Священная история Ветхого и Нового завета (1880)/В/Ветхий/05
5. Адамонь эйкакшонзо.
Кода Пазъ Адамъ марто Евань райстэ панинзе, сынстъ кавто Каинъ и Авель лемсэ цёрастъ шачсть. Каинъ сюро мельга якась, Авель реве мельга якась. Сынь весть кавто братъ вейсэ Пазнэнь озксъ кандсть. Каинъ озксоксъ сюро кандсь, а Авель весемеде вадря ревензэ кандызе. Авель Пазнэнь озксонзо кемезь, вечкезь, виде, ваньксъ седсэнзэ кандызе: сонъ, паро седсэ, ваньксъ мельсэ ломань ульнесь несакъ. Пазъ сонзо озксонзо примизе; а Каинэнь озксонзо эсе примакъ: сонъ Пазнэнь озксонзо, авуль кемезь, а ваньксъ, а паро мельсэнзэ кандызе: сонъ а паро седсэ, а ваньксъ мельсэ, авадря ломань ульнесь несакъ. Каинэнь братонзо лангсъ, сельмензэ сіядозь, кежензэ састь. Сонъ Авелень паксявъ тердизе да маштызе. Пазъ Каиннэнь неявозь мерсь: «Каинъ! косо тонь братотъ Авель»? Каинъ Пазнэнь кежейстэ «эле монъ братомъ мельга каравуланъ»! мерсь. Пазъ Каиннэнь мерсь: «мезе теить тонъ! братотъ маштыкъ вѣдь тонъ: сонзо верезэ модасто инялды темъ. Тень кисъ сюдозятъ ней тонъ. Тонъ масторъ лангсо эстеть парынестэ оймамо [ 9 ]тарка косоякъ а муятъ». Каинэнь племасто ломатне апартъ, авадрятъ ульнесть: сынстъ эйстэ ломанень эйкакштъ мерилть.
Пазъ Адамъ марто Еванень Авелень таркасъ колмоце Сиѳъ лемсэ цёра максь. Сиѳень племасто партъ ломать ульнесть; сыньдестъ Пазонь почитаямостъ кисъ Пазонь цёранзо мерилть. Сиѳень родстонзо весемеде ётъ ломатнень леместъ вана кодатъ: Энохъ, сонъ эсензэ паро эрямонзо кисъ менельсъ апакъ кулокъ саевсь, Маѳусалъ, сонъ масторъ лангсо весемеде кувать 969 іеть эрясь, Ной, сонзо Пазъ ваямодо ванызе.