзда праль сонь кошы̃нц лаҥкс цильфь. Аньцяк омбы̃ця̈ шиня̈ сукссь порезя̈ ся̈ шуфтть юры̃нц, и сон коськсь. Мы̃зярда лиссь шись дӑ кармась Іонань прянц пидемя̈, Іона кармась ужя̈льдемя̈, штӑ ся̈ шуфць коськсь. Эста Шкайсь мя̈рьксь теенза: теть ужя̈ль ся̈ шуфць, конань лаҥкса тон ашы̃ть труденда, ашы̃ть касфта эсы̃нза. Кода мы̃ля̈ Теень аф ужя̈льдема Неневія̈сь, конань эса сяда комсь идь, конат аф содасазь, кона види кя̈цна, кона — кя̈ржись.